Orkuveitan ætlar að gefa tóninn.

Með yfirlýsingu sinni um að virkja eigi í Bitru í stað þess að halda sig við það að þessi staður sé settur í verndarflokk hefur það gerst sem búast mátti við, - að hinir öflugu aðilar sem virkja vilja hvar sem því verði við komið, myndu hefja fyrir því hatramma baráttu að koma áformum sínum í framkvæmd.

Orkuveita Reykjavíkur sem er í eigu allra Reykvíkinga, langstærsta sveitarfélags landsins, hefur nú gefið tóninn með umsögn fyrirtækisins um Rammaáætlun Alþingis og hafið harða baráttu fyrir einhverri siðlausustu og verstu virkjanahugmynd, sem um getur hér á landi.

Af hverju segi ég þetta?

1. Valta á yfir Hvergerðinga sem búa í næsta nágrenni þessarar óskavirkjunar Orkuveitunnar og hafa þeirra hagsmuni og álit að engu. Þeir eiga að fá að búa við brennisteinsmengun og jarðskjálfta sem hleypt verði að stað af mannavöldum og verða sviptir dýrmætu útivistarsvæði og náttúruvætti í hlaðvarpa byggðarinnar.

2. Virkjunin brýtur gróflega í bága við skuldbindingar Íslands um sjálfbæra þróun, því að ending hennar verður varla meira en nokkrir áratugir.  Valta á yfir jafnrétti kynslóðanna.

Hún mun hvorki gefa endurnýjanlega orku né hreina þótt haldið verði áfram að básúna um það eins og hingað til. Um þetta liggja fyrir vísindalegar staðreyndir.

3. Fallegt hverasvæði, hið eina sem hugsanlega verður eftir á Hellisheiðarsvæðinu, á að eyðileggja og stórskaða ásýnd nágrennis Hveragerðis af tómri græðgi og yfirgangi okkar kynslóðar gagnvart afkomendum okkar.

4. Með Bitruvirkjun mun það blasa við öllum, að svonenfd "hófsemi" virkjunarsinna gagnvart "öfgum" náttúruverndarfólks er argasta öfugmæli.

Náttúruverndarfólk hefur grátbeðið um að ysta horni Hellisheiðarsvæðisins verði þyrmt en Bitruvirkjun er aðeins eitt af sjö fyrirhuguðum virkjanasvæðum á Hengils-Hellisheiðarsvæðinu. Ekki einu sinni þessu svæði á að þyrma.  Nei, allt skal tekið.

Yfirlýsing Orkuveitunnar markar upphaf baráttu, sem fyrirsjáanleg var og spáð var fyrir um í nýlegri ályktun íslandshreyfingarinnar. 

 Nú liggur það fyrir sem við vöruðum við að öflugir og fjársterkir aðilar myndu einskis svífast til þess að færa hvern einasta virkjunarkost sem lent hefur í biðflokk eða verndarflokk í Rammaáætlun yfir í orkunýtingarflokk.

Að því leyti eru línurnar að skýrast og ljós sú nauðsyn sem nú er á að fjárvana náttúruverndarsamtök vinni saman af alefli til þess að bregðast við varnar.   

Orkuveitan vill virkja Bitru

Athugasemdir

[jonasgeir (IP-tala skráð) 21.10.2011 kl. 17:03]

Af hverju hafa Norðmenn það fínt þó kreppu tímar séu?

Jú.  Þeir halda áfram að leita að olíu.  Og finna.

Meira að segja við Jan Mayen.  Hvað finst þér um það?  Hvernig væri að koma með tillögu um hvað má virkja?

Það er ekkert betra fyrir kynslóðir framtíðar að sem mest af náttúruauðlindun Íslands séu nýttar akkúrat núna.

Þegar fjárfestingarkostnaður er greiddur koma allar tekjur i vasa framtíðar.   Einfalt mál.

[Jón Logi (IP-tala skráð) 21.10.2011 kl. 17:46]

Hvað meinar þú jonasgeir?

Norðmenn eru ekki í kreppu. Þvert á móti, - þeir halda bara áfram að dæla olíu sem er í háu verði. Svo eiga þeir líka sín fiskimið, og hafa ekki bundið innviði sína við ESB.

Þeir geta ennþá dælt, - finna olíu af og til, og nýbúnir að hitta á slóðir sem gefa góða von um olíu í einhverja áratugi jafnvel.

Og hvað framtíðina varðar....þá er kannski verið að vasast í einhverju þar sem þarf að greiða með, og endist ekki endilega langt fram í tíma...

[jonasgeir (IP-tala skráð) 21.10.2011 kl. 19:48]

Jón Logi nafni.

Ég meina að Norðmenn friðlýsa ekki.  Þeir nýta.  Á skynsaman hátt.

Þeir halda áfram að dæla olíu, og halda áfram að finna meira.

...Og ætla núna að leita við viðkvæma náttúru Jan Mayen.  

Skynsemi skiptir máli.  Hún kemur í veg fyrir kreppu.  Þess vegna eru norsarar ekki í kreppugírnum.

Þess vegna þarf að nýta náttúruauðlindir Íslands.  Núna.  Það er best fyrir alla, núlifandi og ófædda Íslendinga.

[Sigurður Sunnanvindur (IP-tala skráð) 21.10.2011 kl. 20:20]

Það er grundvallarmunur á orkuvinnslu Íslendinga og Norðmanna.

Norðmenn selja bæði olíu og raforku á HEIMSMARKAÐSVERÐI.

80% Íslenskrar raforku eru seld á unirmálsverði sem þekkist ekki í Evrópu.

Norðmenn hafa farið út í það að auka verulega uppsett afl vatnsaflsvirkjana til að geta framleitt sem allra mest inná hæstu álagspunkta þegar verð er hæst en dregið úr framleiðslu þess á milli.

Landsvirkjun væri á grænni grein ef orkan væri seld á eðlilegu verði. Það er í raun og veru helvíti hart að blómjólka háhitasvæði til að selja orkuna með 13% nýtingu á hrakvirði.

[Kristinn Hilmar Gíslason, 21.10.2011 kl. 20:41]

Sem fyrverandi starfsmaður Orkuveitunnar þá er leiðinlegt hvernig umræðan hefur spunnist um virkunina á Hellisheiði. Það er sennilega vegna skáboranna að jörð titrar fyrir norðan Siglufjörð. Þessi umræða er að hluta til vegna peninga, þeir í Hveragerði kusu það að verða frímerki undir Kambabrún í staðin fyrir það að vera hluti af Ölfushrepp. Þeir fá enga peninga í sinn hlut vegna virkjunarinnar. Og svo hlustar maður á þá umræðu að Orkuveitan hafi fengið hitaveituna þeirra á silfurfati, þvílíkt silfurfat. Orkuveitan borgaði Hvergerðingum okurpening fyrir ónýtt drasl, og er búinn að leggja hunduðir milljóna í þessa veitu þeirra. Hellisheiðarvirkjun á vonandi eftir að skapa þjóðarbúinu mikinn arð á komandi árum, og vonandi að raddir niðurrifsmanna þagni fljótlega. Þetta þjóðfélag þarf eitthvað annað en elífa neikvæðni.

[JR (IP-tala skráð) 21.10.2011 kl. 21:18]

Hvers vegna nefna virkjunarsinnar aldrei hversu mikið fæst fyrir sölu á raforku til fyrirtækja ?

Það er rétt sem er sagt að framan Landsvirkjun er að gefa orkuna miðað við það sem Norðmenn gera !

[Gunnar Th. Gunnarsson, 21.10.2011 kl. 21:21]

Tek undir með Kristni # 5

Þú segir Ómar: "..hinir öflugu aðilar sem virkja vilja hvar sem því verði við komið"

Geturðu nefnt þessa aðila. Ég er nokkuð viss um að þeir eru ekki til.

Þú segir einnig: "Valta á yfir Hvergerðinga sem búa í næsta nágrenni þessarar óskavirkjunar Orkuveitunnar og hafa þeirra hagsmuni og álit að engu."

Ertu að tala fyrir munn allra Hvergerðinga? Meirihluta þeirra eða minnihluta?

Um það eru mjög svo skiptar skoðanir, hvort þessi virkjun skemmi þetta svæði eða ekki. Þeir sem ekki vilja hafa mannvirki í sjónmáli á Hellisheiði, segja að sjálfsögðu að virkjun skemmi allt svæðið. Staðreyndin er sú að ALLT hverasvæðið með heitum lækjum og öllu því fallegasta sem prýðir svæðið, er EKKI sjáanlegt frá virkjuninni.

Þegar Lára Hanna og co var með sem harðastan áróður gegn virkjuninni, birti hún og vinir hennar myndir af svæðum þarna sem verða ekki fyrir röskun. Þegar bent var á það, breyttu þau um áherslur og töluðu um að hávaðinn frá virkjuninni myndi eyðileggja himneska kyrrðina á svæðinu.

Svo eruð þið hissa á að málflutningur ykkar fái lítinn hljómgrunn!

[Gunnar Th. Gunnarsson, 21.10.2011 kl. 21:27]

Sigurður Sunanvindur segir: "80% Íslenskrar raforku eru seld á unirmálsverði sem þekkist ekki í Evrópu."

Þetta er auðvitað ekki rétt. Hins vegar búa mörg Evrópulönd við orkuskort og myndu gjarnan vilja vera í sömu sporum og Íslendingar, þ.e. að eiga orku aflögu.

Íslendingar búa við annarskonar vanda og það eru öfgakennd náttúruverndarsjónarmið.

[Sigurður Sunnanvindur (IP-tala skráð) 21.10.2011 kl. 21:49]

Gunnar, -það hefur margoft komið fram að hvergi í Evrópu er verið að selja forgangsraforku á viðlíka spottprís og hér.

Ég nenni ekki að gúggla þetta í augnablikinu, -gerðu það sjálfur og sannaðu þinn söng í stað þess að fara eingöngu með trúarsetningar.

[Gunnar Th. Gunnarsson, 21.10.2011 kl. 23:23]

Á ég að vinna vinnuna fyrir þig .... vindur?

Á sama tíma og virkjanaandstæðingar kvarta yfir leynd sem hvílir á orkuverði til stóriðju, þá kvarta þeir einnig hástöfum yfir því að verðið sé svo lágt. Það er dálítið merkilegt út af fyrir sig.

Af þessum sökum er hæpið að "gúggla" verðið.

OECD gaf út skýrslu fyrir nokkrum misserum síðan þar sem kom fram að orkuverð til stóriðju er u.þ.b. í meðallagi á Íslandi af OECD- löndunum.

Orkuverð til alemnnings á Íslandi er hins vegar með því allra lægsta sem þekkist í veröldinni. Það rímar ekki við að almenningur sé að niðurgreiða orkuna til stóriðjunnar. Þvert á móti bendir það til þess að stóriðjan niðurgreiði orkuna til almennings.

Ég er að sjálfsögðu hlyntur allri umræðu um orkuverð. Þessi auðlind okkar er stöðugt að verða verðmætari, en því miður er hún einskis virði er hún er ekki nýtt.

[Andrés Ingi (IP-tala skráð) 21.10.2011 kl. 23:55]

Sigurður Sunnanvindur, hvert er þetta 80% undirmálsverð?

Og í beinu framhaldi að því hvert er þá 20% yfirmálsverðið?

[Sigurður Sunnanvindur (IP-tala skráð) 22.10.2011 kl. 11:23]

Andrés, Ég hélt að það væri almenn þekking á meðal þeirra sem tjá sig um raforkumál að skipting á milli eigin nota Íslendinga og erlendra "orkufrekja" er 20/80.

Gunnar, það hefur margkomið fram að heimsmarkaðsverð á raforku fer hækkandi. Mikið er til af gömlum álverum sem greiða lágt verð. Það að glæný álver hérlendis greiði "meðalverð" er klárt merki um að þeir samningar séu verulega lakari en nýjir samningar annarstaðar í heiminum.

Hér er samanburðartafla um orkuverð til stórra notenda í Evrópu

http://askja.blog.is/blog/askja/image/969979/

Þarna krystallast munur á orkubúskap Íslands og Noregs, Norðmenn geta selt sína raforku inná alvöru markað og að sjálfsögðu eru ekki byggð álver í Noregi.

Hér greiða álverin 25-30 mills

[Jón Logi (IP-tala skráð) 22.10.2011 kl. 17:24]

20-30 prómill af heimsmarkaðsverði áls  eða hvað?

Það kyndugasta er, að álverð fylgir ekki endilega orkuverði, og fellur jafnvel í kreppuástandi. Það fylgir nefnilega að hluta bæði væntingum og neyslu. Álið er ekki óhjákvæmilegt í neyslu eins og t.d. matvæli.

Hækkandi orkuverð er að stríða núna, en lækkandi álverð.

[Jón Logi (IP-tala skráð) 22.10.2011 kl. 17:56]

Nú týrir á tíkinni.

2100$ á rúmtonnið, en hvað framleiðir Fjarðarál? Og hvað er orkan mikil? 600 mW? Er framleiðslan 360.000 tonn?

25-35 mills (hlutar af þúsundi, ekki rétt?)

Það kemur ekki vel út.

600 mwst eru 600x24x365 eða hvað? Samtals:  5256000 mwst

360.000 tonn miðað við að þetta sé rétt mál, eru  756.000.000 $

3.5% (hærra gildi í mills) af 756.000.000$ eru 

 756.000.000 / 5256000 gefur 26.460.000$ eða í ÍSKR 3.042.900.000

Deilum því svo í MWst og fáum út: 579 kr.

Deilum nú með 1.000 og fáum út 0,57 kr.

Fjandinn, það getur ekki verið. En mig vantar tölur, og það er auðvelt að hæðast að því að ég og vindur komum ekki með tölur, en hvumpni öll um hverjar þær eru boðar ekki gott. Tölurnar sem ég notaði voru full afkastageta Kárahnjúkavirkjunar og full afkastageta Fjarðaráls.

Látum þær standa þar til leiðréttar verða, þá koma kannski tölur? 

[Gunnar Th. Gunnarsson, 22.10.2011 kl. 19:50]

Hörður Arnarsson hefur greinilega lent undir pólitískum þrýstingi, einhversstaðar á tímabilinu 18. mars 2011 til 20. október 2011. Hann er herfilega tvísaga, sjá "Alvöru viðræður" HÉR og "Viðræður við Alcoa á frumstigi"  HÉR

Í viðtalinu frá 18 mars, segir hann:

"Ársreikningur Landsvirkjunar sem birtur var í dag sýnir hreinar eignir upp á 188 milljarða króna, sem skiluðu á síðasta ári 26 milljörðum króna í handbært fé, og átti fyrirtækið um áramót 66 milljarða króna í lausu fé, sem er það mesta í sögunni.

Auknar raforkutekjur af álverum skýra aukinn hagnað, en Landsvirkjun segir að þar komi til bæði aukin sala og hærra verð vegna verðhækkana á áli. Þannig hækkaði meðalraforkuverð til stóriðju um 32 prósent milli ára, úr 19,5 upp í 25,7 dollara á hverja megavattstund."

Samkvæmt þessu er kwst, um 3 kr. en það er ekki mikið lægra en verð þeirra til almennings. Hins vegar er afhendingarverðið mun lægra til stóriðjunnar, en það er ekki mál Landsvirkjunar.

Og ennfremur segir Hörður þann 18.:

"Æðstu ráðamenn Alcoa lýstu því yfir á Íslandi í síðasta mánuði að þeir hefðu enn fullan hug á að reisa álver við Húsavík og í síðustu viku fundaði sendinefnd Landsvirkjunar með Alcoa-mönnum í New York"

Þessi orð ríma ekki viðnúverandi yfirlýsingu. Hvað breyttist?

[runar (IP-tala skráð) 22.10.2011 kl. 23:45]

Jón Logi..hvað er rúmtonn ??

Ég hef eytt þónokkrum árum umfram skólaskyldu í nám, en ég verð hreinlega að viðurkenna að ég man ekki eftir mælieiningunni rúmtonn.

Ef ég tók rétt eftir í eðlisfræðitímunum þá gefur rúmmál til kynna stærð/rúmmál, (ekki þyngd), viðkomandi efnis, oft plottuð á x,y og z ásum hnitakerfisins, aftur á móti þá er þyngd viðkomandi rúmmáls tala sem er einfaldlega afleidd út frá eðlismassa viðkomandi efnis.

Kannski er eðlisfræðimenntun mín bágborin, en endilega uppfræddu mig um mælieininguna rúmtonn..ég er ætíð tilbúinn til að innbyrgða meiri fróðleik.

[Gunnar Th. Gunnarsson, 23.10.2011 kl. 00:42]

The tonne (unit symbol t) or metric ton (U.S.),^[1] often written pleonastically as metric tonne, is a unit of mass equal to 1,000 kg (2,204.62 lb) (10³ kilograms).

Þetta hugtak er notað á alþjóðlegum mörkuðum þar sem höndlað er með málma.

[Jón Logi (IP-tala skráð) 24.10.2011 kl. 12:14]

Ég sá nú bara tilvitnun í metric tonne og einhvers staðar cubic tonne, þannig að ég tók því með fyrirvara hvort að það væri verið að rugla með rúmmál eða þyngd. En Gunnar er búinn að skýra þetta, - bara gamla góða 1.000 kg tonnið.

Það eru svo til bæði short tonne og long tonne,  og svo er smá flökt á því í skipavigt hvort talað er um rúmþyngd á sjó eða ferskvatni, og hvaða sjó....

Sjór er þyngri en ferskvatn, en 1000 lítrar af vatni eiga jú að vera tonn. Hitað vatn er svo aftur þyngra en alveg kalt...en nóg um það ;)

En annars, ef farið er í tölurnar, skoðum Fjarðarál:

3000 krónur á Mwst myndi gefa m.v. 600 mW *3000*24*365=15.768.000.000. (15,76 milljarðar)  Það væru 43.800 kr á tonnið. (miðað við 360.000 tonn)

Álverðið stendur nú í $1.15 á pundið, sem eru þá 1000/0.45 eða svo, => 2222x$1.15x116=296.400 kr á tonnið. Rétt söluverð?

Þetta skilar nærri 150 mills miðað við þessa tölu, en þau eru sögð vera 25-35. Eða er ég að klikka einhvers staðar á decimali?

En nú eru forsendurnar ekki allar uppi á borðum. Er enn sem fyrr forvitinn að vita hversu mikil orka er notuð og hversu mikið er selt fyrir. Bara einfalt ;)

[Gunnar Th. Gunnarsson, 24.10.2011 kl. 12:35]

Þetta eru flóknir útreikningar, Jón Logi. Breyturnar eru fljótar að rugla allt dæmið. Álverð er og hefur alltaf verið mjög flöktandi, t.d. var verðið á 6 mánaða tímabili árið 2008, um og yfir 3.000$ á tonnið. Í dag er verðið 2.177$.

Það er bæði þak og botn á álverðstengingunni. Veit ekki hvar þau mörk liggja.

[Jón Logi Þorsteinsson, 24.10.2011 kl. 16:03]

Það er samt hægt að reikna út KwSt í krónum ef til eru 2 tölur.

Seld orka í magni og heildarverð.

Ef það er svooooo gott, þá skil ég ekki leyndina yfir því. Fjandanum meira grúsk að hafa það út.

Hvað kaupir t.a.m. Fjarðarál mikla orku á ári, og hvað greiðir það fyrir? 

Að finna út meðal-millin er aðeins erfiðara vegna sveiflna, en þetta ætti allt saman að vera innan "ball-park" eins og íslenskufræðingurinn sagði. Ekki út úr kú eins og ég fæ út með 2 nálgunum á reikningi úr sitt hvorri átt, og eru þær þó furðu samstíga.

[Gunnar Th. Gunnarsson, 24.10.2011 kl. 18:49]

Kárahnjúkavirkjun er að framleiða meiri orku en upphaflega var gert ráð fyrir. Fjarðaál, Alcoa kaupir alla þá umframorku til viðbótar við gerða samninga.

Það ER leynd yfir orkuverðinu vegna viðskiptalegra ástæðna, það er vilji beggja aðila. Um þetta er deilt.

[Jón Logi (IP-tala skráð) 25.10.2011 kl. 12:05]

Þá vantar bara að þefa upp Megawöttin :D

Hins vegar stenst ekki 25-35 mills m.v. 600MwSt  og 300.000 tonn+ gagnvart 3ja krónu dæminu á kW, ekki einu sinni nærri. Og fyrst að leynd ER yfir orkuverðinu, - hvaðan koma þá 3 krónur?

[Gunnar Th. Gunnarsson, 25.10.2011 kl. 13:33]

"Auknar raforkutekjur af álverum skýra aukinn hagnað, en Landsvirkjun segir að þar komi til bæði aukin sala og hærra verð vegna verðhækkana á áli. Þannig hækkaði meðalraforkuverð til stóriðju um 32 prósent milli ára, úr 19,5 upp í 25,7 dollara á hverja megavattstund."

Hörður Arnarsson, forstjóri Landsvirkjunar, HÉR