Engin venjuleg strönd.

Sigling kajakmanna, sem hófst fyrir tæpum fjórum vikum á Húsavík gefur til kynna að sú ætlan að sigla í kringum landið á þessum árstíma er í litlu samræmi við þær aðstæður sem ríkja við Íslandsstrendur á einhverju vindasamasta svæði heims.

Eina huggunin fyrir þá þegar svona hægt gengur er sú, að heppilegasti tíminn til þess að róa erfiðasta kaflann frá Hornafirði vestur að Landeyjahöfn, ef það verður þá fært að róa inn í hana, verður þegar komið er fram í júní. 

Vonandi hafa þeir þolinmæði og tíma til þess að fara að öllu með þeirri gát sem nauðsynleg er til þess að sætta sig við það að komast ekki alla leiðina fyrr en síðsumars, ef þeir komast á yfirleitt alla leið. 

Kajakmenn komust fyrir Font en urðu að snúa við

Athugasemdir

[Haukur Kristinsson (IP-tala skráð) 22.4.2011 kl. 02:56]

Furðulegt ferðalag. Stöðugt að taka land, leggja sig og éta.

 

“It will be traveling fast and eating light”, sagði Rooster við Mattie Ross í True Grit.

 

[Sævar Helgason, 22.4.2011 kl. 12:43]

Fyrir þá sem ekki þekkja til virðist svona kæjarróður vera lítt skiljanlegt fyrirbæri.

Sjálfur á ég að baki um 7500 km ( svona eins og flugtímar) árin - Vítt og breitt með strönd landsins einkum við og um eyjaklasana miklu á Breiðafirði.

Sjókæjakróður er einstök upplifun við náttúruna og náttúruöflin. Ferðamáti sem engum öðrum er líkur.  Þetta sport gerir miklar kröfur til veðurþekkingar,strauma ,sjólags og hvernig þetta vinnur sama eða gegn hvert öðru.

 Þessir tveir félagar frá Suður Afríku sem nú eru að róa hringinn um Ísland eru nokkuð ólíkir . Annar er þrautreyndur langferðamaður á sjókæjak en hinn er minna reyndur auk þess sem hann býr að léttri hreyfihömlun. Þeir róa því báðir á sama kæjaknum.

Markmið þeirra var að fara þennan erfiða hring um Ísland á kæjak-á nýstárlegan hátt-að vetrarlagi. Hafið umhverfis Ísland er einhver erfiðasta sjóleið í heimi og alveg sérstaklega að vetrarlagi.

 Þeir voru varaðir við af okkar reyndustu kæjakmönnum . Þeir væru 2 mánuðum of snemma á ferð.

 En þeir töku sína ákvörðun og fá nú að finna til tevatnins. Ferðin gengur afar hægt vegna veðurs og sjólags.

 Þeir fengu m.a fylgd björgunarsveitar Þórshafnar fyrir Fontinn ysta odda Langaness. Veður ,sjólag og straumur var slæmt.

 En lang erfiðasti hluti ferðarinnar er með sandinum mikla frá Hornafirði og að Landeyjarhöfn og síðan vestur fyrir Þjórsá.

 Þetta er alltsaman mikil þrekraun.

Einn Íslendingur hefur róið þetta.

 Sumarið 2009 réri Gísli H. Friðgeirsson hringinn einn síns liðs alls 2020 km -með viðkomu í Vestmannaeyjum. Gísli var þá tæpra 66 ára  gamall. Glæsilegt afrek.

 En nú fylgjumst við með þessum tveim félögum á hringferð um Island á kæjak að vertarlagi....  Góða skemmtun