Norðurland skelfur stundum.

Harðir jarðskjálftar geta komið á Norðurlandi eins og dæmin sanna. 1934 varð harður jarðskjálfti við Dalvík sem olli miklum skemmdum á húsum og mannvirkjum þar.

1962 varð stór skjálfti út af Skagafirði, að mig minnir meira en 6 stig, enda fannst hann greinilega í Reykjavík. 

Ég man að við hjónin sátum við borð uppi á 12. hæð í Austurbrún og sáum ljósakrónu rugga með blokkinni. 

Þá voru svona há íbúðarhús nýjun hér á landi og hringt var í okkur frá dagblaðinu Vísi til að forvitnast um það, hvernig skjálftinn hefði verið þarna uppi á 12. hæð. 

Jarðskjálfti við Akureyri

Athugasemdir

[Sigurður Haraldsson, 2.12.2011 kl. 20:35]

Sæll ertu núna farin að sjá að það er ekki allt eins og við erum vanir að sjá hvað snertir náttúruhamfarir því að jörð skjálfi á þessum stað á tímum umbrota hjá okkur þá er það borðliggjandi merki þess að það sé eitthvað mun stærra að koma í kjölfarið!

[Anna Sigríður Guðmundsdóttir, 2.12.2011 kl. 21:28]

Ómar. Það er réttast að reikna með því versta, og vona og biðja alla góða vætti um það besta? Meir er víst ekki framkvæmanlegt í mannlegum mætti einum saman, þegar óútreiknanleg ofuröfl náttúrunnar eru annars vegar.

M.b.kv.

[Jón Arnar, 2.12.2011 kl. 21:54]

Er ekki kominn tími á skil platanna þarna fyrir norðan núna góðum 30árum eftir gjástykkis-öxarfjarðar gliðnunina/sigið  mikla sem þú jú t.d komst og skoðaðir hjá okkur í Skógum 1976

[Óskar, 2.12.2011 kl. 22:01]

  Það er búið að vera vitað í áratugi að það eru jarðskjálftasprungur á þessu svæði.  Þær eru lítt virkar en hreyfast þó af og til- nákvæmlega ekkert óeðlilegt við þetta þó Sigurður spákarl sé að búa til enn eitt dramað.

[Kolbrún Hilmars, 2.12.2011 kl. 22:03]

Ómar, þú átt líklega við svokallaðan Siglufjarðarskjálfta, í mars 1963, uppá ein 7,2 stig á Richter. Þá ruggaði landið allt.

Svo má ekki gleyma Kópaskersskjálftanum 1976, sem mældist þó "aðeins" um 6 stig á Richter - en samt urðu þar skemmdir á mannvirkjum.

Eyjafjarðarskjálftinn 1934 olli reyndar mestum hlutfallslegum skemmdum í Hrísey - ekki á Dalvík. Veit ekki hver styrkleiki þess skjálfta mældist.

Líklega eru Vestfirðir öruggasta skjólið þeirra sem vilja forðast jarðskjálfta og eldgos. :)

[Anna Sigríður Guðmundsdóttir, 2.12.2011 kl. 22:16]

Kolbrún. Já, Vestfirðirnir eru öruggastir

M.b.kv.

[axel (IP-tala skráð) 2.12.2011 kl. 22:25]

Óavenjuleg staðsetning.

[Pálmi Freyr Óskarsson, 2.12.2011 kl. 22:33]

Anna Sigríður: Ég mundi nú ekki segja að Vestfirðirnir séu öruggastir vegna tíðra snjóflóða.

[Gunnlaugur Hólm Sigurðsson (IP-tala skráð) 2.12.2011 kl. 23:48]

Kolbrún Jarðskjálftinn 1934 er almennt kallaður Dalvíkurskjálftinn.

[Jón Steinar Ragnarsson, 3.12.2011 kl. 09:57]

Kolbrún, það koma nú sæmilegir skjálftar fyrir vestan, þótt það sé sjaldgæft. Það er enginn landshluti undanskilinn þessu.  Móðir mín sagði mér frá einum í kringum 1960 á Suðureyri þar sem húsgögn færðust úr stað.

Hér á Siglufirði er talað um að hafi komið stærsti skjálfti á Íslandi fram til þessa. Ætli þeir séu að tala um þennan árið 1934? Eitthvað á 8. stig segja menn. Sel ekki dýrara en keypt er.

Íslendingu stafar annars mest hætta af heimskra manna ráðum.

[Kolbrún Hilmars, 3.12.2011 kl. 12:52]

Jón Steinar, Eyjafjarðarskjálftinn/Dalvíkurskjálftinn mun hafa verið talinn 6,2 - 6,3 stig. (fór í smá gúgl :) )

Sennilega eiga því Siglfirðingar við stóra skjálftann 1963. Þó má vel vera að einhvern tíma áður hafi orðið annar eins eða stærri á þeim slóðum.

[Anna Sigríður Guðmundsdóttir, 3.12.2011 kl. 20:45]

Pálmi Freyr. Ef við erum að tala um snjóflóð, þá eru Vestfirðirnir ekki öruggastir, en snjóflóð eru ofan jarðar, og kannski meiri möguleikar á að verjast þeim, heldur en ó-útreiknanlegum eldgosum?

Tek undir með Jóni Steinari í sinni færslu um að Íslandi stafi mest hætta af heimskra manna (ó)ráðum, og hamförum sem af slíkum (ó)ráðum hljótast, eins og reynslan hefur kennt okkur svo óþyrmilega.

M.b.kv.