Hálfdrættingur á við Ólaf Ragnar.

Forseti Íslands hefur nú eignast þjáningarbróður varðandi það að falla af hestbaki og glíma við afleiðingar byltunnar. Þetta er forseti Túrkmenistan. Hann er þó ennþá aðeins hálfdrættingur á við okkar forseta.

Og forseti Túrkmenistan á enga möguleika á að gera þetta á jafn táknrænan hátt og okkar forseti hvað varðar möguleika á orðalagi. 

Í íslensku er nefnilega talað um að valdamen "axli ábyrgð" og það má leika sér með það orðalag. Og í slíkum orðaleik hefur enginn "axlað" ábyrgð í svipuðum mæli og Ólafur Ragnar, nefnilega tvisvar, og meira að segja í bæði skiptin á sömu öxlinni. 

Forsetinn féll af hestbaki

Athugasemdir

[Þorsteinn Briem, 30.4.2013 kl. 19:50]

Þyngra er en tárum taki,
tvisvar Óli datt af baki,
yfir honum englar vaki,
í öllu hjónarúmsins skaki.

[Bjarni Gunnlaugur (IP-tala skráð) 30.4.2013 kl. 22:20]

Hann var heppinn að drepa sig ekki á þessu karlinn eða lamast t.d. við það að hausinn böglaðist undir.  Það að hann magalendir svona getur hafa bjargað því, en trúlega smá tannlæknastúss í kjölfarið.  Situr áberandi(fram-) þungt og slyttingslega og hefur því mögulega fipað hestinn svona. Bestu knapar íslenskir eru yfirleitt í fanta formi líkamlega!

Karlinn hefur áreiðanlega fengið í það minnsta, svakalegar harðsperrur! (Er náttúrulega að tala um túrkmenann en ekki Ólaf)

[Njörður Helgason, 1.5.2013 kl. 11:03]

Mynd ársins var sú sem Gunnar Valberg tók af tárinu.

[Haukur Kristinsson (IP-tala skráð) 1.5.2013 kl. 15:38]

Góður Steini, góður.

Til hamingju með daginn.