Furðulegt ef satt er.

Furðulegt er að lesa um útboðsskilmála um akstur í áætlunarferðum, sem greint er frá í fréttum um sérleyfisveitingu um hann.

Furðulegast finnst mér ef það er satt er að eitt skilyrðið hafi verið að hafa nógu mörg stæði fyrir farþega.

Þetta finnst mér að þarfnist frekari útskýringa. Til dæmis hvort þetta hafi komið í veg fyrir að rútur, sem tóku fleiri í sæti en bílarnir hjá strætó bs, væru gjaldgengar eða samkeppnisfærar.

Auk þess væri gott að fá útskýringar á því hvort það sé verjandi að láta fólk standa á 80 kílómetra hraða á þjóðvegunum eða hvort það hafi verið eitthvað háð öðrum takmörkunum.

Furðulegast er þó ef það er satt að fallið hafi verið frá mörgum skilyrðunum eftir á, eftir að búið var að veita sérleyfin.

Nú er mikið talað um embættisveitingu Ögmundar Jónassonar og jafnræðisreglan meira að segja nefnd í því sambandi í víðbót við jafnréttisregluna.

Er hugsanlegt að viðeigandi sé að athuga, hvort jafnræðisreglan hafi verið virt í þessu útboði?

„Fengu þetta upp í hendurnar“

Athugasemdir

[Gunnar Heiðarsson, 3.9.2012 kl. 21:11]

Það er auðvitað út í hött að Strætó skuli hafa leifi fyrir því að farþegar megi standa í vögnum þess. Þar breytir litlu hvort utan eða innan Reykjavíkur sé. Hvað verður um þá farþega sem standa í vagni sem ekur eftir Miklubraut á 80 km hraða og lendir í árekstri?

Það er þó ljóst að Strætó hefur ekki heimild til að láta farþega í vögnum sem aka út á þjóðvegum, standa. Þetta kom fram í viðtali við fulltrúa fyrirtækisins í fjölmiðlum fyrir nokkrum dögum, í tengslum við fréttir af útboðum fyrirtækisins. Þar sagði þessi fulltrúi fyrirtækisins að verið væri að vinna að slíku leifi. Það er vonandi að þeir sem slíkt leifi veita sé nógu skynsamir til að hafna þeirri beiðni.

Eftir sem áður hefur fyrirtækið verið með vagna í ferðum milli Akraness og Mosfellsbæjar um nokkurra ára skeið. Í þessum vögnum er nú stæði fyrir farþega og oftar en ekki sem þeir þurfa að nýta þau stæði í ferðum á morgnanna, þegar flestir nýta sér ferðir vagnsins.

Þarna er fyrirtækið því vísvitandi að brjóta lög.

[Hafþór Atli Hallmundsson (IP-tala skráð) 4.9.2012 kl. 19:24]

Hvað ertu að rugla Gunnar? Ekki er einn einasti vagn sem ekur frá Akranesi og í Mosfellsbæ með leyfi til að hafa standandi farþega. (Var það allavega ekki fram að mánaðarmótum þegar bíll tók að keyra alla leiðina að norðan frá Akyreyri suður í Mjóddina í einum rikk) Getur vel verið að sá bíll, sem er stærri en forverinn, sem ók bara milli Akraness og Mosfellsbæjar, hafi stæði fyrir standandi farþegar og leyfi til að flytja fólkið þannig. Það er líka rangt að Strætó BS sé að brjóta lög sé það að notast við bíla sem bjóða uppá að farþegar standi. Ef bíllinn er útbúinn þannig og fæst þannig skráður er hann löglegur, og kemur það hver á hann því máli lítið við.

Það var fundur með stjórn Strætó uppi á Akranesi seint í vetur þar sem kynnt var að framundan væru breytingar á ferðum og vögnunum, og þar á meðal ætti að bjóða uppá bíla sem tæku standandi farþega ef þeir myndi fyllast það mikið af fólki að engin önnur leið væri an að láta restina af fólkinu standa. Þetta sættu skagamenn sig ekki við (ég er aðfluttur á Akranes, nota bene) en ég reyndi að benda á að bílarnir sem aka innanbæjar á vegum Stætó hafi einmitt þetta fyrirkomulag: að láta restina af fólkinu standa og þar að auki séu engin bílbelti í sætunum. Ekki var fólkið að sjá tenginguna þarna á milli, enda móðursýkin að gera allflesta á þessum fundi brjálaða við Strætó yfir þessum tilætlunum og vildi meirihluti fólks þarna ekki gangast að þessum. Enda var hætt við að bjóða upp á að bílarnir tæku standandi farþega.

Einnig er það nú ýkjur að fyrsti bíllinn af skaganum á morgnana fyllist það mikið af fólki að restin af fólkinu þurfi að standa. Þetta eru svona í mesta lagi rúmlega 20 manns.

Einnig þykir mér orð Óskars og Tyrfings í fréttinni skrítin í ljósi þess að sjálfur Strætó BS er ekki að aka þessar leiðir sjálfur, heldur fyrirtæki sem heitir Hópbílar. Getur vel verið að þeir sem keyra á Snæfellsnesið séu útbúnir fyrir standandi farþegar, og jafnvel sá sem kemur við á Akranesi á leiðinni til Reykjavíkur (komandi frá Akureyri) en ég hef ekki séð þá aðstöðu, nema þá hún sé á ganginum milli sætanna. Reyndar er mikið til í að öðrum en þeim "allrasterkustu" í þessum geyra sé bolað í burtu og kynnt sé undir fákeppni. En ef menn vilja notast við orðið sérleyfi þá segir það sig nú sjálf að ef eitthvert ákveðið fyrirtæki hefur sérleyfi til einhvers, þá hlýtur það sjálft að vera að einnoka þá iðn (eða er ég að lesa og skilja þetta orð eitthvða villaust?)