Villandi forsendur.

Hvað eiga Toyota Corolla, Honda Accord, Chevrolet Impala og Volkswagen Golf sameiginlegt?  Jú, þetta eru vörumerki bíla, sem í gegnum tíðina hafa ekki átt neitt sameiginlegt nema nafnið. Corolla byrjaði sem afturdrifsbíll en breyttist í framdrifinn bíl, sem hefur verið framleiddur í mörgum "kynslóðum."

Að leggja saman sölutölur allra þessara ólíku bíla og fá út bílgerð, sem sé meðal þeirra söluhæstu í heiminum segir ekkert um langlífi grunngerðarinnar.

Hinar þrjár bílgerðirnar sem ég nefni hafa líka verið framleiddar í mörgum kynslóðum og Chevrolet Impala 1959 og 2006 eiga ekkert sameiginlegt nema nafnið.

Raunverulega söluhæstu bílgerðirnar eru Volkswagen Bjalla, 21 milljón, Lada Nova/Fiat 124/Topas, 17 miljónir, Ford T, 15 milljónir og Renault 4, 8 milljónir.

10 mest seldu bílar allra tíma

Athugasemdir

[Einar Steinsson, 7.10.2013 kl. 18:28]

Þetta er hárrétt, þó að framleiðandi endurnýti nafnið er klárlega ekki um sama bíl að ræða en það er hinsvegar raunin með bílana sem þú nefndir. Með þeirri aðferðarfræði sem notuð er í greininni hefði Ford getað komið Escort talsvert ofar á listann hefðu þeir ekki skipt út nafninu og farið að kalla bílinn Focus, upprunalegi Escort og nýjasti Focus eiga alveg jafn mikið sameiginlegt og upprunalega Corollan og sú Corolla sem er framleidd í dag.

[Ómar Ragnarsson, 7.10.2013 kl. 20:38]

Og General Motors hefði getað státað af mest selda pallbílnum ef þeir hefðu steypt Chevrolet og GMC í eitt merki, enda aðeins um útlitsatriði að ræða varðandi hin litla mun á þessum pallbílum.