Gleymdu þessu fyrir rúmum tuttugu árum.

Fyrir rúmum tuttugu árum var í alvöru um það rætt að ekkert gæti komið í veg fyrir að sjór gengi inn í Jökulsárlón eftir að hafa nagað ströndina fyrir utan lónið.

Það yrði alvarlegt mál fyrir samgöngur því að þá yrði lónið að djúpum firði, fullum af stórum borgarísjökunum, sem myndi reka út á sjó þar fyrir utan og valda hættu fyrir skip.

Þess utan myndi hringvegurinn rofna og taka þyrfti upp ferjusiglingar yfir fjörðinn.

Hægt yrði að seinka þessu með því að grafa út nýtt útfall frá lóninu, annað hvort til vesturs eða austurs og fylla í staðinn upp í núverandi farveg, en að öðru leyti yrði verkfræðilega ómögulegt að forðast hið óhjákvæmilega, því að 250 metrar væru niður á fasta klöpp við sandströndina sem framburður Jökulsár hefði hlaðið upp í áranna rás.

Fyrir tuttugu árum gleymdu menn að taka landhækkunina með í reikninginn en vonandi mun landris vegna þynningar og léttingar jöklanna vinn á móti þessu en fróðlegt væri að sjá hvaða áhrif landris hefur á innsiglinguna til Hafnar í Hornafirði.

Vegurinn við Jökulsárlón ekki lengur talinn í hættu

Athugasemdir

[Þorsteinn Briem, 15.7.2012 kl. 00:16]

"... ljóst að afstaða láðs og lagar við suðausturströnd Íslands ræðst af samverkan tveggja þátta: hækkun sjávar vegna hlýnandi loftslags og landrisi við rýrnun Vatnajökuls.

Við Breiðamerkursand má telja líklegt að landrisið verði á næstu áratugum umtalsvert meira en hækkun sjávar, þannig að þar rísi land úr sjó, hugsanlega með hraða yfir 15 mm á ári.

Þetta landris getur dregið úr sjávarrofi á svæðinu og gert auðveldara um vik að verja brú og vegi við Jökulsárlón á Breiðamerkursandi.

Við Höfn í Hornafirði mun landrisið vegna jöklaþynningar líklega einnig verða meira en sem nemur hækkun sjávar en fara þarf enn lengra frá jöklinum til að hækkun sjávar verði álíka mikil og land rís.

Þannig aðstæður gætu orðið í grennd við Djúpavog og þar með væri höfnin þar ein af fáum í heiminum þar sem lítil sem engin afstæð breyting verður á sjávarstöðu á næstu áratugum."

Vísindavefurinn: Hve mikið hækkar sjávarstaða við suðausturströnd Íslands á næstu 20 árum við bráðnun jökla á jörðinni?

[Þorsteinn Briem, 15.7.2012 kl. 00:45]

Hve mikið hækkar sjávarstaða við suðausturströnd Íslands á næstu 20 árum við bráðnun jökla á jörðinni?

[Þorsteinn Briem, 25.7.2012 kl. 00:26]

"Í ljósi ofangreindra aðstæðna og útreikninga virðist mengunarhætta af umsvifum við Þríhnúka afar lítil.

Frá yfirborði og niður að grunnvatnsborði eru 250-300 m.

Síðan eru 7 km að brunnsvæðunum í Vatnsendakrikum.

Síunarvegalengdir eru miklar, ferðatími grunnvatnsins skiptir árum (eða áratugum) og þynning er mikil í öflugum grunnvatnsstraumi."

Vatnafar við Þríhnúkagíg - Skýrsla Árna Hjartarsonar jarðfræðings, sjá bls. 12