Höfum lengi verið langt á eftir nágrannaþjóðum.

Sorpa er vafalaust vel rekið fyrirtæki af metnaði og áhuga. En Sorpa ein megnar ekki að breyta þeirri staðreynd að við Íslendingar höfum árum saman verið á langt á eftir nágrannaþjóðunum varðandi flokkun og eyðingu sorps almennt.

Það er kominn tími til að við áttum okkur á þessari staðreynd og förum loksins að fást við þetta eins og fólk.

Fyrir um tuttugu árum sagði Óli kommi í viðtali við mig á Hornbjargsvita þar sem hann var þá vitavörður, að "auðvaldið myndi drekkja sér í eigin drullu."

Kom úr hörðustu átt, því að í kommúnistalöndunum viðgekkst einhver mesti umhverfissóðaskapur veraldar og hefur mér eða myndi detta í hug að taka undir þær skoðanir, sem þar urðu gjaldþrota.

En þó var og er viss broddur í hinum skorinorðu orðum rauða vitavarðarins, sem tæptu á vandamáli, sem ekki verður hjá komist að takast á við.

Vísar athugasemdum Sorpu á bug

Athugasemdir

[Arinbjörn Kúld, 26.10.2011 kl. 03:21]

Hér á Akureyr þer sem ég bý er allt flokkað: pappír í sérílát, málmur í sérílát, plast í sérílát, matarleifar í sérílát. Allt er þetta gert inni á heimilinu og losað í sérgáma í nágernninu. Fyrst í stað óx manni þetta í augum en vandist furðufljótt og nú finnst manni út í hött að gera annað.

Kveðja að norðan.

[Þorkell Guðbrandsson (IP-tala skráð) 26.10.2011 kl. 06:43]

Já, eins og Arinbjörn Kúld segir, þá er Norðurland nánast allt að flokka sitt sorp og hefur gert nú um skeið. Tek undir með Arinbirni, ef fólk tekur þessu jákvætt og er félagslega sinnað þá er þetta ekkert mál. Það eru að vísu alltaf til hér á Íslandi einstaklingar, sem telja það bæði rétt sinn og skyldu að fara sínar leiðir og taka ekki þátt í samfélagsverkefnum. En það verður að lifa við það. Sú leið, sem hér nyrðra er farin felst í því, að það eru tvær gerðir af tunnum við hvert hús þó þannig, að í annarri tunnunni er lítil tunna eða fata, sem fellur inn í hana og í hana fer lífrænn úrgangur. Hann er settur í sérstaka poka úr efni, sem unnið er úr maís og rotnar eins og innihaldið. Í grænu tunnuna fer svo flokkaða sorpið, sem er meirihluti magnsins frá venjulegu heimili. Þar setur maður í glæra poka hinar ýmsu tegundir úrgangs. Í gráu tunnuna fer svo það sorp, sem ekki er hægt að endurnýta. Þarna fyrir utan eru svo spilliefni, en með þau er farið með sama hætti um allt land - eða réttara sagt á að gera.

[Valdimar Samúelsson, 26.10.2011 kl. 11:31]

Það er ekki nóg að koma með flokkunar lög heldur verður að koma með nýtingar lög sem verða hvati að flokkun. Plast úrgangur hefir verið nýttur í eldsneytis í mörgum löndum og mest í Indlandi t.d. á díselvélar og lífrænn úrgangur í Methen gas en þetta vita allir jafnvel börn í leikskólum enda hefir þetta verið gert í meir en 1000 ár. Hvar eru hugmyndafræðingar ríkisstjórnarinnar eru þeir allir að reyna að koma okkur í ESB.