Íslands þúsund ár

24.10.2012 | 19:40

Eiginleiki sannra meistara.

Sagt var að Romney hefði haft ívið betur í fyrstu kappræðunum, Obama bætt sig í þeim næstu og síðan haft betur í þeim síðustu.

Þetta minnir á hnefaleikameistarana Joe Louis, Rocky Marciano, Muhammad Ali og Lennox Lewis. Þeir áttu það allir sameiginlegt, að ef þeir töpuðu fyrir einhverjum eða áttu miklum vandræðum, linntu þeir ekki látum fyrr en þeir fengu annan bardaga og helst hinn þriðja líka þar sem taflið snerist við og enginn þurfti lengur að velkjast í neinum vafa.

Þetta er einn mikilvægasti eiginleiki sannra meistara (champions), hvernig þeir vinna úr erfiðleikum og ósigrum. Þar skilur á milli þeirra góðu og þeirra allra bestu.

Og nú er bara að sjá hvernig fer í kosningunum í næsta mánuði.

	Hlutverkaskipti í kappræðunum
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 20:02 | Facebook

Athugasemdir

Mér þykir það lélegt hjá Lennox Lewis að hafa ekki veitt Vitaly Klitschko annan bardaga, eins og hann á að hafa lofað. Sérstaklega fyrst hann vildi sjálfur alltaf berjast aftur við þá sem unnu hann, eða var í vandræðum með. Hann var í miklum vandræðum með Vitali, Úkraínumaðurinn var yfir á stigum þegar bardaginn var stöðvaður.

Veit svo sem ekki hvort Vitali hefði unnið hann í öðrum bardaga. Fjórum árum eftir að þeir mættust á Vitali að hafa sagt í viðtali að hann vildi að Lewis tæki hanskana fram og berðist við hann, en án árangurs. Var Lewis hræddur við að mæta honum, taldi hann sig ekki geta unnið hann aftur?

Theódór Norðkvist, 24.10.2012 kl. 21:58

Rommney er bara sá sem heimurinn þarfnast síst, fanatískur Mormona prestur.

Gunnlaugur Sig (IP-tala skráð) 24.10.2012 kl. 22:45

Eg sá nú ekki allar kappræðurnar en hluta af öllum þremur. það sem mér fannst athygliverast var - hve samræður þeirra voru siviliseraðar. þ.e. miðað við átökin í BNA í fjölmiðlum í kringum kosningarnar og átök stuðningsmanna - hve samræður þeira voru í aðalatriðum kurteislegar.

Ómar Bjarki Kristjánsson, 25.10.2012 kl. 01:21

Sé nú ekki mun á skít og kúk. Báðir eru háðir peningaöflunum. Og verða gera þeim til góða. Vopnaframleiðendum, og öðrum, sem er skítsama um annað, GRÓÐA.

þórhildur lilja þorkelsdóttir (IP-tala skráð) 25.10.2012 kl. 01:44

Sum okkar thurfa ad hlusta betur a hvad mennirnir eru ad segja.Thad er mjog mikid i hufi fyrir hergagnaframleidendur hvor theirra verdur kosinn.

Sigurdur V.Gudjonsson (IP-tala skráð) 25.10.2012 kl. 01:52

Þeir verða seint taldir til meistara þessir 2 frambjóðendur

DoctorE (IP-tala skráð) 25.10.2012 kl. 09:07

Juú, þeir eru nú meistarar í vissum skilningi. Meistarar í pólitískum performans. þetta er keppni í performans aðallega þessar kappræður. þ.e. hvernig koma þeir út í gegnum sjónvarpið. Skiptir ekki öllu máli hvað þeir segja - heldur hvernig þeir segja það. Hvernig þeir bera sig að.

Obama kemur mér fyrir sjónir sem miklu meiri náttúrutalens en Romney er alveg þrautþjálfaður og kann sitt fag afar vel tæknilega. Og fagið er pólitískur performans. það kom ekki almennilega í ljós hve vel Romney er þjálfaður fyrr en í fyrstu kappræðunum. þá hafði hann allt öðruvísi yfirbragð en áður í kosningabaráttunni. Án efa hafa stuðningsmenn hans í Republikanaflokknum vitað afar vel af þessum hæfileikum hans - en fólki utan BNA kom það kannski pínulítið á óvart.

Í fyrstu kappræðunum var Romney alveg á tánum og spilaði út trompunum. þetta var næstum óaðfinnanlegur performans og líkt og teiknimynd. það kom mér fyrir sjónir eins og Obama reiknaði með þessu. Að hann reiknaði með að Romney kæmi dýrvitlaus inní bardagann og málið væri að halda sjó í fyrstu lotu - og hafa svo stíganda í kappræðubardaganum í heildina. því náttúrulega er ekkert inní myndinni að annarhvor sigri á rothöggi eins og Moggi talar um. Menn sigra á stigum í þessari keppni.

Performansinn hjá Obama var eins og miklu fyrirhafnarlausari en hjá Romney. það kom sérstaklega í ljós, fannst mér, í 2.lotu þegar þeir voru standandi á gólfinu á opnu svæði fyrir framan áhorfendur sem gátu lagt fyrir þá spurningar. Alveg fáránlega fyrirhafnalaus performans. Líkt og hann eyddi engum kröftum í hann. En það mátti greina að Romney þurfti eins og að hafa fyrir þessu. Eins og hann hefði eytt of mikilli orku í 1. lotu og yrði þreyttur í 2. og 3. lotu.

Ómar Bjarki Kristjánsson, 25.10.2012 kl. 09:59

Lennox Lewis var orðinn 37 ára gamall þegar hann barðist við Vitaly og það er ekki sanngjarnt að á þeim aldri sé mönnum núið því um nasir að þeir þori ekki að halda áfram.

Ali var 38 ára og 39 ára þegar hann fór í misráðna bardaga við Larry Holmes og Trevor Berbick og Joe Louis var 37 ára þegar Rocky Marciano tók hann í bakaríið.

Einhvern tíma verða topp íþróttamenn að hætta vegna aldurs og Lewis og Rocky brugðust rétt og eðlilega við með því að hætta á toppnum í stað þess að lenda í því sama og Ali og Louis lentu.

Lewis tapaði óvænt fyrir Oliver McCall 1994 og endurheimti titilinn sannfærandi þegar andstæðingur hans fékk taugaáfall af örvæntingu, hætti að berjast í 2. bardaganum, grét og var dæmdur úr leik.

Lewis gerði jafntefli við Evander Holyfield fyrri bardaga þeirra og vann hann síðan í öðrum bardaga.

Riddick Bowe forðaðist Lewis og þorði aldrei að berjast við hann.

Tyson forðaðist líka Lewis eftir eftikomu sína og skíttapaði fyrir honum, loksins þegar þeir börðust.

Ég tel, að Lennox Lewis hafi verið betri á hátindi getu sinnar en Vitaly Klitscko á sínum hátindi, en þetta verður aldrei hægt að sanna óyggjandi.

Ómar Ragnarsson, 25.10.2012 kl. 13:06

Gott svar, finnst samt ekkert niðrandi fyrir hnefaleikameistara sem eru komnir fast að fertugu að taka einni lokaáskorun. Það er reisn falin í því að tapa ef það er fyrir mun yngri manni og viðkomandi hefur þá alltaf aldurinn sem afsökun. En vegna þess að það lítur betur út í sögubókunum að hafa hætt sem handhafi meistaratitils, taka flestir þann kostinn.

Merkilegt að ég hafi meira áhuga á hnefaleikunum, þó upphafsfærslan hafi fyrst og fremst fjallað um stjórnmál og valdamesta embættið í þeim heimi. Þó box sé ruddaleg íþrótt held ég að stjórnmálin séu mun verri leðjuslagur. Það eru a.m.k. reglur í boxinu.