Vísasti vegurinn til að búa til píslarvott.

Stalín sagði: "Að drepa einn mann er morð en milljón manns er bara tala." 

Enginn veit hve margar þúsundir manna voru drepnir af völdum ógnarstjórnar Muammars Gaddafis en með drápi hans nú og því hvernig að því var staðið er er búið að gera dráp hans stærra í hugum fólks en dráp alls þess fólks sem hann hafði á samviskunni.

Gaddafi átti sína stuðningsmenn í Líbíu, einkum meðal ættflokks síns og annarra sem hann hyglaði.

Viðbjóðslegt drápið á honum getur valdið því að meðal einhverra verði hann að píslarvætti í stað þess að standa frammi fyrir réttlátum dómstóli. 

Auk þess er hætta á að hefndaraðgerðir á báða bóga milli andstæðra fylkinga og ættbálka í Líbíu geti magnast þegar svona er staðið að málum og afleiðingarnar orðið mjög slæmar.

Segist hafa skotið Gaddafi

Athugasemdir

[Anna Benkovic (IP-tala skráð) 21.10.2011 kl. 23:52]

algerlega sammála Ómar. Er líka að velta fyrir mer siðferði þeirra sem við "eigum" að styðja! Ameríku og NATO?

Eru þetta ekki bara morðingjar?

[Dexter Morgan, 22.10.2011 kl. 00:47]

Hvað erum við að dæma hérna á íslandi. Er ekki bara gott mál að það sé einu fíflinu færra. Kannski þokast heimurinn í átt að betri tíma með blóm í haga. PEACE !

[Steini Bjarna, 22.10.2011 kl. 01:29]

Þetta er viðbjóðsegt dráp og illa ígrundað.  Nú tekur við sama sundurleysisruglið og í Írak og svo með kosningum komast heittrúarmenn til valda.  Verði NATO að góðu!

[Haraldur (IP-tala skráð) 22.10.2011 kl. 02:42]

Þó að mikið sé til í orðum þínum, Ómar, má samt ekki líta fram hjá því að í fangelsi hefði hann getað orðið jafnvel enn hættulegra sameiningartákn stuðningsmanna sinna sem væru vísir til að beita öllum brögðum til að frelsa hann. Þrátt fyrir að mannúðlegra sé að handsama harðstjóra og stríðsglæpamenn má deila um hvort það sé skynsamlegra því réttarhöld yfir slíkum kumpánum eiga til að breytast í algjöran farsa líkt og réttarhöld Stríðsglæpadómstólsins í Hag yfir Slobodan Milosevic sýna glöggt.

Gaddafi verður sameiningartákn sinna manna eftir dauða sinn en ég held að kraftur þeirra hefði orðið enn meiri ef Gaddafi hefði haldið lífi.