Minnisvarði í Gjástykki ? Hlægilegir "geimórar!"

Ef einhver hefði spáð því 1953 að hugmyndir yrðu uppi um það á Íslandi eftir 60 ár að reisa minnisvarða um veru fyrstu tunglfaranna í Öskju árið 1967, hefði sá sem þessu spáði verið talinn fullkomlega genginn af göflunum, svo fjarlægt og fjarstæðukennt þótti þetta þá.

1953 þótti það fráleitt að aðeins fjórum árum síðar yrði fyrsta gervitunglið sent á loft til að fara umhverfis jörðina. Nokkrir sérvitringar með ástríðufullan áhuga pg þekkingu á geimnum héldu því að vísu fram að maðurinn myndi í framtíðinni fara í geimferðir, en yfirleitt ypptu flestir öxlum og fundu upp nýyrðið "geimórar" um fráleitar hugmyndir.

Nýyrðið var síðar notað um þá fáránlegu hugmynd að það yrði atvinnugrein á Íslandi að sigla með tugþúsundur erlendra ferðamanna til að skoða hvali. Nú, eða að selja aðgang að norðurljósunum.

Ef ég spái því nú að eftir 60 ár verði reistur minnisvarði í Gjástykki um veru fyrstu marsfaranna þar égar þeir voru að æfa sig fyrir geimferðir sínar verð ég talinn fullkomlega genginn af göflunum. Auðvitað verður aldrei farið til mars og því síður verðu reistur minnisvarði í Gjástykki um eitt eða neitt.  

Vísbendingar um vatn á Mars

Athugasemdir

[Þorsteinn Briem, 14.3.2013 kl. 14:09]

Tíkin Laika tókst á loft,
tunglið sá nú betur,
þar er Davíð Oddsson oft,
á þar sveitasetur.

[Jón Logi (IP-tala skráð) 14.3.2013 kl. 15:06]

Sveitasetur Oddson á
lækur létt þar tifar
Steina sveittum heila á
engu rímið bifar

[Guðjón Sigþór Jensson, 14.3.2013 kl. 18:22]

Voru tunglferðirnar sviðsettar? Af hverju má sjá birtu koma úr tveim ólíkum áttum á einni myndinni sem átti að hafa verið tekin á tunglinu sumarið 1969. Sagt var að nokkrar ferðir hafi verið farnar næstu misseri en síðustu 40 árin hafa engar spurnir verið af slíkum ferðum. Er þetta meiri áhætta og kostnaðarmeira en 1969? Hefur tækninni farið aftur jafnvel gleymst?

Margt er einkennilegt við þessar tunglferðir sem sagnir eru um að kvikmyndaleikstjórinn Steven Spielberg hafi átt veg og vanda af á tímum Nixon stjórnarinnar. Sá forseti var ekki allur þar sem hann var séður, sveifst einskis í blekkingum og undirferlum. Að lokum hrökklaðist hann úr embætti eftir Watergeithneykslið.

Því miður er tími blekkinga ekki liðinn.

Góðar stundir.

[Þorsteinn Briem, 14.3.2013 kl. 18:53]

"Sex Apollo-geimför lentu á tunglinu milli 1969 og 1972 og samanlagt söfnuðu geimfararnir 382 kg af tunglgrjóti, jarðvegi og öðrum sýnum af tunglinu.

Sýni voru tekin á sex mismunandi rannsóknarsvæðum.

Þar að auki sneru þrjú ómönnuð sovésk geimför til jarðar með um 300 grömm af sýnum frá þremur stöðum á tunglinu."

[Þorsteinn Briem, 14.3.2013 kl. 18:56]

Stjörnufræðivefurinn: Apollo 11.

[Þorsteinn Briem, 14.3.2013 kl. 18:58]

The 1969 NASA Computer that Brought Man to the Moon