Nýr vorboði og vetrarboði ár hvert?

Þegar kemur fram í apríl fer meðal loftþrýstingur á svæðinu við Ísland hækkandi og vindar verða minni en á útmánuðum. Það þýðir minna öldurót og væntanlega minni sandburð og erfiðleika við að sigla inn í Landeyjahöfn.

Þetta ástand batnar fram á sumar og fer ekki versnandi aftur fyrr en haustlægðirnar svonnefndu byrja að belgja sig upp í kjölfar þess að meðalloftþrýstingur fer á ný lækkandi við Ísland og það verður vindasamara. 

Verst verður síðan ástandið ár hvert í þessum efnum upp úr áramótum.

Maður sér fyrir sér að Landeyjahöfn stefni í það að leika svipað hlutverk og farfuglarnir.

Opnun hennar verður vorboði í sumarbyrjun og lokunin merki þess að veturinn sé skollinn á.   

 

Herjólfur siglir til Landeyjahafnar