Gengur grátlega hægt.

Metanvæðing íslenska bílaflotans gengur grátlega hægt. Þetta er sú breyting á orkunotkun fyrir bílaflotann sem gefur mikinnn ávinning umhverfislega séð, orkugjafinn er innlendur og þetta liggur langbeinast við, því að eftir sem áður geta metanbreyttir bílar gengið á bensíni og því er sú mótbára, að ekki sé hægt að vera frjáls að því að aka eins langt og þurfa þykir, ekki fyrir hendi.

Á metanbreyttum bíl eru bæði bensíngeymir og metangeymir og þegar metanið þrýtur er einfaldlega skipt yfir á metanið. Þegar metanstöð er komin á Akureyri verður það stórt stökk framávið. 

Það er ágætt millistig yfir í aðra nýja orkugjafa að knýja sjöttung bílaflotans með metani, en miðað við þá tiltölulega örfáu bíla sem komnir eru í umferð, gengur þetta grátlega hægt. 

Metan gæti knúið 30.000 bíla

Athugasemdir

[Þórður Ingi Guðmundsson (IP-tala skráð) 20.4.2011 kl. 14:13]

Gleður mig að segja þér Ómar að allavega 3 verkstæði vinna í því að breyta bílum á þann hátt að þeir geti gengið fyrir metani og eftir því sem ég kemst næst er biðlisti á þeim öllum. Auðvitað ættum við að vera komin lengra í þessu ferli og eru t.d. svíar langt á undan okkur en þetta er allt í rétta átt, og gengur mun hraðar núna en nokkru sinni fyrr.

[Yngvi (IP-tala skráð) 20.4.2011 kl. 14:37]

Gallinn við þetta er sá, að venjulegur bíleigandi sér engan ávinning í þessari breytingu.

[Jón Logi (IP-tala skráð) 20.4.2011 kl. 15:08]

Ha? Er ekki metanið nokk ódýrara?

Það leiðir reyndar hugann að blönduðum rafbílum. Eru þeir ekki á markaði? Straumurinn hérna kostar ekki neitt sem knúningsorka m.v. bensín.

[Jón Logi (IP-tala skráð) 21.4.2011 kl. 18:04]

Hérna er vefsíða með reiknivél.

http://www.orkusetur.is/id/12266

Virðist nú muna nokkru.

En með straumi sem aukakosti mun meiru. Bara verst að þeir bílar sem eru "parallel" með straum + bensín/dísel eru yfirleitt með mjög smaa rafmótora. ENNÞÁ

[Sigurður Haukur Gíslason, 22.4.2011 kl. 10:55]

Auðvitað þurfa stjórnvöld að grípa hér inní. Þetta er líka þróunarstarf sem skilar sér í bættu umhverfi og við spörum gjaldeyri í leiðinni. Spurning hvort ríkið ætti ekki að niðurgreiða þessar breytingar með einhverjum hætti eða fella niður gjöld og vask af því að breyta bensínbíl í metan.

[Hörður Björgvinsson (IP-tala skráð) 23.4.2011 kl. 15:15]

Almenningur verður að finna muninn á veskinu, ekki nefinu eða heilsunni.

Og almenningur veit að um leið og bensínsala minnkar að ráði vegna metanvæðingar munu stjornvöld hækka verð á metani.