Er refurinn þá ekki að drepa allt ?

Mikið hefur verið fjallað um það undanfarin ár að fjöldi refa sé orðinn slíkur á Hornströndum að hann sé að eyða þar öllum fugli.  Þurfi því að taka til hendi og strádrepa þennan vágest.

Tvennt er merkilegt við þetta: 

1.  Áður en Geirmundur heljarskinn nam Hornstrandir og menn komu þangað fyrst, höfðu síðustu tíu þúsund árin á undan ekki verið þar nokkrir menn til þess að drepa refi.  Samt var þar mikið fugla- og dýralíf, svo blómlegt, að hinn konungborni landnámsmaður þótti gott að nema þar land. 

Hvernig mátti það vera fyrst refnum hafði ekki verið haldið í skefjum? 

2. Nú segir maður, sem ferðast hefur um Hornstrandir allar götur frá 1979 frá því að hann hafi aldrei séð þar jafn mikið fuglalíf og nú er þar. Hvernig má það vera? 

Hraðsigling eftir hvítabirni

Athugasemdir

[Tryggvi Helgason, 4.5.2011 kl. 02:55]

Það virðast vera náttúruverndar-refirnir sem allt ætla að drepa. Hvers vegna mátti þetta kvikindi ekki eiga sig, og verið látið í friði ? Til hvers þurfti að rjúka upp til handa og fóta og æða norður á Strandir í þyrlu ? Hver borgar svona bull ?

Það stafaði engum nein hætta af þessum hvítabirni. Á þessum tíma eru þarna engir ferðamenn. Og ef einhverjir vildu fara þarna um á þessum árstíma þá er bara að sjá svo um, að þeir hafi góðan riffil eða öflugar skammbyssur meðferðis.

Hvítabirnir eru sjáfardýr sem koma lítið upp á land enda er allt þeirra æti í sjónum. Skipverjar á farskipum hafa séð hvítabirni á sundi 300 kílómetra frá næstu ísrönd.

Þessi hvítabjörn hefði verið farinn sína leið út í sjó að fáum dögum liðnum, - eða hvernig halda menn að dýrið hafi komið á Strandir, ... halda menn að dýrið hafi komið flugleiðis til landsins, ... í þyrlu frá Svalbarða eða Alaska ???

[Jón Logi (IP-tala skráð) 4.5.2011 kl. 08:51]

Það voru ferðamenn á gangi á svæðinu, og svona "bangsi" er tiltölulega fljótur að vippa sér yfir í næstu sýslu.

Ef að á að sætta sig við bjarndýr sprellandi um alla vestfirði, þá verður að gera ráð fyrir því að ferðafólk fái vopn, líkt og á Svalbarða.

[Mofi, 4.5.2011 kl. 13:27]

Þessi dýr eru ekki þekkt fyrir að vera hættuleg, ekki nema þau eru mjög hungruð. Svo, við hefðum átt að gefa bangsa að borða og reka hann í átt að heimaslóðum en alltaf sami byssuglaði heigulshátturinn sem ræður ferðinni.