"...og stöðu að öðru leyti."

Ákvæðið í nýrri stjórnarskrá varðandi mannréttindi, þar sem er upptalning á eftir orðunum "..svo sem..." var, er og verður umdeilanlegt, allt frá þeirri skoðun að ekki eigi að nefna neitt eitt atriði mismununar til þess að nefna fleiri atriði en nefnd eru.

Þess má geta að í bandarísku stjórnarskránni var ekkert sérstakt atriði nefnt varðandi jafnrétti eða mismunun en þrátt fyrir það viðgekkst þrælahald þar í 80 ár.

Í ljósi þessa er farin sú leið í mannréttindasáttmála Sameinuðu þjóðanna og flestum stjórnarskrám að telja upp helstu atriði mismununar sem dæmi um þau svið þar sem pottur hefur reynst helst brotinn áratugum og jafnvel öldum saman.

Á undan fara orðin "...njóta mannréttinda án mismununar, svo sem..." þar sem síðustu orðin "svo sem" gefa til kynna að upptalningin sé ekki tæmandi.

Viðurkennt var í umræðunum að út af fyrir sig drægi það úr þunga upptalinna atriða hvers um sig, eftir því sem fleiri væru nefnd og yki líkurnar á því að þynna ákvæðið út.

Það gefur til kynna hve mikið matsatriði það er, hve margt eigi að telja upp, að aðeins einu atkvæði munaði í stjórnlagaráði að orðið "kynvitund", sem táknar svonefnt "transfólk" yrði í upptalningunni.

Ég var einn þeirra, sem vildi samþykkja það, ekki aðeins vegna þess að fleira fólk væri þessu marki brennt en marga grunaði, heldur vegna þess hvers eðlis hlutskipti þess væri.  

Upptalningin í upphafi mannréttindakaflans endar á orðunum "...og stöðu að öðru leyti" sem ætlað er að ná yfir öll atriði mismununar.

Gallinn við það að nefna holdafar er sá, að um getur verið að ræða fleiri líkamleg atriði, svo sem hæð, vöxt og útlit sem ekki felast í upptalningunni.

Ég hefði helst fallist á að bæta við orðinu "...líkamsgerðar..." inn í upptalninguna á eftir orðinu "..arfgerðar,.." ef málaleitan Samtaka um líkamsvirðingu" hefði sent inn tilmæli sín þá.  

Í því fælist hæð, vöxtur, útlit og holdafar á alla lund.    

Vilja holdafar í stjórnarskrá

Athugasemdir

[Sigurður Kristján Hjaltested (IP-tala skráð) 29.11.2012 kl. 20:42]

En þegar vöxtur og holdafar er farið að verða til þess að aðrir

þurfi að líða fyrir ástand á viðkomandi, eiga þeir bara að samþykkja

það hljóðalaust, og þá er ég að tala sem farþegi í millilandaflug, sem

ekki getur hreyfti sig til eða frá vegna þess farþega sem ætti að 

taka tvö sæti......???

Hefur þessi farþegi, vegna ástands sem hann skapaði sér sjálfur,

allt í einu meiri rétt en  ég sem venjulegur farþegi..??

Þú veist það eins og ég Ómar, sem flugmenn, að það kostar

visst  per kíló að halda flugvélinni á lofti.

Þetta hefur fólk í þyngri kanntinum notið góðs af,

vegna  þess að vigt hefur ekki skipt máli. 

Eigum við ekki að binda það í stjórnarskrá að allir sem ferðast

flugleiðis eigi að nota  lágmark 20 kg í farangur...???

Eða eigum við að setja í stjórnarskrá að allir undir

70 kílóum, án ferðatösku ferðist frítt..????

Hversu bilað getum við gengið í nýrri  stjórnarskrá...???????

Hvar eru mannréttindin..???

Eru þau hjá þeim sem kaupa þjónustuna, eða hjá þeim sem

 ganga að því vísu að fá hana frítt...???

 Ef mannréttindin eru svo, að þau halli á hvern sem er,

skiptir þá máli þessi nýja stjórnarskrá..?

Stjórnarskráin á að vera fyrir fólkið í landinu, einföld og 

skiljanleg á íslensku þannig að fólkið í landinu get sagt

sína skoðun án þess að verða ritskoðað af 4flokknum.

  öl s

[Ómar Ragnarsson, 29.11.2012 kl. 23:37]

Það er alger misskilningur ef menn halda að fólkið, sem telst til hópanna, sem taldir eru upp, eigi að nota meiri réttinda en aðrir. Allir hljóta að sjá að ákvæðið lýtur að því að þessir hópar séu ekki beittir misrétti.

Holdafar getur verið í hina áttina, að vera renglulegur og þurfa að verða fyrir aðkasti þess vegna. Ég tala nú ekki um að vera mjög hokinn eða lágur vexti.

Það geta líka verið fyrir hendi fordómar sem rista dýpra en góðlátlegt grín. Allir kannast við ljósku-brandarana.

Þess vegna myndi ég ekki einskorða þennan hóp við holdafar, heldur nota heildarheitið "líkamsgerð."