"...and those, eh, those, eh, other contries..."

Ein af skyldum margra í opinberum embættum er að taka á móti eða hitta aragrúa fólks og segja eitthvað af því tilefni í viðurvist blaðamanna. Af þessu leiðir að stöðluð ummæli verða fljótlega til í starfinu, enda um næg verkefni að ræða þar sem skoða þarf mál og komast að mismunandi niðurstöðum önnur en þau en að segja eitthvað á ótal tilfellum þar sem enginn tími gefst fyrirfram til að búa til eitthvað alveg nýtt.

Hve oft höfum við ekki heyrt ummæli eins og: "Það er mér mikil ánægja...", - "...það er mér mikill heiður..." o. s. frv.

Skemmtileg dönsk samantekt á slíkum ummælunm Barack Obama gefur ágæta mynd af þessu.

Bandaríkjaforseti er að sjálfsögðu engin undantekning í þessu efni, - slikur er gestafjöldi hans og þá er mikils um vert að koma ekki upp um fáfræði, sem oft er afleiðing af tímaskorti.

 Skárra að hafa staðlað skjall á takteinum og eyða tímanum með meiningarlitlu hjali eins og "við höfum átt gagnlegar og áhugaverðar viðræður", -  "rætt helstu mál, sem tengjast sambandi landanna",   o. s. frv.

Ronald Reagan datt stundum í þann pytt að rugla saman raunverulegum viðburðum og atriðum úr kvikmyndum og að vera oft ekki sérlega vel að sér í viðræðum við erlenda gesti.

Þannig rak hann í vörðurnar eitt sinn þegar hann lét orð falla á fundi með íslenskum ráðamann

Hann fór að tala um skerf Íslendinga og Norðurlandaþjóðanna til bandarísks þjóðlífs og menningar og nefndi Ísland, en síðan kom stutt, vandræðaleg þögn og orðið "..eh..." meðan hann var að leita að útgönguleiðinni og sagði eitthvað á þessa leið:   "...Iceland and, eh, and, eh, those other contries" sem sagði að sjálfsögðu ekki nokkurn skapaðan hlut.  

Hann mundi hvorki eftir orðunum  "skandinavian countries" eða "nordic countries".

Það er ekki við því að búast að Bandaríkjaforsetar og aðrir leiðtogar stórþjóða reyti af sér nýja og nýja speki í hvert skipti sem þeir eiga fundi með valdamiklum erlendum gestum.

Ef þeir gerðu það, væri það áhyggjuefni, því að þá væri meiri líkur á því að þeir vanræktu þær mikilvægu skyldur, sem lagðar eru þeim á herðar.  

Obama segir alltaf það sama

Athugasemdir

[Þorsteinn Briem, 7.8.2013 kl. 20:09]

Út'um allt er Óli grís,
ætíð glottið frosið,
í pækli á hann pínlegt SÍS,
af Pútín lærði brosið.

[Austmann,félagasamtök, 9.8.2013 kl. 11:51]

RÚV ætti að taka DR sér til fyrirmyndar.

Já, það breytist ekkert í ræðum Obamas, öll ríki eru afgreidd á sama hátt. Hitt er verra, að lítið annað hefur breytzt frá tímum G.W.Bush, þótt öll kosningabarátta Obamas gekk út á breytingar. Einkabankinn Federal Reserve Bank stjórnar enn bandaríska hagkerfinu, stríðsmaskínan er enn í fullu fjöri og kjör blökkumanna hafa lítið sem ekkert batnað. Lofsöngur þeirra um Obama, sem heyrðist fyrir 5 árum hefur hljóðnað. Kannski er hann bara of hvítur? Róttækur er hann alla vega ekki.

Það eina sem hefur breytzt er að greindarvísitalan í Hvíta húsinu hefur margfaldazt, eða hvað?

[Þorsteinn Briem, 18.8.2013 kl. 23:01]

Atkvæði greidd í forsetakosningunum í Bandaríkjunum árið 2012: