Er ruslflokkurinn þá bara misskilningur?

Í tíufréttum í kvöld var greint frá því að lánshæfi Alcoa sé komið niður í ruslflokk og að ástæðan sé taprekstur fyrirtækisins vegna offramboðs og verðlækkunar.

Í lok ráðstefnu Ísorku kom fram að orkuverðið hjá okkur sé um 20 mills en framleiðslukostnaður okkar 40 mills og því drjúgt tap þar líka. 

Svo er hins vegar að sjá af hamagangi Samáls og annarra, sem nú hafa heldur betur tekið við sér, að allt sé í himnalagi og neikvæðar fréttir af Alcoa séu byggðar á "misskilningi og rangfærslum", þannig að Guðbjört Gylfadóttir og hennar persóna sé orðið aðalatriðið í þessu máli.

Kostulegt að sjá þetta!    

„Fara í manninn en ekki málefnið“

Athugasemdir

[Hilmar (IP-tala skráð) 30.5.2013 kl. 01:22]

Það borgar sig ekki að reka atvinnustarfsemi í Grikklandi, af því að landið er í ruslflokki. Því er eðlilegt að loka öllu fyrirtækjum, jafnvel þeim sem rekin eru með hagnaði, af því að meðalkúrfan segir að þetta gangi ekki.

Sama á við um Ísland, við erum eiginlega enn í ruslflokki. Sem segir okkur, að hér sé allt dauðadæmt og við skulum bara gefast upp. Hugsanlega er það ástæðan fyrir því að framsýnt fólk vill í ESB, og treysta á félagslega framfærslu frá Brussel.

Ómar Ragnarsson hefur ekki rassgatsvit á rekstri Alcoa á Íslandi, og miðað við Bloomberg starfsmanninn menntaða, þá hefur hann það heldur ekki. Rekstur Alcoa á Íslandi getur verið i blóma þó svo að tap sé á öðrum álverum annars staðar.

Að meðaltali hefur fimm áverum verið lokað árlega í Evrópu, síðustu 10 árin eða svo. Ástæðan er að mestu mjög óhagstætt raforkuverð í álfu sem á í sífellt meiri erfiðleikum að vinna rafmagn fyrir alla. Framleiðslan hefur flust m.a. til Arabískagans, þar sem orkan er framleidd með olíu og seld á um 20-25 mills, og til Kína, þar sem rafmagnið er m.a. framleitt með kolum og orkan seld á eitthvað hærra verði en á Arabíuskaganum.

Og af hverju dreg ég þá ályktun að Ómar og Guðbjörg hafi ekkert vit á rekstarafkokmu álvera á Íslandi? Jú, vegna þess að hér vilja þau reka starfsemi, fjárfesta og greiða laun og skatta.

Ég er þess alveg fullviss um, að ef álver á Íslandi lenda í rekstrarerfiðleikum, þá komi þau til með að leita fjármála- og rekstrarráðgjafar frá Ómari og Guðbjörgu, en þangað til, ætli sé bara ekki best að eftirláta þessum félögum að reka sín viðskipti, á sinn hátt, eins og þau hafa gert hjálparlaust frá þeim tveim, síðustu áratugi.

[Sigurður Sunnanvindur (IP-tala skráð) 30.5.2013 kl. 01:43]

Skemmtilegt innslag Hilmar.

Rekstur nýlegra álvera á Íslandi getur einmitt verið ljómandi blómlegur vegna þess að þau greiða mun lægra raforkuverð en önnur jafngömul álver í heiminum.

Það er hisvegar tæpast keppikefli fyrir Ísland að selja meiri raforku á þessum afarkjörum

Það er líka rétt að hér hafa álverin viljað "reka starfsemi, fjárfesta og greiða laun og skatta."

-Reyndar stenst þetta ekki með skattana. -Álverin eru rekin með eigið fé uppá e-h pilsnerprósent og eru ofurskuldsett móðurfyrirtækjunum, bera gríðarlegan vaxtakostnað og borga því einungis málamyndaskatta.

[Nemo (IP-tala skráð) 30.5.2013 kl. 01:59]

Gríðarlegu magni endurvinnanlegs áls er fleygt á ruslahauga á hverjum degi sem auðveldlega væri hægt að endurvinna fyrir 5% þeirrar orku sem að tekur að frumvinna það. Meira að segja áróðurssíður áliðnaðarins viðurkenna það: http://wasteportal.net/en/system-aspects/environmental-and-health-aspects/aluminium-waste . Slík endurvinnsla væri væntanlega jafn arðbær og þyrfti 95% minni orku. Það eru 20 álendurvinnsluver á eina Kárahnjúkavirkjun með tuttugufallt afkastamagn á við álverið á Reyðarfirði. Með innfluttningi á dósum, fartölvuskeljum og öðrum álafgöngum (sem nóg er af!) auk þess magns sem íslendingar skilja eftir sig, mætti í stað báxíts, sem skilur eftir sig auðnir af rauðri drullu (http://en.wikipedia.org/wiki/Red_mud), græða miklu meiri pening fyrir miklu minni útgjöld ríkissjóðs. Og það þyrfti ekki einu sinni að virkja meira!  Ómar og Guðbjörg gætu meira að segja fengið að njóta þess vafa hvort þau hafi vit á rekstrarafkomu álvera eða ekki.

[Hilmar (IP-tala skráð) 30.5.2013 kl. 06:04]

Jamm Sigurður að sunnan, auðvitað þarftu ekki að vera öðruvísi en aðrir rangnefndir umhverfisverndarmenn, og láta ekki staðreyndir rugla þig í Rímíni.

Álver borguðu fimm miljarða í skatta í fyrra, sem er alveg öldungis ágæt búbót í fátækan ríkissjóð. Það dugar fyrir slatta af lyfjum, sem álverslaust Grikkland hefur ekki efni á.

Álver á Íslandi greiða minna raforku en í annars staðar í Evrópu. Sem segir okkur ekki neitt, af því að það er nánast enginn álvinnsla í Evrópu, vegna þess að það er ekki til orka fyrir þau.

En greiða álver á Íslandi virkilega lægra verð fyrir orku en jafngömul álver annars staðar?

Sjáum til, álver á Íslandi greiða þetta í kringum 60 mills, jafngömul álver á Arabíuskaga greiða í kringum 20 mills og 40-55 mills í Kína.

Og það sem meira er, rafmagnssala til álvera malar gull í okkar sjóði. Við eigum frábært fyrirtæki í Landsvirkjun, sem væri nú aldeilis ekki svona frábært ef það væri ekki að selja orku til álvera.

Um OR er víst best að ræða sem minnst, þetta skilgetna afkvæmi vinstriflokkanna í borgarstjórn er vitaskuld ónýtt fyrirtæki. Það hefur ekkert með ál að gera, meira með fábjána sem fannst sniðugt að eyðileggja skuldlaus veitukerfi Reykjavíkurborgar með glæsibyggingum, rækjusalati, ljósleipurum og öðrum idjótaverkefnum.

Og þá eru það launin á álverum, þið rangnefndir umhverfisverndarmenn viljið helst ekki tala um launin, en álver á Íslandi greiða að meðaltali 600 þús kr á mánuði í laun, með tilheyrandi útsvari og tekjuskatti í sameiginlegan rekstur. Dágóð laun, ekki satt?

Sem betur fer höfum við þessi ágætu álver hér, og þessa rforkuvinnslu. Fljótlega verður komið eitt nýtt í safnið, með tilheyrandi rafmagsnframleiðslu, tilheyrandi sköttum, tilheyrandi atvinnu og tilheyrandi útflutningstekjum. Allt sem við þurfum þessa stundina, enda eyddum við fjórum árum í aula sem boðuðu "eitthvað annað" og komu ekki upp með neitt nema atvinnu í Noregi og 5000 störf hjá Vinnumálastofnun.

Og svona í lokin, fyrir rangnefnda umhverfisverndarmenn, þá eru nýju álverin í Kína og Arabíuskaga, sem rísa í stað þeirra sem lokað er í Evrópu, alveg hræðilega umhverfismengandi, með rafmagn unnið úr olíu og kolum.

Álvinnsla á Íslandi, unnin með endurnýjanlegri og hreinni orku, stuðlar að umhverfisvernd á alþjóðavísu. Aldeilis ágætt að við skulum hafa raunverulega aðstöðu til að hafa áhrif alþjóðlega.

Ofangreint er kannski ástæða þess, að Steingrímur J, fyrrverandi æstistrumpur rangnefndra umhverfisverndarmanna, setti 3 miljarða í væntanlegt Bakkaálver.

[Haukur Kristinsson (IP-tala skráð) 30.5.2013 kl. 08:28]

Framsjallar eru ekki aðeins skelfilega afturhaldssamur, heldur er framtakssemi þeirra og sköpunargáfa Zero. Þeim dettur sko ekkert í hug annað en þægilegt innandyra djobb hjá ríki og bæ, með 3 kaffitímum, minimum.

Einnig hallærislegur pilsfalds kapítalismi og álramleiðsla á vegum útlendinga. Flytja þarf allt inn sem til þarf; súrálinn, kolin, krýólítið, jafnvel mannskapinn til að hræra í 1200 gráða heitum kerum. Minnir á hallærislegan landbúnað,  t.d. kjúklingaræktina, þar sem allt er innflutt; dýrin, fóður, búrin og einnig starfsfólkið. Framsjallar neita að vinna slík störf, vilja frekar vera ómagar á ríkinu.

Rannsóknir eða nýsköpun þekkja þeir ekki, tekur of langan tíma, engin þolinmæði í slíkt. Enda menntun þeirra, ef nokkur, lögfræði. Það er helst í heildsölu sem þeir spjara sig, flytja inn drasl, brúttó mínus néttó; græða, græða og grilla.

[Sigurður Sunnanvindur (IP-tala skráð) 30.5.2013 kl. 08:55]

Hilmar, -álver á Íslandi greiða ekki 60 mills fyrir raforkuna!

Þau greiða rúm 20 mills fyrir raforkuna, eða tæpar 3 kr á kílóvattstund,

60 mills er ígildi 7.50 kr/KWh sem er hærra en orkuverð til heimila.

Orkuverð Orkusölunnar til heimilisnota er nú 6.24 kr/KWh sem er ígildi 50 mills.

Reyndu að fara með rétt mál og sleppa skítkastinu.

[Hilmar (IP-tala skráð) 30.5.2013 kl. 09:45]

Er sunnanrok í kollinum á þér Sigurður, hvað skítkast?

Að þú og fleiri séuð rangnefndir umhverfisverndarsinnar?

Staðreyndirnar blasa bara við, ykkur varðar nefnilega nákvæmlega ekkert um mengandi áliðnað annars staðar, sem hægt er að draga úr með umhvefisvænni orku á Íslandi.

Og varðandi raforkuverðið, þá þurfaný álver að borga 50-60 mills, og verður örugglega 60 mills þegar samningar verða undirritaðir. Rafmagn til heimilisnota er um 110 mills eins og stendur, með dreifingu, en málið er að heimili borga í krónur, ekki dollurum, þannig að krónuverð er irrelevant, tekjur og gjöld LV vegna álversraforku er í dollurum. Sem dæmi þá voru 60 mills 3,7 krónur fyrir um 6 árum. Þá var tonnið af áli (á föstu verði) kr 125.000 en er nú 240.000

20 mills fullyrðingin þín er bara brandari.

Þá frábið ég mér athugasemdir um sannleiksgildi upplýsinga frá manni sem kastar fram glórulausum fullyrðingum um hærra raforkuverð til nýrra álvera annars staðar, og að álfyrirtæki á Íslandi greiði ekki skatta. Ég frábið mér þær, þar til þú hefur lært að hætta að ljúga.

Staðreyndir málsins eru þessar, við fáum gott verð fyrir raforku til álvera, við erum með lægsta verð á rafmagni til heimilis og iðnaðarnota í Evrópu, og þó víðar væri leitað. Við erum með öflugt orkufyrirtæki, sem varð þetta öflugt og glæsilegt vegna sölu til stóriðnaðar, og það er ein ástæða lágs orkuverðs til heimilisnota og hversu trygg afhending orku er.

Landsvirkjun verður enn glæsilegra og sterkara eftir næstu virkjanir og næsta álver. Nema náttúrulega að þið hin komið með "eitthvað annað"

[Sigurður Sunnanvindur (IP-tala skráð) 30.5.2013 kl. 10:09]

Orkuverð landsvirkjunar til stóriðju á árunum 2006 til 20012 er á bilinu 19 til 30 mills, reiknað sem meðalverð hvers árs fyrir sig. Sveiflurnar ráðast fyrst og fremst af heimsmarkaðsverði á áli. Þessar tölur hafa margoft komið fram hjá Landsvirkjun.

Hilmar, -reyndu nú að finna þessu 60 mills verði einhvern samastað í raunveruleikanum.

Raforkuverðið sem ég gaf upp frá orkusölunni er sótt beint á heimasíu Orkusölunnar 6.24Kr/KWh eða 50 mills. Þegar þú talar um 110 mills til almennings þá er það verðið með flutnings og dreifikostnaði. Eðlilegri samanburður við verð á stóriðjurafmagni er að líta einungis á orkuverðið sjálft.

Ég er viss um það að lesendur þessarar síðu hans Ómars bíða spenntir eftir að þú komið með heimild um orkuverð álveranna sé 60 mills.

-Landsvirkjun gæti greitt upp allar sínar skuldir ef þeim biðist að senda bakreikning fyrir það sem vantað hefur uppá 60 mills undanfarin ár!

[Hilmar (IP-tala skráð) 30.5.2013 kl. 12:00]

Verð til almennings er um 110 mills. Það skiptir notandann nákvæmlega engu máli (þannig lagað séð) þó reikningurinn sé sundurliðaður í orku og dreifingu. Verðið verður það sama. Nenni ekki að fara í nánari útskýringar, en stóra málið er að dreifingarkostnaðarliðurinn er hafður hærri til að takmarka raunverulega samkeppni.

Það er því hrein steypa að ætla að bera saman raforkuverð til heimila/stóriðju með því að kippa út dreifingunni, þar með ertu að kippa út helmingi raunverulegs verðs, sem sannarlega er greitt fyrir vöruna. Nema náttúrulega að þú hafir einhver ráð, sem við hin höfum ekki. Kaupir þú nokkuð rafmagn í fötu, og labbar með heim?

Ný álver þurfa að greiða mun hærra verð fyrir raforku en þau sem gerðu samninga áður. Nýtt álver á Bakka eða Helguvík ÞARF að greiða hærra verð en Alcoa og Alcan. Raforkuverð er lægst um 30 mills og nýrri álverin eru að greiða 35-40 mills m/aukasköttum.

Nýjustu samningar um stórnotkun, s.s. við Verne Holding kveður á um 45 mills.

Þú ættir nú að vita það, ef þú veist eitthvað, að raforkuverð hefur hækkað umtalsvert undanfarinn rúman áratug, í þessum bransa sem öðrum, og hvert nýtt álver hefur greitt töluvert hærra verð en það sem á undan var.

Annars skil ég ekkert í þér, þú hefðir getað farið alla leið aftur til ársins 1969 og borið saman gildandi verð þess tíma, fyrst þú ert í því að afbaka raunveruleikann. Þá fengir þú nú aldeilis eitthvaðí hendur til að nota í tárvotar lýsingar.

Annars væri nú aldeilis fínt ef þú gætir skotið inn upplýsingum um verð á raforku til þessara nýju álvera, það hlýtur að vera búið að ganga frá samningum ef þú fullyrðir að verðið verði 20-25 mills. Við bíðum spennt.

E.s.

Athyglisvert að þú treystir þér ekki enn til þess að bakka upp fullyrðingar um að álver borgi ekki skatta, og ekki viltu ræða 3 miljarðana hans Steingríms og launin góðu í álverunum.

Og síst af öllu viltu ræða þá bútbót sem álverin og virkjanirnar hafa verið íslenskum almenningi..

[Hilmar (IP-tala skráð) 30.5.2013 kl. 12:04]

Já, og gerðu okkur þann greiða að vera ekki að reikna verð til álvera í krónum, og ekki í mills til heimila. Við borgum ekki í bandaríkjadölum og álverin ekki í krónum. Getur þó verið að þú borgir í erlendu þegar þú sækir orkuna í fötuna, við hin gerum það ekki.

[Sigurður Sunnanvindur (IP-tala skráð) 30.5.2013 kl. 12:37]

Hilmar, hættu þessu ruggli og reyndu frekar að standa í lappirnar með fullyrðingu þína um að álver á Íslandi greiði 60 mills fyrir raforkuna.

Ég hef ekkert fullyrt um orkuverð til óbyggðra álvera. Engir slíkir samningar hafa verið gerðir og umræða um slíkt því hreint bull.

Orkuverð Landsvirkjunar til stóriðju undanfarin ár er hinsvegar þekkt stærð.

Nýlegir samningar LV við minni notendur (gagnaver) eru á mun hærra verði en eldri álsamningar og hefur LV marglýst því yfir að hagsmunum þess sé betur varið með minni samningum til styttri tíma og á hærra verði en álver borga.

Umræða um orkuflutning og orkudreifingu til almennings er þessari umræðu að mestu óviðkomandi og réttara að fjalla afmarkað um orkuverðið sjálft.

[Sigurgeir Jónsson, 30.5.2013 kl. 13:12]

Ekkert er borgað fyrir þá orku sem rennur í sjó fram óbeisluð.Þetta er fyllilega sambærilegt við það og einhver ætti land sem gæti gefið af sér góða uppskeru en eigandinn teldi betra að láta landið ónýtt og fá ekkert fyrir afnot þess, en að láta þann fá landið til afnota sem hæst byði, þótt eigandinn vildi vissulega fá meira fyrir það.Að láta fallorkuna ónýtta er sama og að henda peningum.

[Þorsteinn Briem, 30.5.2013 kl. 14:00]

30.5.2013 (í dag):

Verð á afurðum stóriðju hér á Íslandi lækkaði nú í apríl um 10,9% - Hagstofa Íslands

[Hilmar (IP-tala skráð) 30.5.2013 kl. 14:02]

Sigurður, þú veist ósköp vel að nýtt álver reist á næstu árum borgar ekki sama verð og þau fyrri. Arðsemismat fyrir nýjum virkjunum er hærra nú en það var áður, jafnvel þó svo að rafmagn til stóriðju skili meiri arðsemi en til annarra nota. *(Linkur neðst í athugasemdinni.)

Síðustu samningar um stórkaup gefa af sér 45 mills, og það er samningur sem gerður er í kreppu. Og þrátt fyrir þá áráttu vinstrimanna að álíta að núverandi ástand sé ævarandi (nema þegar þeir spá enn meiri hörmungum af einhverjum ástæðum) þá kemur að því að eftirspurn og álverð hækki, eins og eftirspurn og verð á fiski á eftir að taka við sér. Verð á rafmagni fylgir í kjölfarið.

Þú fullyrtir að álver á Íslandi borguðu minna fyrir rafmagn en sambærileg erlendis, ég ætla að rukka þig um heimildir fyrir þessu.

Þú fullyrtir að álver á Íslandi borguðu ekki skatta, ég ætla að rukka þig um heimildir fyrir þessu.

Þú fullyrtir að við Íslendingar þyrftum að selja orku á afarkjörum, sem getur ekki þýtt annað en að tap sé á sölunni, ég ætla að rukka þig um heimildir fyrir þessu.

Nú er kominn tími til þess að þú hættir að forðast umræðuna sem hentar þér ekki, svaraðu nú gæskurinn.

SÍ:

http://www.sedlabanki.is/library/Skr%C3%A1arsafn/M%C3%A1lstofur/M%C3%A1lstofa-2012/Mat%20%C3%A1%20ar%C3%B0semi%20orkus%C3%B6lu%20til%20st%C3%B3ri%C3%B0ju.%20%C3%96nnur%20%C3%A1fangask%C3%BDrsla.pdf

[Þorsteinn Briem, 30.5.2013 kl. 14:30]

30.5.2013 (í dag):

"Matsfyrirtækið Moody's hefur fært lánshæfiseinkunn bandaríska álfyrirtækisins Alcoa niður í ruslflokk.

Þetta þýðir að lántökukostnaður Alcoa hækkar og endurfjármögnun verður erfiðari.

Matsfyrirtækin Standard & Poor's og Fitch flokka horfur hjá Alcoa neikvæðar.

Ákvörðunin hefur legið í loftinu og Moody's tilkynnti fyrir áramót að í skoðun væri að setja lánshæfiseinkunn Alcoa í ruslflokk."

"Í greiningu Bank of America og Merrill Lynch kemur fram að hækkandi kostnaður við álframleiðslu og offramboð séu áhyggjuefni.

Mikið af áli sé geymt í vöruhúsum og hækkandi leiguverð geri það að verkum að álframleiðendur gætu neyðst til þess að selja álið á enn lægra verði."

Alcoa hyggst draga úr álframleiðslu

[Kristinn Magnússon (IP-tala skráð) 30.5.2013 kl. 17:23]

Hilmar, á meðan þú kemur ekki fram undir fullu nafni er gríðarlega erfitt að taka mark á því sem þú ert að segja.

[Þorvaldur S (IP-tala skráð) 30.5.2013 kl. 17:53]

http://www.ruv.is/ruv/alverin-koma-ser-hja-skattgreidslum