Vopnin snerust í höndum síðar.

Í fróðlegum frönskum sjónvarpsþáttum sem sýndir voru í Sjónvarpinu í fyrra var dregið skýrt fram hvernig olía og yfirráð yfir henni hefur leikið lykilhlutverk í stjórnmálum heimsins í meira en öld.

Þegar hún var annars vegar urðu hástemmdar yfirlýsingar stórveldanna um frelsi og sjálfsákvörðunarrétt þjóða einskis virði.

Í allmörg skipti virtust afskipti stórveldanna heppnast eins og til dæmis það að steypa Mossadeq í Íran og koma Resa Palevi til valda og að koma Ngo Diem Diem til valda í Suður-Vietnam. 

Í bæði skiptin reyndust þetta Phyrrosarsigrar þar sem þeir, sem studdir voru til valda urðu gerspilltir.

Palevi tókst að slá svo mjög ryki í augu Bandaríkjamanna að tímaritið Time var með stóra forsíðugrein um það hvernig Íranskeisari væri að gera land sitt að stórveldi vestræns lýðræðis í þeim heimshluta.

Keisarinn var að lokum kominn með yfirgengilegt stórmennskubrjálæði. Það leiddi til óhjákvæmilegrar byltingar sem kom CIA algerlega á óvart.

Bandaríkjamenn neyddust sjálfir til að steypa Ngo Diem Diem af stóli og töpuðu að lokum Vietnamstyrjöldinni.

Hik Obamastjórnarinnar í málefnum Sýrlands og fleiri ríkja við austanvert Miðjarðarhaf ræðst af því að þrátt fyrir allt hafa menn fyrir framan sig dæmi um misheppnaða íhlutun í málefni fjarlægra landa.   

 

Athugasemdir

[Helgi Armannsson (IP-tala skráð) 20.8.2013 kl. 09:50]

[Þorsteinn Briem, 20.8.2013 kl. 13:39]

16.9.2007:

Alan Greenspan fyrrum seðlabankastjóri Bandaríkjanna: Íraksstríðið snýst aðallega um olíu

[Aðalsteinn Geirsson (IP-tala skráð) 20.8.2013 kl. 16:38]

Eftir á sást hvernig ajatolla Komení lék á gervalla vinstripressuna á vesturlöndum. Hann var foringi útlagastjórnar í París og allir gáfu sér að hann væri lýðræðissinni. Með honum hófst svo því miður vor islamista.

[Ómar Ragnarsson, 20.8.2013 kl. 20:33]

Fidel Castro lék svipaðan leik 1959.