Aðeins einn líkami, - aðeins ein jörð.

Hver jarðarbúi, sem fæðist, verður að hlíta tveimur óumflýjanlegum staðreyndi, þeim tveim sem að ofan greinir:

Hann fær aðeins einn líkama til ráðstöfunar og kemst ekki úr honum meðan á jarðlífinu stendur, ekki fleiri.

Ásamt öðrum jarðarbúum fær hann aðeins eina jörð til ráðstöfunar, - ekki fleiri.

Hvort tveggja er happrdrætti, hver líkamaninn er og hvert umhverfið er, sem manneskjan fæðist í. 

Um fyrra atriðið, líkamann, sem við getum ekki verið án, höfum við heilmikið að segja, rétt eins og spilamaður hefur heilmikið um það að segja hvernig honum gengur og hve mikla ánægju hann fær út úr spilinu, jafnvel þótt hann hafi fengið hunda á höndina. 

Hann getur með spilamennsku sinni veitt bæði sjálfum sér og spilafélögunum mikla ánægju ef hann spilar vel úr því sem hann hefur og nýtur þess að fá að taka þátt. 

Fordæmi Hauks Bernharðssonar er dýrmætt, - hann spilaði lengi vel illa úr því sem hann fékk, en tók sig á og nýtur nú lífsins sem aldrei fyrr. 

Hann gerir sér vonandi grein fyrir því að að lífið er ekki spretthlaup heldur langhlaup með sprettum, og að lífsstíl sinn verður hann að varðveita hvern einasta dag og hafa í huga hvernig farið hefur fyrir mörgum, sem hafa slakað á eftir að hafa náð ótrúlegum árangri. 

Kíló á viku er gríðarlegur árangur, en mörgum gleymist, að fjórum sinnum hægari árangur, eitt kíló á mánuði, er líka mikill árangur. 

Það gerir 12 kílóa léttingu á ári og 40 kíló á rúmum þremur árum! 

Maðurinn er það sem hann étur og líka það sem hann brennir, það er, niðurstaðan úr orkureikningnum, og þess vegna hjálpar góð hreyfing mikið til. 

Síðan er hitt stóra atriðið sem ræður jarðlífi hvers manns, - að við jarðarbúar, sjö milljarðar alls, eigum aðeins eina jörð til að lifa á. 

Það er miklu flóknara dæmi en líkami og aðstæður hvers og eins, - efni miklu stærri pistil. 

 

Léttist um 52,3 kíló