Loksins, eftir 161 ár! Þekki svipað sjálfur.

Það var eðlilegt árið 1840 að kvittur um sárasótt kæmi upp vegna veikinda Jóns Sigurðssonar þegar læknisfræðiþekking þess tíma er höfð í huga.

Þegar loksins nú er þessi kvittur kveðinn niður má það furðu gegna hve lífseigur hann hefur verið miðað við það að vitneskjan um aðra og sennilegri orsakir veikindanna í ljósi betri læknisfræðilegrar tækni hefur verið fyrir hendi um áratuga skeið.

Það vill svo til að ég veit um dæmi þess, að meira að segja á síðustu tímum hafi að minnsta kosti eitt svipað tilfelli átt sér stað. Ástæðan er einfaldlega sú að ég átti sjálfur í hlut.

Sumarið 1992 kom í ljós hnúður við nára hjá mér sem læknum virtist geta verið æxli. Var ég því snarlega fluttur á spítala og skorinn upp. 

Í ljós kom að greiningin var röng. Ekkert æxli kom í ljós heldur var aðeins um bólgu að ræða á mjög afmörkuðu og litlu svæði. Skurðinum var því lokað og hafin árangursrík meðferð með sýklalyfjum. 

Gilda hér ekki aðeins orð Ara fróða um að jafnan skuli hafa það er sannara reynist, heldur ætti einnig að gilda, að leiki vafi á um mál, sé hann túlkaður hlutaðeigandi í vil (in dubio pro reo), ekki hvað síst ef hin skárri möguleiki er mun sennilegri og betri fyrir aðilann en hinn verri og ólíklegri. 

Var Jón þá ekki með sárasótt?

Athugasemdir

[Kristján Sigurður Kristjánsson, 17.12.2011 kl. 14:17]

Þetta er náttla mun heiðarlegri sjúkdómur en sárasótt.

Ég fékk td. "tvíbaurabróðir" sem er graftarkýli við endaþarm eða mjög nærri endaþarmi. Ég fór um það leiti á miðilsfund en í lok miðilsfunda koma iðulega læknar og heitir einn þeirra alltaf Friðrik. Nú nú! Sú sem stjórnaði fundinum kom þeim skilaboðum til Friðriks að líta á "bakið" á honum Kristjáni. 

Auðvita máttdekki minnast ða endaþarm á miðilsfundi. Skárrra væri nú.

[Agla, 17.12.2011 kl. 15:23]

Bráðskemmtilegt hjá ykkur piltar.

Er þessi Jón annars einhver séra Jón eða er þetta Dýrfirðingurinn, sem Forsætisráðherrann hyllti á sínum tíma, eða Hrafnseyringurinn  Jón Sigurðsson eða Arnfirðingurinn Jón Sigurðsson eða er hér verið að tala um Jón Sigurðsson, forseta?

[Ómar Ragnarsson, 17.12.2011 kl. 16:39]

Þegar talað er um Íslending, sem hét Jón Sigurðsson og var á besta aldri í kringum 1840, er auðvitað aðeins um einn Jón Sigurðsson að ræða ef menn nefna þetta nafn 161 ári síðar. 

Að minnsta kosti þekki ég engan annan Jón Sigurðsson sem var uppi á þeim tíma og var það þekktur, að enn í dag teljist það fréttnæmt sem kemur fram um hann frá þessum tíma.

1840 var ekki búið að endurreisa Alþingi þannig að Jón Sigurðsson var ekki forseti þá.

[Kristján Sigurður Kristjánsson, 17.12.2011 kl. 16:50]

Ég hef staðið í þeirri meiningi að forsetanafnið sé komið frá forsetatíð Jóns hjá Hinu Íslenska Bókmenntafélagi.

[kallpungur, 17.12.2011 kl. 18:21]

Það er öldungis rétt KSK.

[Ómar Ragnarsson, 17.12.2011 kl. 19:19]

Árið 1840 voru enn 11 ár þar til Jón Sigurðsson yrði forseti Hafnardeilar Hins íslenska bókmenntafélags.

[Þorvaldur S (IP-tala skráð) 18.12.2011 kl. 00:37]

„Þegar loksins nú er þessi kvittur kveðinn niður...“

Þetta er misskilningur.  Tilgáta Margrétar, eins og hún segir sjálf, er engu líklegri en hin fyrri kenning.  Það eina sem bætist við er að hún bendir á annan möguleika en sá gamli gæti allt eins verið sá rétti.   

[Jón Valur Jensson, 22.12.2011 kl. 03:17]

Góður er pistill þinn, Ómar.