Til að auðvelda nýja Sjalla-Framsóknarstjórn ?

Það er rétt hjá Framsóknarmönnum, að eins og spilast úr skoðanakönnunum um þessar mundir er langlíklegast að stjórnarmynstrið breytist eftir kosningar. 

Og ef Framsóknn heldur núverandi fylgi verður hún í lykilstöðu til að mynda ríkisstjórn til hægri og vinstri.

Með því að ná um það "málamiðlun" eins og Framsókn segir nú, að taka aðeins lítinn hluta, jafnvel aðeins einn kafla stjórnarskrárinnar til afgreiðslu nú,, sýnist málið snúa þannig að Framsókn að hún haldi betur en ella öllum leiðum opnum fyrir sig eftir kosningar til að mynda stjórn eftir hentugleikum til hægri eða vinstri.  

Ef stjórnarskrármálið rennur alveg út í sandinn á þinginu nú, þyrfti Framsókn að fara að semja við Sjallana um alla stjórnarskrána eins og hún leggur sig og eiga þá við að etja "djúpstæðan ágreining" eins og Bjarni Ben orðar það eða að "henda beri frumvarpi stjórnlagaráðs í ruslafötuna" eins og heyrist hjá öðrum haukum í Sjálfstæðisflokknum, sem telja afgerandi úrslit þjóðaratkvæðagreiðslu í fyrrahaust engu skipta. 

Ef hins vegar Framsókin telur sig getað aflað sér þess áfanga núna inn í þessa umfjöllun eftir kosningar, að hafa komið einum eða fleiri köflum í gegn í bili, hugsanlega gegn loforði um að þau verði staðfest á eftir kosningar, sýnist hún standa betur að vígi ef hún telur sig þurfa að mynda hægri stjórn.

Eins og ævinlega eru það pólitískir stundarhagsmunir sem vilja ráða för í máli, sem snýst ekki aðeins um einar kosningar eða eina ríkisstjórn, heldur grundvallarlög sem tryggja það að allt vald komi frá þjóðinni. 

Framsóknarflokkurinn má eiga það að hann lagði í raun fram einu raunhæfu tillöguna um gerð nýrrar stjórnarskrár í ársbyrjun 2009 fyrir kosningarnar þá, sem sé þá að með einfaldri stjórnarskrárbreytingu yrði málið tekið af hinu augljóslega vanmegna Alþingi og fært í hendur sérstaks stjórnlagaþings með þjóðaratkvæðagreiðslu í kjölfarið. 

En Sjálfstæðismenn eyðilögðu þetta með málþófi. Þess vegna er það harmsefni hvernig hluti Framsóknar hefur í raun spilað, meðvitað eða ómeðvitað, með Sjöllunum í að tefja málið og eyða því. 

Nú heyrist á Alþingi að komin sé upp svipuð staða og þras á Alþingi um einstök atriði stjórnarskrárinnar og var fyrir 13 árum. Sama staglið um auðlindaákvæðið og þá. Sama staglið og var fyrir kosningarnar 2007. 

Í bæði þessi skipti dagaði málið uppi fyrir bragðið og í næstum 70 ár hefur stjórnarskrármálið ævinlega dagað uppi í meðförum þingsins.

Hvenær ætla menn að læra af þessari 70 ára reynslu? Aldrei? 

 

P. S. Nú síðdegis kemur í ljós að sú leið, sem Framsókn lagði til í þessu máli, náði ekki eyrum þremenninganna sem standa að þeirri "lausn" sem þeir hafa lagt til. Kannski hefur hún ekki hlotið hljómgrunn vegna þess að ekki hefur þótt ástæða til að auðvelda Framsókn sitt forna spil með að vera "opin í báða enda" eins og það var kallað, meðan hún hafði allt frá stofnun til 2007 það uppi í erminni að mynda sterka meirihlutastjórn með Sjálfstæisflokknum.  

 

P. S. nr. 2. Það er margt á sveimi. Farsinn færist í aukana. Sé nú að í tillögu Framsóknar hefði falist að þeir, sem ættu nýtingarrétt á sjávar- og orkuauðlindum fengju um leið ígildi eignarréttar! ÞAuðvelt að mynda stjórn með Sjálfstæðisflokknum með því að ganga lengra en hann í að halda eignarhaldinu á auðlindunum frá þjópinni! Til viðbótar hugmyndinni um að færa klukkuna aftur á árin 2000 og 2007 ! 

 

Leggja fram málamiðlun um auðlindaákvæði

Athugasemdir

[E (IP-tala skráð) 6.3.2013 kl. 14:32]

Það er með hreinum ólíkindum að þingið skuli ætla að leyfa sér að hundsa ákvarðanir og vilja stórs meirihluta þjóðarinnar, sem er búinn að taka afstöðu til þessa nýja frumvarps að stjórnarskrá. Stórs meirihluta segi ég, þeir sem létu sig málið engu varða og komu ekki á kjörstað, skipta hreinlega ekki máli í þessu samhengi, hvorki hér né annarsstaðar í  lýðræðisríkjum skipta þeir máli sem ekki kjósa. Þingið hefur nákvæmlega engan rétt, ekkert leyfi til að hreyfa við stafkrók í frumvarpinu. Um það á að kjósa í kosningum, orðrétt eins og stjórnlagaþing gekk frá því. Það ræður svo úrslitum, hvaða flokkar fá til þess fulltingi þjóðarinnar að fullgilda eða hafna frumvarpinu á næsta þingi. Svo einfalt er þetta.

[Þorsteinn Briem, 6.3.2013 kl. 14:59]

6.3.2013 (í dag):

"Formaður Samfylkingarinnar leggur fram á Alþingi í dag ásamt Katrínu Jakobsdóttur, formanni Vinstri grænna, og Guðmundi Steingrímssyni, formanni Bjartrar framtíðar, frumvarp til breytingar á stjórnarskrá sem heimilar stjórnarskrárbreytingar á næsta kjörtímabili og tillögu til þingsályktunar um að heildarendurskoðun stjórnarskrárinnar á grundvelli tillagna stjórnlagaráðs verði lokið á 70 ára afmæli lýðveldisins árið 2014.

Þetta kemur fram í tilkynningu frá Samfylkingunni en þar segir að formenn Framsóknarflokks og Sjálfstæðisflokks hafa verið upplýstir um þennan tillöguflutning.

Vonir standa til að unnt verði að mæla fyrir báðum málunum í dag og koma þeim til nefndar.

Með þessu er hafið það ferli sem formaður Samfylkingarinnar hefur talað fyrir til að tryggja að þjóðarvilji um stjórnarskrárbreytingar verði virtur og því forðað að fyrirliggjandi frumvarp til stjórnskipunarlaga dagi uppi á þingi, eins og stefnir í að óbreyttu.

Með þessu yrði unnt að tryggja að efni þess frumvarps sem nú liggur fyrir verði áfram til meðferðar á nýju þingi og komist til endanlegrar ákvörðunar þjóðarinnar.

Samfylkingin leggur jafnframt ríka áherslu á að fyrir þinglok verði afgreidd ákvæði um þjóðareign á auðlindum og þjóðaratkvæðagreiðslur. Unnið verður sérstaklega að því að tryggja þau ákvæði á næstu dögum."