Kynþáttamismunun fyrir fæðingu?

Ýmsir fordómar hafa lengi ríkt gagnvart rauðhærðu fólki og sjálfur upplifði ég ýmislegt af því sem krakki þegar stundum var leitað eftir einhverju til að stríða manni á.

Í æskuminningum Hendriks Ottósonar segir hann frá því hvernig rauðhærðir drengir voru hræddir með því að franskir sjómenn sæktust eftir því að klófesta þá og nota þá í beitu. 

Einhverni tíma fyrir langa löngu heyrði ég ávæning af einhverju afbrigðilegu við kynhegðun rauðhærðra kvenna en það er svo langt síðan að ég er búinn að gleyma því í hverju það átti að felast, sem betur fer. 

Upplýst hefur verið að rautt hár sé víkjandi eiginleiki erfðafræðilega séð, og því má furðu gegna ef menn vilja auka á þá mismunun enn frekar með eins konar kynþáttamismunun fyrir fæðingu af hendi sæðisbanka.

Ég finn til mikillar samkenndar með rauðhærðu fólki, nú síðast í gær á ráðstefnu um hjólreiðar, þar sem Jón Gnarr borgarstjóri hélt lokaræðuna. 

Þegar ég hitti Jón í lok ráðstefnunnar tjáði ég honum þessa samkennd og ekki minnkar hún við það að við höfum báðir starfað sem skemmtikraftar, rauðhærðir grínistar.  

 

Sæðisbanki hafnar rauðhærðum

Athugasemdir

[Rafn Haraldur Sigurðsson (IP-tala skráð) 17.9.2011 kl. 23:39]

Ekkert hár engar áhyggjur

[anita (IP-tala skráð) 18.9.2011 kl. 02:34]

Það gekk á milli að rauðhærðar konur væru villtari og betri í rúminu man ég eftir, held að það sé það sem þu ert að tala um :)

[Rebekka, 18.9.2011 kl. 08:05]

Ég skil ekki fordóma gagnvart rauðhærðum.  Mér finnst rautt hár langflottasti hárliturinn.  Hann er oft mjög áberandi og gefur eigandanum karakter.  Að auki virðist oft fylgja rauða litnum að hárið sé þykkt og stundum jafnvel hrokkið sem er enn flottara að mínu mati.  Sem slétthærðri ljósku hefur mig oft dreymt um að hafa rauðar krullur... 

[Jakob Jörunds Jónsson, 18.9.2011 kl. 10:18]

Omar, hefur thu einhverntiman sagt ljoskubrandara?

Eru thad fordomar gagnvart ljoshaerdu folki?

Eda er allt i lagi ad segja brandara um ljoshaert folk, en a sama tima er thad bullandi rasismi ad segja tha um raudhaerda?

[Guðmundur Paul, 18.9.2011 kl. 13:46]

það er eftirspurn almennings sem ræður þeirri ákvörðun bankans skv fréttinni en ekki að bankinn ætli að takmarka framboðið

[steingerði (IP-tala skráð) 18.9.2011 kl. 23:40]

Rauður-(amk skegg-)háralitur virðist nú síst víkjandi í Fjármálaráðuneytinu. Sé ekki betur en sá sé ríkjandi og hreint ekki á förum af sjálfsdáðum.