"...Og þegar Íslendingar arka´á suðurpólinn..."

Afrek Vilborgar Örnu Gissuarardóttur verður lengi í minnum haft, ekki bara vegna þess að hún er fyrsta íslenska konan sem vinnur þessa hetjudáð, heldur líka fyrsti Íslendingurinn sem gengur þetta ein síns liðs.

Þetta hleypir nýju lífi í lagið "Þá eru að koma jól", sem ég syng á skemmtunum yfir jól og nýjár, og fjallar um helstu teikn þess að jólin séu að komja, en miðhluti lagsins er svona: 

       

      ....Og þegar Íslendingar arka´á suðurpólinn

          þá er það óhugsandi nema fyrir jólin.

          Og þegar lokaður er loksins barnaskólinn

          og lausir kennarnir eru að koma jólin.

          Og er af rónunum þeir rýma Arnarhólinn

          má reikna með því að þá eru´að koma jólln.

          Á nektarstað ef engir fara´að fjörga tólin

          er það fullvíst, að þá eru´að koma jólin.

 

Og þegar leikið er að jólabarnið lagt sé í jötu

þá loksins koma jól. 

Og alltaf þegar Bubbi kóngur er að gefa´út plötu

þá eru´að koma jól. 

Þegar jólaauglýsingar eru orðnar alger pína

þá eru´að koma jól. 

Og þegar öllum verður mál að gefa´út ævisögu sína

þá eru´að koma jól...."

 

      Til hamingju, Vilborg Arna og Íslendingar með þetta glæsilega afrek sem lífgar upp skammdegið!

Vilborg komin á suðurpólinn

Athugasemdir

[Þorsteinn Briem, 18.1.2013 kl. 05:30]

Vilborg hún er kjarnakona,
komst á Suðurpól sóló,
ekki gat hann Ómar svona,
át of mikið Prins Póló.

[Jósef Smári Ásmundsson, 18.1.2013 kl. 06:05]

Ekki dugar þú minn drengur

deigan varla hreyfir lim

Þótt hann þykist endast lengur

Þá lekur niður Steini Briem

[Þorsteinn Briem, 18.1.2013 kl. 06:35]

Jósef rindill ríður húsum,
ræður ei við sköndul sinn,
fólið ræðst með flötum lúsum,
á forsetann og hundinn minn.

[Jósef Smári Ásmundsson, 18.1.2013 kl. 14:55]

HE HE.Asskoti ertu klámfenginn Steini.Það er erfitt að toppa þetta.

Meðan brimið holar steininn

og Sifjar Friðleifs mótorhjól

Nuddar hana þá mun sveininn

Steina ekki rísa tól.