Hverjar eru meginlínurnar ?

Gyðingar eru stórmerk, dugleg og samheldin menningarþjóð sem hefur alið marga af helstu afburðamönnum sögunnar og haft mikil áhrif. Ísrael er lýðræðisríki þótt innan þess sé brögðum beitt af Ísraelsmönnum til þess að ná undir sig landi og eignum Palestínumanna innan þess.

Biblían, Kristur og kristin trú eru upprunnin í ranni þeirra. Kristin viðhorf hafa haft mótandi áhrif á íslenskt þjóðlíf í þúsund ár og hafa það enn. Það er jákvætt. Þó er ekki allt jákvætt varðandi Gyðinga, því að enda þótt Kristur væri sonur sinnar þjóðar voru það Gyðingar sem líflétu hann.

Eftir að Gyðingar voru hraktir frá Palestínu fyrir næstum 1900 árum litu þeir á sig sem landlausa þjóð, sem dreymdi um að eignast aftur "fyrirheitna landið" í samræmi við Zíonismann, enda væru þeir guðs útvalin þjóð sem hefði um það guðlegt loforð að ráða yfir Palestínu.

Þetta hefur verið bæði styrkur en jafnfram veikleiki Gyðinga, því að það er ávallt varasamt þegar ein þjóð, trúarflokkur eða kynþáttur telur sig öðrum æðri og útvalin af Guði. Þarf ekki annað en að nefna Hitler og trú hans á yfirburði svonefnds arísks kynþáttar yfir aðra kynþætti í því sambandi, sem leiddi meðal annars hroðaleg örlög yfir Gyðinga í villimannslegustu morðum mannkynssögunnar í Helförinni.

Svo áhrifamiklir voru Zíonistar orðnir um aldamótin 1900 var það í alvöru rætt um það að "gefa" þeim Uganda. Var lítt hirt um vilja innfæddra í því sambandi enda ekki vaninn hjá nýlenduveldunum. Þessi hugsun, að Gyðingar ættu rétt á að vera gefið land næstum 1900 árum eftir að þeir hröktust í útlegð frá eigin landi, er rót þess hættulega vanda, sem nú er við að etja í Miðausturlöndum.  

Þetta var ósanngjörn krafa að mínu mati en samheldni og þrjóska Gyðinga ýtti undir hana.

Tökum uppsett hliðstætt dæmi. Margir Norðmenn hröktust frá Noregi til Íslands á tíundu öld vegna ofríkis Haraldar hárfagra eða landþrengsla. Setjum svo að þetta hefði verið meginástæða þess að þeir fóru nauðugir úr landi og að 1000 árum síðar hefðu þeir gert kröfu um að fá helming Noregs til búsetu og eignar. Hefði það verið talið sanngjarnt? Og sanngjarnt að í dag réðum við yfir um 80% Noregs og öllum olíulindum landsins?

Á síðustu öld tóku Gyðingar að flytja til Palestínu í sívaxandi mæli. Bretar bera ásamt Gyðingum mesta ábyrgð á því að í stríðslok voru Gyðingar komnir í aðstöðu til þess að hrifsa til sín "Landið helga".

Til þess beittu þeir öllum tiltækum ráðum svo sem hryðjuverkum.

Þjóðir heims höfðu mikla samúð með Gyðingum vegna Helfararinnar, sem kostaði sex milljónir Gyðinga lífið, en það var rúmlega helmingur allra Gyðinga í heiminum.

Þess vegna ákváðu Sameinuðu þjóðirnar að kveða upp þann Salómonsdóm að skipta Palestínu í tvö ríki, Ísraelsríki og Palestínuríki árið 1948. Thor Thors sendiherra flutti tillögu um stofnun Ísraelsríkis sem var samþykkt. Við Íslendingar tengjumst þessu máli því frá upphafi.

 Öll stórveldin stóðu á bak við þessa "lausn", sem Palestínumenn og Arabaríkin sættu sig samt ekki við og lái þeim það hver sem vill. Síðan þá hefur "Palestínumálið" verið eitt hættulegasta og erfiðasta málið, sem ógnar friði í heiminum.

Arabaþjóðir fóru þrívegis með hernað á hendur Ísraelsmönnum, 1948, 1967 og 1973, en 1956 réðust Ísraelsmenn inn á Zínaískaga, en fóru þaðan aftur.

1967, eftir lokun Tiran-sunds, yfirlýsingu Nassers um útrýmingu Ísraels og hernaðarbandalags gegn Ísrael, ákváðu Ísraelsmenn að verða fyrri til, hófu sex daga stríðið og hernámu Vesturbakkann, Gaza og Golanhæðir og halda Vesturbakkanum enn í trássi við alþjóðlög og samþykktir Sameinuðu þjóðanna. Engin önnur þjóð hefur komist upp með slíkt.

Gazasvæðið er í herkví og í raun fangabúðir. Aðskilnaðarmúr hefur verið reistur. Fyrir hvern Ísraelsmann, sem Palestínumenn fella, drepa Ísraelsmenn þetta frá 50 upp í nokkur hundruð.

Draumurinn um "fyrirheitna landið" sem sjálfur guð hefði úthlutað Ísraelsmönnum í árdaga, hefur ræst að því leyti að Ísraelsmenn ráða yfir ca 80% af því landi sem draumurinn snýst um, eru búnir að vera vígbúið kjarnorkuveldi í áratugi með stuðningi Bandaríkjanna, þar sem Gyðingar hafa úrslitaáhrif um það hver situr á forsetastóli.

Ástandið er vatn á myllu hryðjuverkasamtaka og öfgamanna í múslimaríkjunum svo sem Íransstjórnar. 

Það hefur verri áhrif á sambúð Vesturveldanna og umheimsins en nokkurt annað mál og er sú púðurtunna, sem getur sprungið í loft upp hvenær sem er.

Við Íslendingar stóðum að því 1948 að tvö sjálfstæð ríki yrðu stofnuð í Palestínu og nú er liðinn það langur tími síðan, að horfast verður í augu við það að Ísralsríki standi áfram, þótt aðdragandi þess hafi verið umdeilanlegur, svo að ekki sé meira sagt.

En vegna forsögunnar eigum við Íslendingar tvímælalaust að styðja stofnun sjálfstæðs Palestínuríkis eins og ætlunin var 1948 og andæfa því mikla ofríki og ofbeldi sem Ísraelsmenn sýna æ ofan í æ.  

Segir Írana bera ábyrgð

Athugasemdir

[Haukur Kristinsson (IP-tala skráð) 21.11.2012 kl. 17:06]

http://www.youtube.com/watch?feature=endscreen&NR=1&v=pfn-G_AjvlQ

[S.H. (IP-tala skráð) 21.11.2012 kl. 17:17]

Här skvalpar det omkring i hjärnvindlingarna en massa antisemitiskt

tankegods hämtat från den kristna läran. Det förvånar att Omar Ragnarsson saluför den gamla klassiska myten om judarna som Kristusmördare. Den som i sekler har åstadkommit så mycket förföljelser och dödande av judar. Och det stannar inte därvid. Han fortsätter med fördomar och klyschor om det utvalda folket o s vidare. Det saknas bara ritualmorden på barn och judarna som bakar sitt matzabröd därav. Man baxnar!

Råder dig att läsa Henrik Bachners bok om Antisemitism. ett kortare utdrag finns på nätet. Och ta bort det för dig så skamligt alster som denna artikel är.

[Halldór Carlsson (IP-tala skráð) 21.11.2012 kl. 17:42]

,,Arabaþjóðir fóru .. með hernað á hendur Ísraelsmönnum .. 1967 .."

þetta er ekki alveg rétt, því þó arabaþjóðirnar haft í hótunum við Ísraela á þessum tíma, braust stríðið út þegar Ísraelar réðust á egypskan flugvöll á Vesturbakkanum

[Hörður Þormar (IP-tala skráð) 21.11.2012 kl. 18:48]

Kæri Ómar.

Ég veit að þú er réttsýnn og vilt öllum vel. En veröldin er býsna flókin og það á ekki síst við um austurlönd nær.

Undanfarna daga hefur enn einn hvirfilbylurinn þeytt upp moldviðri svo að vart sér út úr augum.

A.m.k. er Sýrland horfið úr augsýn, eða er kannski kominn friður þar?

Margt hefur verið birt á netinu um ástandið á þessum slóðum og er þar sumt harla vafasamt svo að vægt sé til orða tekið. Það er því vissara að kynna sér heimildir þessa efnis áður en það er tekið trúanlegt.

Einhvers staðar rakst ég á kort af Palestínu sem varð mér nokkurt umhugsunarefni. Ekki sá ég heimildir um uppruna þessa korts, en það sýnir útþenslustefnu Gyðinga áþessu svæði. Þykir mér ýmislegt við það að athuga.

Ekki er ég neinn sérfræðingur um málefni austurlanda nær, en samt festist hitt og þetta í heilabúinu í áranna rás

Fyrst ber að geta þess að þetta svæði var hluti af Sýrlandi fram undir 1920, en Sýrland var þá hluti af Tyrkjaveldi. Tyrkir sinntu þessum löndum lítt, þótti þau víst léleg til skattheimtu. Ekki munu vera til

áreiðanlegar upplýsingar um mannfjölda enda engin manntöl gerð.

Á 19. öld varð til hreyfing Síonista sem vildi stofna ríki Gyðinga í Palestínu .Tóku Tyrkir þeim vel, fluttust þá margir Gyðingar til landsins, keyptu þar lönd, mörg hver meira eða minna í órækt.

Brátt kom þar að Aröbum sem fyrir voru leist ekki á blikuna og bönnuðu, að viðlagðri dauðarefsingu,

að selja Gyðingum land. Þar með hófst spennan á milli þessara aðila, sem hefur magnast æ síðan.

Ekki vil ég fara út í þetta nánar, en þó geta þess að íbúar Jerúsalem um 1920, þegar Bretar komu þangað, voru um 60 þús.. Ekki veit ég hve margir þar af voru kristnir eða Gyðingar.

Ég verð að segja að umræðan um austurlönd nær hefur verið mjög einhliða og hallað á Ísraelsmenn.

Stafar það m.a. af því að mannfall hefur verið miklu meira í röðum Palestínumanna. Ég tel þó að þar sé ekki Ísraelsmönnum eingöngu um að kenna heldur því að andstæðingar þeirra skeyta síður um öryggi síns fólks, enda er dauði saklauss fólks eitt sterkasta vopnið í áróðursstríði þeirra.

Svo vil ég ekki láta hjá líða að rifja upp að Sameinuðu þjóðirnar, þ.á m. Sovétmenn, samþykktu stofnun

Ísraels og Palestínuríkis, en Jerúsalem undir alþjóðlegri stjórn. Gyðingar samþykktu, en Arabaríkin höfnuðu þessari samþykkt alfarið (lái þeim hver sem vill, segir þú). Réðust 5 Arabaríki á Ísrael 1948 og fengu einhverja þá háðulegustu útreið sem sögur fara af. Geta Íslamistar aldrei fyrirgefið þetta. Ísraelsmenn hafa til þessa hafnað samþykktum SÞ um Palestínuríki, þeir hafa fyrirmyndina frá 1948!

Loks er það sem aldrei er nefnt: Í meira en 2000 ár hafa Gyðingar búið í N Afríku. Í Alexandríu bjuggu

Gyðingar frá stofnun hennar. Í Mesopótamíu (Írak) bjuggu Gyðingar frá herleiðingunni. Hve margir búa þar nú?

Talið er að um 700 þús. Gyðingar hafi verið hraktir burt úr þessum löndum, nauðugir viljugir, en eigna-lausir. Þeir fengu heimili í Ísrael (eins og 12 millj. landflótta Þjóðverja í Þýskalandi). Talið er að um 1 millj.

Palestínumanna hafi verið flæmdir burt frá heimilum sínum, jafnvel er sagt að sumir hafi verið hvattir til að fara, þeir gætu komið aftur eftir 3 vikur! Nú eru þeir víst á 5. millj., búnir að hírast í flóttamanna-búðum á sjöunda áratug hjá bræðraþjóðum sínum sem neita þeim um að taka þá inn í samfélag

sitt.

Loks vil ég minna á ágæt erindi sem Árni Bergamnn flutti í útvarpið fyrir allmörgum árum um þetta efni.

Ómar minn, þetta er víst orðið nokkuð langt, en ég gat ekki á mér setið, kær kveðja,

Hörður Þormar

[Ómar Ragnarsson, 21.11.2012 kl. 20:57]

Ég er alveg sammála þér, Hörður, að málið er flókið. Til dæmis hefur verið bent á það að margra annarra þjóða menn hafi flutt til Palestínu á sama tíma og Gyðingar, og innflutningurinn því ekki einhliða.

[Helgi (IP-tala skráð) 21.11.2012 kl. 21:10]

Sæll.

Hér og víða annars staðar líta menn algerlega framhjá því sem gerðist áður en þessi ófriður braust út. Heldur einhver heilvita maður að Ísraelsmenn hafi bara allt í einu ákveðið að ráðast á Gaza?

Hvernig stendur á því að menn sjá bara hlið Palestínumanna? Hvers vegna er ekki bent á það að Ísraelsmenn hafa varpað miðum niður yfir Gaza og varað borgara við að vera nálægt vígamönnum? Hvers vegna er ekki bent á það að trekk í trekk hafa Ísraelsmenn hætt við loftárásir vegna þess að óbreyttir borgarar hafa verið þar sem þeir áttu ekki að vera? Hvers vegna er ekki talað um að Hamas kinnroðalaust brjóti alþjóðalög og nota óbreytta borgara sem mannlega skyldi?!

http://www.youtube.com/watch?v=70Oqo_wmuGo

http://www.youtube.com/watch?v=g0wJXf2nt4Y

Hér má sjá myndband um Hamas sem er ca. 4 ára:

http://www.youtube.com/watch?v=i08L09V0_sg&feature=related

Vinstri menn vita auðvitað ekkert af því sem fram kemur í þessum myndböndum og er sjálfsagt sama. Hvers vegna?

Þessi annars ágæta færsla þína er í reynd algerlega merkingarlaus. Ísrael er komið til að vera og eina raunverulega spurningin er hve lengi Palestínumenn ætla sér að berja höfðinu við stein? Það verður erfitt fyrir báða aðila að semja frið en Palestínumenn skortir algerlega vilja til þess.

Hverjir fóru frá Gaza 2005 og drógu landnema með sér nauðuga svo Palestínumenn gætu haft svæðið fyrir sig? Hverjir sömdu frið við Egypta og Jórdana? Hverjir rændu völdum á Gaza 2007 og drápu meðlimi Fatah?

Af hverju láta fjölmiðlamenn ekki stuðningsmenn Palestínumanna svara eftirfarandi spurningum:

1) Hvað eru Palestínumenn að gera til að undirbúa stofnun sjálfstæðs ríkis?

2) Á hverju ætlar þetta ríki að lifa? Ætlar það sér að lifa á ölmusu eins og núna?

3) Af hverju sækja Palestínumenn sér ekki lánsfé til t.d. Alþjóðabankans til að fjárfesta í verksmiðjum, ferðamennsku eða einhverju öðru sem skapað getur störf og tekjur?

4) Gott væri ef vinstri menn útskýrðu fyrir þjóðinni hvað felst í súru 4:89 og súru 9:123 svo tvö dæmi séu tekin.

5) Vinstri menn ættu að segja fólki hvaða eina örugga leið er fyrir múslima til að komast í paradís. Hverjar eru afleiðingar þessa?

6) Vinstri menn ættu að útskýra hugtakið "nasikh" fyrir samlöndum sínum hér.

7) Kvenréttindasinnarnir á vinstri arm stjórnmálanna ættu að tala við Hamas um súru 4:34.

8) Hvaðan koma þeir fjármunir sem Hamas notar til að kaupa vopn? Hverjir sjá Hamas fyrir þessum vopnum? Vinstri menn ættu að prófa að spyrja Hamas liða að þessu. 

9) Af hverju þeir nota þetta fé ekki í eitthvað annað eins og t.d. mennta lækna í massavís í Gaza og fá þangað fólk í meðferð og skapa þannig tekjur og störf. Aðrar þjóðir gera þetta - hví ekki Palestínumenn? Sveinn Rúnar gæti þá unnið þar í sjálfboðavinnu ef honum sýnist svo.

Gyðingar hafa alltaf verið fjölmennir í Mið-Austurlöndum og raunar meirihluti íbúa Jerúsalem í yfir 100 ár. Tilkall Araba til þessa lands er bara uppspuni, uppspuni byggður á hatri.

Er ekki kominn tími til að vinstri menn opni augun? Hamas hatar ykkur líka!!

[Ómar Ragnarsson, 21.11.2012 kl. 21:30]

Sú ábending er rétt að orðalagið "..fóru með hernað á hendur Ísraelsmönnum 1967.." er umdeilanlegt því að á undan Sex daga stríðinu stigmagnaðist spennan á milli Ísraels og nágrannaþjóðanna sífellt með aðgerðum sem að lokum leiddi til átakanna.

Af hálfu Arabaþjóðanna réði miklu að þeim sveið hrakleg útreiðin 1948.

Eftir hraklega útreið að nýju 1967 sá Nasser, að eini möguleikinn fyrir sigri var að koma Ísraelsmönnum á óvart á helsta hátíðisdegi þeirra, Yom Kippur.

Það gerðist 1973 og eftir að það stríð vannst ekki heldur greip Sadat til þess ráðs að semja við Ísraelsmenn og hefur sá friður haldist.

Friðarskilmálarnir voru það gulltryggðir af Egypta hálfu, að Ísraelsmenn gáfu eftir Sínaískagann.

Héðan af getur eini friðurinn, sem hugsanlega helst, verið á svipuðum nótum.

En þá þurfa báðir aðilar að gefa eftir svo að sams konar tryggt ástand komist á milli tveggja sjálfstæðra ríkja, Palestínu og Ísraels, og komst á milli Egyptalands og Ísraels.

En hefndarhugur, heift og hatur hafa hins vegar aukist svo mjög með tímanum að það yrði kraftaverk ef virkur friður kæmist á.  

[Halldór Carlsson (IP-tala skráð) 21.11.2012 kl. 22:28]

Helgi:

fjarri mér að vilja verja steinaldarvillimennsku Hamas

(sem engu að síður hljóta að skoðast sem afleiðing umsáturs frekar en orsök þess, en af því þú minnist á ,,að Hamas kinnroðalaust brjóti alþjóðalög og nota óbreytta borgara sem mannlega skyldi?!" :

http://futurefastforward.com/component/content/article/906-misc/823-the-day-israel-used-a-boy-aged-13-as-a-human-shield

[S.H (IP-tala skráð) 22.11.2012 kl. 20:26]

Tack Hörður Þormar för ett kunnigt och mycket välskrivet inlägg..den lätt ironiska touchen inte att förglömma:)

Till Omars artikel tänker jag återkomma; måhända blir det i ett annat sammanhang.

[Helgi (IP-tala skráð) 23.11.2012 kl. 13:07]

@nr 8:

Ég veit hvað þú ert að tala um, sú staða hefur komið upp að ísraelskir hermenn noti palestínumenn sem skyldi. Þegar slíkt kemur upp eru þau mál rannsökuð og hermenn áminntir fyrir. Slíkt er ekki stefna hjá ísraelsher eða ísraelsríki, þess vegna er ekki hægt að bera þetta saman við það sem Hamas gerir. Hjá Hamas er þetta stefna og Hamas brýtur kerfisbundið alþjóðalög en vinstri menn snúa alltaf blinda auganu að því. Það er því ákaflega erfitt að bera virðingu fyrir skoðunum vinstri manna enda velja þeir úr atriði sem henta sínum hugarheimi þó hann sé í hrópandi mótsögn við veruleikann.

Það var engin herkví umhverfis Gaza fyrr en Hamas rændi þar völdum og fór að nota svæðið sem miðstöð árása á Ísrael. Kynntu þér málin. Athugasemd mín að ofan stendur.

Svo er það bláköld staðreynd að þessi herkví er misskilin á Vesturlöndum. Ísraelsmenn hleypa matvælum og lyfjum, svo nokkur dæmi séu tekinn, inn á Gaza svæðið. Þeir sjá þeim einnig fyrir rafmagni og selja þeim matvæli - sem Hamas er nú að reyna að banna kaupmönnum á Gaza að kaupa.

Vinstri menn eru leiksoppar þessara samtaka og láta blekkja sig.