Annað hvort eða.

"Teningunum er varpað" sagði Sesar þegar hann hélt yfir Rubiconfljót og vissi að með því stefndi hann í borgarastríð. 

Sama var uppi á teningnum í samþykkt Sameinuðu þjóðanna um að varna Gaddafi þess að valta yfir uppreisnarmenn og láta menn sína fara hús úr húsi og drepa alla sem fyrir yrðu.

Annað hvort heldur Gaddafi velli eða ekki. Ef hann kemst hjá því að láta af völdum, hversu lítil sem þau kunna að verða í raun, getur hann skoðað það sem sigur. 

Þess vegna telur Obama sig tilneyddan að taka ákvarðanir sem vafasamt er að standist lög lands hans.

Það verður varla aftur snúið úr því að lagt var af stað upp í þennan tvísýna leiðangur, því að um Gaddafi gildir svipað og sagt var forðum um íslenskan höfðingja: Enginn frýr honum vits en meir er hann grunaður um græsku.  

Bandaríkin ósammála Rússum

Athugasemdir

[el-Toro, 30.6.2011 kl. 21:13]

bandaríkin og evrópusambandið túlkar reglur einfaldlega sér í hag.  þannig hefur það alltaf verið og mun alltaf verða.  Þeir munu á endanum myrða Gaddafi, því ef það er einhver sem Bandaríkin eru hræddari við að fá í dómsali heimsins en bin Laden, þá er það pottþétt Gaddafi.  Gaddafi hefur nefnilega verið þeim þyrnir í augum um ansi langt skeið, enda duglegur að bendla þá við hluti sem heimskur almúgin á vesturlöndum telur vera "SAMSÆRISKENNINGU".