Mjallhvít og dvergarnir sjö ?

Þegar ævintýrið Mjallhvít og dvergarnir sjö varð til var fátækur almúginn yfirleitt fólk, sem var útitekið og sólbrúnt af stritinu útivið en aðalsfólkið frekar ljósleitt, af því að það var meira innandyra.

Þess var líklega ekki tilviljun að Mjallhvít var mjallhvít í ævintýrinu, því að það var toppurinn á tilverunni og tákn um velgengni og auð að vera ljós á hörund.

Nú er öldin önnur. Í borgunum vinna flestir innandyra og það er merki um velgengni að vera sólbrúnn og sællegur eins og það er kallað. ´

Mér datt því í hug að á okkar dögum myndi ævintýrið heita Sólbrún og dvergarnir sjö.

En konan mín segir mér raunar að hjá stórstjörnunum, söngkonum, kvikmyndadisum og fyrirsætum sé það tíska að þær séu hvítar og mikið málaðar.

Athugasemdir

[Þorsteinn Briem, 24.11.2012 kl. 13:37]

Mórinn Davíð mjallahvítur,
á myndum er sem hundaskítur,
aldrei sekkur, ætíð flýtur,
út'í Móum boðorð brýtur.

[Strowser (IP-tala skráð) 24.11.2012 kl. 15:38]

Góðir saman.

[Ericson (IP-tala skráð) 24.11.2012 kl. 15:41]

Merkilegt hvað ómerkilegheitin rata saman í eina kjaftaforáttu.