Íslands þúsund ár

16.3.2012 | 20:14

Sama aðferð og í Líbíu og á Srí Lanka.

Í Líbíu ríkti svipað ástand eftir að uppreisn hófst þar og nú er í Sýrlandi. Ráðamenn töluðu um að uppreisnarmenn væru hryðjuverkamenn, sem þyrfti samræmt átak til að kveða niður.

Þegar lengra leið á átökin fóru Gaddafi og hans menn að ræða um möguleika á samningaviðræðum við uppreisnarmenn, en ævinlega kom í ljós að ekkert var á bak við þau orð, heldur þessu aðeins slegið fram í áróðursskyni og til þess að draga allt á langinn svo að uppreisnin fjaraði út á meðan gengið yrði milli bols og höfuðs á "hryðjuverkamönnunum."

Á Srí Lanka stóð borgarastyrjöld í meira en áratug og þar voru yfirvöld slungin með afbrigðum.

Þau lögðu sig í líma við að draga upp glansmynd af landinu og ráðamönnum þess, sem veifað var framan í umheiminn á meðan ekki var í neinu slakað á klónni, heldur herjað miskunnarlaust á uppreisnarmenn Tamíla.

Eitt sinn barst mér gylliboð frá yfirvöldunum um að koma á þeirra kostnað til Srí Lanka og ferðast um landið í fyrirfram skipulagðri "kynnisferð" til þess að sjá dýrð og dásemd þessa fyrirmyndarríkis.

Sama tilboð var sent til fjölmiðlamanna víða um heim.

Ég tók mér nokkra daga til að kynna mér tilboðið, aðeins til þess eins að vera viss í því að neitun mín yrði byggð á sem flestum rökum.

Í ljós kom að allan tímann yrði ég ófrjáls undir því sem kallað var "nauðsynleg vernd" og ekki yrði hinn minnsti möguleiki á að sjá og birta annað en það sem best hentaði valdhöfunum eða að stíga svo mikið sem skref á eigin forsendum.

Varð því ekki úr þessari ferð.

Síðar féllust ráðamenn á það að erlendir sáttasemjarar kæmu til landsins og var Þorfinnur sonur minn um tíma upplýsingafulltrúi þar fyrir hönd Norðurlandanna.

Hann fór meira að segja einu sinni í þyrlu til að hitta uppreisnarmenn í svokölluðum samningaumleitunum við þá og býr að sjálfsögðu yfir margfalt meiri þekkingu um þetta mál en ég.

Allt reyndist þetta samningaferli vera blekkingatal til að þyrla ryki í augu umheimsins.

Þegar stjórnvöldum hentaði réðust þau á uppreisnarmenn með yfirburða herliði og murkuðu úr þeim lífið þúsundum saman.

Nú hefur verið gerð heimildamynd um þetta sem yfirvöldum þóknast ekki og munu víst ætla að gera "rétta" mynd sjálfir.

Hið nákvæmlega sama er að gerast í Sýrlandi, en sem betur fer virðist Kofi Annan sjá í gegnum þessar blekkingar.

	Svörin valda Annan vonbrigðum
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 20:23 | Facebook

Athugasemdir

ekki gleyma hryðjuverkaógninni sem steðjar að vesturlöndum (war on terror). það nota allir hryðjuverkaógnina í dag, sem Bandaríkin fundu upp með því að tengja alla hryðjuverkamenn og hryðjuverkahópa í heiminum við al-Qaeda, í gegnum fjölmiðla vesturlanda....hina svokallaða mainstream fjölmiðla.

el-Toro, 16.3.2012 kl. 20:36

ef einhver vissi það ekki, þá tilheiri al-Jazeera mainstream fjölmiðlum.

http://english.al-akhbar.com/content/al-jazeera-reporter-resigns-over-biased-syria-coverage

el-Toro, 16.3.2012 kl. 20:41

Hef aldrei kunnað að meta Kofi Annan. Hann fékk að vísu Nóbelsverðlaun "und alles", en hann er linur, möppudýr. Getur ekki tekið erfiðar ákvarðanir. Hann á vissan þátt í "Rwandan Genocide", en talið er að um 800.000 hafi látið lífið í þeim átökum.

En um það er lítið fjallað.

Haukur Kristinsson (IP-tala skráð) 16.3.2012 kl. 21:05

svo ekki sé minnst á olíusölu skandal íraka á tíunda áratugnum í gegnum sameinuðu þjóðirnar. en Kofi Annan varð fastur eftir það ævintýri. mjög viðkvæmt mál.

svo má nefna það að Obama fékk nóbelsverðlaun, sem hlýtur að þíða að allir geti fengið nóbelinn. en Obama er ábyrgur fyrir fleirum dauðsföllum en allir aðrir nóbelshafar til samans.

el-Toro, 16.3.2012 kl. 22:26