Framboð líklegast ?

Líkurnar á því að Ólafur Ragnar Grímsson bjóði sig fram til forseta í fimmta sinn næsta sumar sýnast vera mun meiri en að hann geri það ekki.

Ástæðan er sú að hvað eftir annað, allt frá því hann hélt hina óvæntu tölu um stóraukið vægi forsetaembættisins í þingsetningarræðunni frægu, (sem mér fannst ekki rétt hjá honum)  hamrar hann á því að í íslenskum stjórnmálum ríki óvissuástand sem til dæmis geti með breyttri stjórnarskrá valdið því að skoða megi forsetaembættið sem stórum valdameira og þýðingarmeira en það er nú. 

Les: Í embættið þarf sterkan og sjóaðan einstakling sem hægt er að treysta til að taka erfiðar ákvarðanir, " málum af því tagi sem enginn forseti hefur áður þurft að glíma við" eins og hann orðaði það í viðtalinu við Sölva Tryggvason í gærkvöldi og hefur sagt áður.

Les: Ég einn hef reynsluna af því að fást við svona lagað. 

Ólafur sagði að vísu þegar hann bauð sig fyrst fram 1996 að hann teldi að forseti ætti ekki sitja mörg kjörtímabil, en hin síðari ár hefur hann hvað eftir annað vísað til þess að aðstæður hafi krafist þess að hann beitti sér í málum, sem hefðu óvænt komið upp og hann orðið að bregðast við með synjun.

Um þetta eru að vísu skiptar skoðanir hvað tilefnin varðaði.

Margir túlkuðu ummæli hans við þingsetninguna sem óbeina framboðsræðu, meðvitaða eða ómeðvitaða, og ég er ekki viss um að honum muni leiðast það að sitja í embætti í 20 ár, lengur en nokkur annar forseti hefur gert. Ef frumvarp stjórnlagaráðs verður lögfest mun enginn forseti framtíðarinnar eiga möguleika á því að komast nálægt því að slá það met. 

Ólafur tók það fram þegar hann bauð sig fram 1996 að hann teldi að 26. grein stjórnarskrárinnar um málskotsrétt forseta gæti orðið virkur þótt enginn fyrri forseta hefði beitt þessari heimild og margir teldu að hún væri ekki lengur virk að fenginni þessari hefð.

Ég var og hef ævinlega verið sammála því sjónarmiði sem Ólafur setti þá fram og tel raunar að hann hefði sjálfur átt að beita henni gagnvart Kárahnjúkavirkjun 2003 fremur en nokkru öðru sem hér hefur verið lögfest, því að afleiðingar hennar gagnvart milljónum Íslendinga, sem eiga eftir að byggja þetta land, voru margfalt meiri og langvinnari en dæmi eru um í nokkurri annarri framkvæmd í sögu síðustu alda.

Nú hefur Ólafur sjálfur beitt málskotsréttinum það oft að ekki verður um gildi hans deilt, þótt deila megi um það hvort að hann hafi valið tilefnin rétt. 

Og spurningin er hvort enginn annar en hann hafi burði til að hafa þennan rétt í hendi. Þetta á allt eftir að skýrast betur á næsta ári. 

 

 

 

 

 

 

 

 

Ekki enn gert upp hug sinn

Athugasemdir

[Ólafur Sveinsson (IP-tala skráð) 13.12.2011 kl. 12:06]

Ég held að Ólafur hafi náð kosningu út á Guðrúnu Katrínu, en ekki sjálfs síns ágæti.

[Haukur Kristinsson (IP-tala skráð) 13.12.2011 kl. 12:24]

Lesið þessar tvær ræður Óla og öllum ætti að vera ljóst að maðurinn gengur ekki á öllum kertum. Því miður.

 

http://www.forseti.is/media/files/05.05.03.Walbrook.Club.pdf

http://www.forseti.is/media/files/00.05.05.Los.Angeles(1).pdf

[DoctorE (IP-tala skráð) 13.12.2011 kl. 13:04]

Ég tel aðeins eina ástæðu fyrir því að óli muni bjóða sig fram aftur, það er að spúsa hans vill hafa forseta upp á arminn.

Íslendingar eiga að leggja þetta embætti af, þetta embætti er eins og olíuhreinsistöð á Þingvöllum lýðræðislega séð.. Henda þessu út, þetta er bara kostnaður og forneskja að hafa þetta súperofuröryrkja embætti í gangi

[Halldór Jóhannsson, 26.12.2011 kl. 15:28]

DoctorE og hafa Jóhönnu&SJS sem æðstu koppa í öllu,verði þér að góðu:):):):)

Ekki það að ég hef aldrei kosið Ólaf,en tók ofan fyrir honum sambandi við Icesave,en ekki með fjölmiðlafrumvarpið í denn...kanski þurft smávægilegar breytingar....

Gaman væri að vita hvað Herra Ómar Ragnarsson sá mæti maður segir um það mál...

Mín vegna má leggja þetta embætti niður og Alþingi líka,heheh:)