Íslands þúsund ár

18.7.2012 | 22:49

Tyggjóklessur ógna flugöryggi.

Skömmu eftir að árásin var gerð á Tvíburaturnana í New Yourk varð ég vitni að því að allt fór á annan endann í bandarískri flugstöð af því að kona ein hafði óvart stigið á tyggjóklessu á leiðinni inn, sem festist neðan á skóinn.

Skórnir voru teknir af konunni og hún sett afsíðis í nákvæma sérskoðun.

Þetta þótti mér með afbrigðum fáránlegt á sínum tíma og ég hélt að þessu myndi linna þar vestra, sem það og gerði.

En nú hefur það gosið upp í Leifsstöð ellefu árum síðar og teljast skór nú ógna flugöryggi þar hvort sem tyggjóklessur eru undir þeim eða ekki.

	Óþarfa eftirlit í Leifsstöð?
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Þessi skóleit hefur verið við lýði í leifstöð síðastliðin 5 til 6 ár ef ekki lengur . Annars er mismunandi hvar fer fram skóleit , en það er yfirleitt skóleit sértu að fara til íslands frá bandaríkjunum og þar til í fyrra þá var leitað aftur í skóm hjá fólki sem kom frá bandaríkjunum við komu til íslands .

Ég hef farið í innanlandsflug frá boston og new york (lagardia) og það var ekkert leitað í boston - en í new york þá sáu þeir að vegabréfin litu öðruvísi út þannig að við fengum sérmeðferð þar sem skór voru myndaðir , þuklað og skoðað í handfarangur . þær eru heldur ekki fallegar sögurnar sem hægt er að lesa um framkomu starfsmanna TSA .

Valgarð (IP-tala skráð) 19.7.2012 kl. 02:10

Skil ekki þessa umræðu.

Þetta er í flestum tilfellum komið undir skaplyndi þeirra öryggisvarða sem eru í hliðunum hverju sinni í flestum löndum, en hér á landi er þetta regla.

Þeir sem hefja ferð sína um heiminn héðan, verða bara að sætta sig við þetta. Með þessu er væntanlega meiningin, að héðan fari enginn með sprengju í skónum, ekki satt?

OK, látum það liggja á milli hluta.

Eitt versta land veraldar að koma til, eða fara frá í dag, eru Bandaríkin. Þangað er ekki hægt að fara nema með 48 klst. fyrirvara. Síðan þegar þangað er komið.:

Þar til þú hefur afsannað að þú sérst hryðjuverkamaður, kemstu hvorki lönd né strönd og skórnir eru ekki það eina sem þarf að fjúka. Nánast alger niðurlæging að fara þar í gegn á leið til annarra áfangastaða.( Hvað varð eiginlega um TRANSIT farþega í USA?)

Það er jú einu sinni þannig, að á fyrsta brottfararstað farþega, er leitað á honum og í hans farangri. Handfarangur skannaður, tölvur settar í bakka og annað það sem flestir þekkja, sem ferðast mikið. Það er því algerlega óþolandi að þurfa að endurtaka sama leik tvisvar til þrisvar á einni ferð.

Að fara úr skónum er bara ekkert mál!

Ekki meira mál en að setja tölvuna í sér bakka.

Það sem hægt er að væla......

Góðar stundir.

Halldór Egill Guðnason, 19.7.2012 kl. 03:26

Nú hefði maður haldið að tækjabúnaðurinn væri orðinn það góður að lítt þýddi að strippa.

Annars er ekkert mál að sleppa þessu bara, hoppa yfir girðingu og t´rkka sig inn sjálfur, hehehe.

Jón Logi (IP-tala skráð) 19.7.2012 kl. 08:35

Flugleiðavélin er farin frá oss
full af útlenskum dónum.
Þeir pukrast um borð og pissa í kross
og passa að fara ekki úr skónum.

Júlíus Valsson, 19.7.2012 kl. 09:30

Á Kennedy flugvelli í New York eru stundum afar kuldalegt viðmót frá öryggis- og tollvörðum. Það liggur við að maður upplifi sig sem fanga. Sumir í vegabréfaskoðuninni eru mjög ókurteisir.

kristján (IP-tala skráð) 19.7.2012 kl. 09:34

Ómar oft að hættum hló,
hann er fær í flestan sjó,
tíu sinnum tekinn þó,
tyggjó fannst á gúmmískó.

Þorsteinn Briem, 19.7.2012 kl. 09:44

Ég er ekki hissa á því að Jón Logi og Júlíus Valsson séu látnir fara úr skónum.

Í Bandaríkjunum er þeir álitnir útlendir hryðjuverkamenn.

Rétt eins og erlendir hælisleitendur hérlendis.

Þorsteinn Briem, 19.7.2012 kl. 09:52

28.6.2012:

"Í tvígang hefur orðið mikið uppistand í kringum utanferðir Sigmundar Davíðs [Gunnlaugssonar, formanns Framsóknarflokksins].

Það hefur ekki farið hátt en honum er illa við að fara úr skónum í vopnaleitinni á Keflavíkurflugvelli."

"Svo að tvisvar hefur Sigmundur Davíð neitað að fara úr skónum.

Þá hefur hann óskað eftir því, ætti hann á annað borð að fara úr skónum, að vera skaffaðar sérstakar plasthlífar til að hafa á fótunum í gegnum gegnumlýsingarhliðið.

Þegar engar slíkar buðust tók hann plastbakka þá sem við hin, sem erum meginstraumsgungur, setjum persónulega málmmuni í, og straujaði á þeim í gegnum hliðið."