Selja! Selja! Selja það sama tvisvar!

Núverandi hugmyndir um álver í Helguvík, orkufrekan iðnað á Bakka, stækkun álvera og svo framvegis byggjast að stórum hluta á því að selja orku frá háhitasvæðum sem ganga mun til þurrðar á nokkrum áratugum.

Þegar að því kemur standa börn okkar og barnabörn frammi fyrir því að bæta sér tapið með því að fórna afganginum af íslenskum náttúruverðmætum ef það verður þá ekki búið að klára þau öll þá.

En þetta virðist ekki nóg. Líka á að selja sem mest af orku um sæstreng og það gefur auga leið að 2-300 milljarða framkvæmd mun ekki verða arðbær nema að hægt sé að selja geysimikið magn. ´

Í öðru orðinu er talað um sátt í formi rammaáætlunar, sem þó er greinilega í mesta lagi sátt innan þeirra núlifandi Íslendinga sem ætlað ráðskast með þetta lallt og stunda rányrkju að stórum hluta án þess að hugsa eitt augnablik um það hvort næstu kynslóðir og milljónir Íslendinga sem ófæddir eru verði sáttir við það sem við gerum algerlega í blóra við ástemmdar yfirlýsingar okkar um jafnrétti kynslóðanna, sjálfbæra þróun og endurnýjanlega orku.

Selja! Selja! Selja strax! Sem mest! Án þess að hafa hafa tiltæka orku ef í það fer.

Jafnvel selja fyrirfram sömu óendurnýjanlegu og órannsökuðu orkulindirnar tvisvar, bæði til "orkufreks iðnaðar" og beint til þeirra, sem fyrir aðeins nokkrum mánuðum og árum stóðu fyrir því að setja okkur á lista yfir hryðjuverkamenn og vildu þvinga Íslendinga til að borga 25 sinnum hærri upphæð á hvern skattborgara en skattborgara síns lands vegna sameiginlegs klúðurs í dansinum um sama gullkálfinn  og nú er búið að hefja á stall öðru sinni.   

Sæstrengur gæti reynst arðbær

Athugasemdir

[JR (IP-tala skráð) 31.5.2012 kl. 21:12]

Ómar,  það ætlar að verða dýrt fyrir þjóðina þessi mafía sem verkfræðistéttin er !

Hvað á að gera við allt þetta hámenntaða fólk sem verið er að útskrifa í bunkum út úr öllum háskólum  landsins ?

Það er verið að segja öllum að fara í háskóla til að læra og líka verkfræði, en hver á vinnan að vera ?

Það er orka fyrir norðan, og það er orka fyrir sunnan og það er orka á Reykjanesi og það væri hægt að ná í orku fyrir vestan ( virkja sjávarföll ) . 

Hvað eigum við að segja við allt hámenntaða fólkið ?

Nei, við segjum ekkert við þetta hámenntaða fólk.  Hámenntaða fólkið veit allt mikið betur en við !  Jú, þú mannst eftir öllu hámenntaða fólki í fjármálafyrirtækjunum ?  Þar var kunnátta fengin úr háskólunum nýtt vel í eigin þágu !  Þetta virðist vera vel kennt í háskólum landsins.  Að passa eigið rassgat !!  Þess vegna á maður ekki að vera hissa á öllum verkfræðingunum sem hugsa um eigið rassgat fremur en um hvað börnum og barnabörnum sé fyrir bestu !

[Gunnar Th. Gunnarsson, 31.5.2012 kl. 21:19]

"....standa börn okkar og barnabörn frammi fyrir því að bæta sér tapið með því að fórna afganginum af íslenskumverðmætum."

Ha?? Verður þá ekki hægt að gera bara "eitthvað annað"?

[Þorvaldur S (IP-tala skráð) 31.5.2012 kl. 21:57]

„Ha?? Verður þá ekki hægt að gera bara "eitthvað annað"? “

Nei!  Þá verða enn til menn eins og GTG sem munu segja: „Við virkjum bara meira, hvern fjandann varðar mig um ófæddar kynslóðir; ekkert hafa þær fyrir mig gert .“ 

[Haukur Kristinsson (IP-tala skráð) 31.5.2012 kl. 22:15]

Ég held að Jónas Kristjánsson hafi verið með þetta í sínum fyrsta pistli í morgun. Hann byrjar svona: 

"Jarðýtuhugsun stýrir meðferð okkar á auðlindum lands og sjávar."

Og endar síðan:

"Af hverju stjórnast Íslendingar af taumlausri græðgi veiðimanns á jarðýtu?"

[Helgi (IP-tala skráð) 31.5.2012 kl. 22:23]

@2: Góður punktur. Þetta er í hnotskurn stefna vinstri manna, "eitthvað annað" og við sjáum nú hérlendis hve vel hún virkar.  

Sæll Ómar.

Hvernig ætlar þú að fara að því að skapa verðmæti? Við þurfum gjaldeyri og hví ekki að nýta náttúruauðlindir okkar? Eigum við ekki líka að láta fiskinn vera? Hann hefur ekkert gert okkur!!

Hér sér enginn það sem mestu máli skiptir: Mikill munur er á strengnum á milli Noregs og Hollands og þess sem hugsanlega yrði lagður á milli Íslands og Bretlands. Strengurinn á milli Íslands og Bretlands kæmi til með að liggja margfalt dýpra en hinn. Einnig yrði hann margfalt lengri sem þýddi að öfluga riðla þyrfti báðu megin. Streng sem liggur djúpt er einnig vandasamara að laga þegar bilanir koma upp.

Það sem ekki kemur fram í fréttinni er það að norski strengurinn hefur bilað mun oftar en gert var ráð fyrir. Orka þarf auðvitað að vera áreiðanleg. Orkutap í svona löngum streng er einnig nokkuð þó það fari eftir spennunni.

Breski orkumálaráðherrann vísar á einkaaðila sem fjármögnunaraðila. Hvar á gróði þeirra að liggja? Af hverju ættu þeir að leggja fé í áhættusaman streng sem í dag er ekki búið að hanna og tæknin í hann ekki tiltæk? Strengurinn þyrfti þá að gefa af sér það verð sem við viljum fá fyrir rafmagnið auk þess kostnaðar sem fór í að leggja hann. Í USA er því spáð að rafmagnsverð verði lágt næstu áratugina vegna þess að rafmagn er einfaldlega framleitt með gasi en meira en nóg er til af því. Rússar eiga líka mikið af gasi eins og margir vita.

Ég er ansi hræddur um að þetta séu eintómar skýjaborgir fólks með afar takmarkaða þekkingu á efninu. Ég í það minnsta ber ekki nokkuð traust til HA forstjóra LV eftir að hann klúðraði álveri á Bakka og gagnaverinu. HA þarf að víkja um leið og þessi ríkisstjórn fer frá.

[Gunnar Th. Gunnarsson, 31.5.2012 kl. 22:25]

Það verður kannski komin reynsla á þetta "eitthvað annað"

[Ómar Ragnarsson, 31.5.2012 kl. 22:36]

Núna vinnur 0,8% vinnuafls okkar í álverum. 99,2% vinna við "eitthvað annað".

Þessi "eitthvað annað störf" skiptast í ýmsar atvinnugreinar, og í hverri atvinnugrein reyna menn að fegra stöðu hennar með því að segja að störfin búi til 3svar sinnum fleiri "afleidd störf."

Þetta er gert varðandi álverin og ef allar hinar atvinnugreinarnar gera það sama verða afleiddu störfin alls um 300% vinnuaflsins.

Ef stóriðjan verður tvöfölduð og öll fáanleg orka landsins sett í hana munu tæp 2% vinnuaflsins verða í þeim. 98% verða að vinna við "eitthvað annað".

[Sigurgeir Jónsson, 31.5.2012 kl. 22:48]

Með röksemd þinni Ómar um að jarðvarrminn sé ekki sjálfbær auðlind, sem reyndar er ósannað, og þess vegna verði að geyma hann handa börnum okkar og barnabörnum, ert þú í raun að segja að Nörðmenn eigi að hætta að selja olíu vegna þessa að hún klárist.Ég legg til að þú komir þessum skilaboðum til Norðmanna.Og það gleymist líka að öll sú orka sem er ekki nýtt í fallvötnum er í raun sóun.Við erum í raun að henda peningum með því að nýta ekki fallorkuna.Þeir peningar sem þannig glatast koma aldrei til baka.

[Ómar Ragnarsson, 31.5.2012 kl. 23:00]

Munurinn á jarðvarmanum og olíu Norðmanna er sá, að íslenskir vísindamenn, svo sem Ólafur Flóvenz, Guðni Axelsson, Jónas Ketilsson, Bragi Árnason og fleiri, hafa sett fram kenningar um það hvernig hægt sé að nýta íslenskan háhita á þann hátt að hann sé endurnýjanlegur.

Auk þess er engum einstæðum náttúruperlum á heimsmælikvarða fórnað með vinnslu norku olíunnar.

[Ómar Ragnarsson, 31.5.2012 kl. 23:03]

Eins og íslenski jarðvarminn er nýttur núna er nýtingin ósjálfbær, af því að allt miðast við svo skefjalausa dælingu að heita vatnið endist aðeins í 50 ár.

Með því að fara margfalt hægar í sakir eða með því að fara ákveðinn hring þar sem hvert svæðið tekur við af öðru þannig að hægt er að fara aftur á upprunalegan stað eftir x áratugi eða jafnvel 100 til 200 ár eftir atvikum er hins vegar hægt að stunda sjálfbæra nýtingu án rányrkju.

[Gestur Pálsson (IP-tala skráð) 31.5.2012 kl. 23:13]

Sæstreng!!! það ætlar enginn að leggja sæstreng, þetta er bara ódýr auglýsingar herferð til að geta látið grandalaust fólk borga evropuverð fyrir orkuna því í augum rándýranna er það sóun. Sú framtíðarsýn að óbeysluð náttúra sé sóun dæmir sig sjálf og er hryggilega barnaleg afstaða. Fögur er hlíðin og ég fer ekki rassgat.

[Gunnar Th. Gunnarsson, 31.5.2012 kl. 23:42]

80% allra verkfræðinga landsins koma með einum eða öðrum hætti að vinnu tengdri orkugeiranum. Sú tenging skapar grundvöll fyrir "eitthvað annað".

[Gunnar Th. Gunnarsson, 31.5.2012 kl. 23:45]

Stöðugt er unnið að því að afla sér þekkingar á jarðhitanýtingu svo hún verði sjálfbær. Framtíðin er hlaðin spennu og andrúmsloftið er rafmagnað

[Bergþóra Sigurðardóttir (IP-tala skráð) 1.6.2012 kl. 00:01]

"Guð blessi Ísland"

[Jóhannes (IP-tala skráð) 1.6.2012 kl. 00:43]

Evrópa og/eða Bretland eru ekki að fara að kaupa smávegis af raforku, svo sem eins og úr einum bæjarlæk, heldur margfalt meira en það.

Til að svona framkvæmd verði verulega arðbær og físilegur fjárfestingakostur þá þarf þessi sæstrengur, sem verður hundruðir kílómetra langur að flytja verulegt rafmagn.  Hvar ætla menn að fá allt þetta rafmagn?  Hvar á að virkja, stífla eða bora? 

 

Til að framleiða slíkt magn af rafmagni sem markaðurinn og arðsemiskröfurnar fara fram á þá þarf að byggja svona eins og eina Kárahnjúkastíflu.  Er fólk til í það?  Nógu voru lætin, heiftin og gífuryrðin þegar Kárahnjúkastífla var byggð og það rafmagn er notað hér í innlenda atvinnustarfsemi.  Núna segir engin neitt þegar á að selja rafmang út úr landi í stað þess að nýta það hér.

[Bergþóra Sigurðardóttir (IP-tala skráð) 1.6.2012 kl. 05:58]

The latest solar technology CPV is becoming increasingly cost-competitive thanks to its high efficiency in comparison to other photovoltaic technologies. The first commercial CPV plants are under construction in South Africa and the USA. Semprius, a US company in which Siemens is a shareholder, recently built CPV modules which achieved the record efficiency of 34%. Both companies, Siemens and Semprius hope for large scale CPV projects within the framework of DESERTEC Concept.

Desertec to start work on first solar plant in 2012 | Reuters

www.reuters.com/.../us-desertec-morocco-idUSTRE79S2912011102...29 Oct 2011 – FRANKFURT (Reuters) - Desertec, the world's most ambitious solar power project, is to start building its first power plant next year, a 500 ...

[Árni Gunnarsson, 1.6.2012 kl. 20:08]

Eru einhversstaðar í boði 300 milljónir kr. fyrir eitt starf við eitthvað annað?

Eða, öllu heldur 3 milljarðar fyrir 10 störf við eitthvað annað?

Nítján ára krakkar að lesa undir stúdentspróf fóru að þreifa fyrir sér við að framleiða hundakex. Þetta verkefni vann til verðlauna í samkeppni erlendis um nýsköpunarverkefni.

Átján ára krakkar úr Kópavogi unnu til alþjóðlegra 1. verðlauna í samkeppni ungmenna frá 300 löndum. Verkefnið var upphitun húsnæðis með metani.

Eini gallin að þetta flokkast undir þetta voðalega: "eitthvað annað!"

[Gunnar Th. Gunnarsson, 1.6.2012 kl. 20:47]

Nei, þetta er frábært frumkvæði hjá krökkunum. Megi þessi verkefni blómstra sem önnur.

[Helgi (IP-tala skráð) 2.6.2012 kl. 22:47]

Sæll.

Það hefur enginn neitt á móti "eitthvað annað" en hví ekki að nýta okkar náttúruauðlindir til atvinnusköpunar og til að afla gjaldeyris.

Árið 2010 námu tekjur af útflutningi áls 225 milljörðum króna. Þetta svarar til um það bil 25% af útflutningstekjum þjóðarinnar. Til að framleiða þessi verðmæti þurfti að flytja inn súrál fyrir um 63 milljarða króna. Vöruskiptajöfnuður áliðnaðarins á síðasta ári nam um 120 milljörðum króna í plús. Kostnaður sem fellur til vegna reksturs álveranna hér á landi nemur um 40% af heildartekjum þeirra. 2010 nam þessi kostnaður því um 80 milljörðum króna.

Sala raforku til áliðnaðar hefur verið með arðsömustu starfsemi raforkufyrirtækja hér á landi um árabil sbr. nýlegar upplýsingar OR og Landsvirkjunar. Sem dæmi má nefna að arðsemi eiginfjár Landsvirkjunar hefur að meðaltali verið um 15% á ári undanfarin 10 ár. Það er nokkru meiri arðsemi en að meðaltali hjá skráðum bandarískum orkufyrirtækjum á sama tímabili samkvæmt skýrslu sem unnin var fyrir fjármálaráðuneytið 2009. Um 80% af raforkusölu Landsvirkjunar er til stóriðju. Þá hefur Landsvirkjun gefið það út að félagið geti greitt upp allar skuldir sínar á 10-12 árum.

Hvers vegna líta umhverfisverndarsinnar alltaf framhjá þessu? Þetta annað sem nr. 17 nefnir er fínt og flott en smotterí samanborið við sölu raforku til stóriðju. Koma þarf hjólum atvinnulífsins af stað aftur. Það er eitt að fá einhver alþjóðleg verðlaun og annað að búa til verðmæti úr hugmyndinni.

Ýta þarf undir fjölbreytni í íslensku atvinnulífi og nýta þær auðlindir sem við höfum. Dettur einhverjum í hug að banna fiskveiðar eða beita sér gegn því að stofn, eins og t.d. makrílinn, sem hefur verið lítt nýttur í gegnum tíðina sé ekki nýttur?

Því miður fæ ég ekki betur séð en HA sé glópur mikill og mikil er ábyrgð hans að flæma héðan Alcoa (Bakki) og gagnaverið. Þessi glópska kostar hundruðir starfa og tugi milljarða í glataðar tekjur á næstu árum. Dýr forstjóri þar.