Er Norðurskautið við Jan Mayen ?

Norðurheimsskautið er á 90. gráðu norðurbreiddar. Suðurheimsskautið er á 90. gráðu suðurbreiddar.

Hvorugt skautið nær hundruð eða þúsundir kílómetra út frá þessum hnattstöðum. 

Þess vegna ríkir ekki hættuástand á Suðurskauti þótt rússneskur togari strandi við Suðurskautslandið eins og greinir frá í frétt mbl.is. 

Það ríkir ekki einu sinni hættuástandi á Suðurskautslandinu sjálfu þótt togari strandi við það. Hættuástandið ríkir við ströndina, um borð í togaranum, svo einfalt er það. 

Þótt togari strandi við Jan Mayen eða við norðanverða austurströnd Grænlands ríkir varla hættuástand á Norðurskautinu þess vegna. 

En því nefni ég Jan Mayen eða norðanverða austurströnd Grænlands, að þessir staðir eru álíka langt frá norðurskautinu og strandstaður rússneska togarans er frá suðurskautinu. 

Hættuástand á suðurskauti

Athugasemdir

[. (IP-tala skráð) 18.12.2011 kl. 23:39]

Það væri reyndar mikið hættuástand fyrir þetta svæði ef það færi að leka olía úr tönkunum, þó ekki sé minnst á það. Olíulekar í köldum sjó er með því versta sem getur gerst fyrir lífríkið á þessum stöðum þar sem hún leysist ekki upp þar eins og hún gerir í heitum eða volgum sjó.

[Ómar Þ. Ragnarsson (IP-tala skráð) 19.12.2011 kl. 12:35]

Lítil hætta ætti að vera á því að þessi olía flæði upp jökul Suðurskautslandsins og meira en þúsund kílómetra upp í móti þangað til komið er á suðurskautið.