Í þoku hverfa viðmið.

Ef menn lenda í villum í þoku getur allt fjarlægðarskyn og hallaskyn brenglast.

Ef maður er staddur á jökli og hefur ekki fyrirfram áttað sig á stöðu sinni og til dæmis því hvernig vindurinn blæs, getur vindurinn haft þau áhrif að í stað þess að maðurinn sé að halda niður af jöklumm eins og hann hefur væntanlega ætlað sér, hrekst hann upp jökulinn, enda viðspyrnan léleg á móti vindinum.

Það gæti verið skýringin á því hve ofarlega Svíinn var þegar hann að lokum örgmagnaðist í jökulsprungu.

Á þeim tíma sem hann var þarna á ferð, blés vindurinn af suðri í meginatriðum á þessu svæði, það er að segja, upp jökulinn.  

Lést af völdum ofkælingar

Athugasemdir

[Diddi Siggi, 14.11.2011 kl. 21:13]

Það þarf ekki jökull til í þoku, allt landslag einhvernvegin ummótast stórir steinar virðast breitast landhalli breitist og svo framvegis. þoka er jafnvel verri en snjókoma þ.e. til að rata í af kennileitum í landinu.

[Erlingur Alfreð Jónsson, 14.11.2011 kl. 21:33]

Það sem mér finnst sorglegast að vita Ómar, er að hið fullkomna leitartæki, TF-SIF, var á sama tíma og blessaður maðurinn hraktist um Sólheimajökul, við eftirlitsstörf í Miðjarðarhafinu.  Ég get ekki neitað því að ég hefði gjarnan viljað sjá vélina vera til reiðu við leitina að sænska ferðamanninum heldur en við landamæravörslu ESB á vegum Frontex.  Hefði hann mögulega fundist fyrr ef atbeina hennar hefði notið við leitina með sinni öflugu hitamyndavél?  Um það er ómögulegt að fullyrða en fjárhagsstaða Landhelgisgæslunnar er með öllu óásættanleg engu að síður.

Ég bloggaði um fjársvelti LHG í ágúst í fyrra og endaði færsluna á þessum orðum:

"Því miður er útlit fyrir að mannslíf þurfi að glatast áður en bragarbót verður gerð á hag Landhelgisgæslunnar. Ég vona að svo verði þó ekki." 

Mér finnst ömurlegt til þess að vita að þessi vél þurfi að sanna notagildi sitt með því að fljúga um Miðjarðarhafið í tekjuuöflun vegna fjársveltis hér heima fyrir.

[Þorvaldur S (IP-tala skráð) 15.11.2011 kl. 08:50]

Reyndar hefði nærvera Sifjar engu máli skipt, og það má fullyrða, því til að leita með hitamyndavél í snarbröttum skriðjökli við takmarkað skyggni þarf fluglag sem engum óbrjáluðum manni dettur í hug.

[Erlingur Alfreð Jónsson, 15.11.2011 kl. 09:49]

Þar hefur þú hafir rangt fyrir þér Þorvaldur.  TF-SIF hefði einmitt getað flogið í öruggri hæð yfir jöklinum og næsta nágrenni og leitað með hitamyndavélinni í gegnum skýjabakka, þegar og þar sem enginn annar gat leitað.  Hún hefði ekki þurft að skríða yfir jöklinum í 100-200 feta hæð.  Myndirnar af gosinu í Eyjafjallajökli sýna það.

Hvort að blessaður maðurinn hefði hins vegar sést með hitamyndavélinni er eitthvað sem við fáum aldrei að vita.

[Þorvaldur S (IP-tala skráð) 16.11.2011 kl. 00:07]

Jæja!  Hvort heldurðu nú að gefi frá sér meiri hita, maður niðri í jökulsprungu eða eldgos á fullu?

Ætli munurinn sé ekki svona skrilljónfaldur?

Það hefði aldrei sést tangur eða tetur af þessum dreng í sprungunni á hitamyndavél úr flugvél sem hefði verið flogið á forsvaranlegan hátt.  Aldrei!

[Erlingur Alfreð Jónsson, 16.11.2011 kl. 12:11]

Það er hárrétt hjá þér!  Hitamunurinn er áreiðanlega skrilljónfaldur.  Og það má alveg færa rök fyrir því að þessi samlíking hafi ekki verið góð.  Það er líka hárrétt hjá þér að þessi drengur hefði líklega aldrei fundist með vélinni í sprungunni sem hann fannst í að lokum.  Enda segi ég það í lok færslunnar.  En hvenær datt hann ofan í hana?

Það sem ég er aðallega að benda á er, að við eigum öflugt tæki til leitar sem er ekki á landinu vegna fjárskorts.  Það er vel hægt að nota það til að leita að fólki á stóru svæði, á láði sem legi, í slæmu skyggni sem góðu, og það á að vera til taks til þess, en ekki við eftirlitsstörf í Miðjarðarhafinu eða annars staðar.  Annað er óásættanlegt.