Mismunun enn í gangi.

Mismunun á sjúklingum eftir því hvort um geðrænan  sjúkdóm er að ræða eða "venjulegan" sjúkdóm viðgengst enn hér á landi. Hún kemur enn fram á mörgum sviðum þrátt fyrir fögur orð um annað.

Þess vegna er alþjóðlegi geðheilbrigðisdagurinn svo mikilvægur. Mín litla reynsla af þessum sjúkdómum hefur fengið mig til að draga þá ályktun að það er ekkert meiri skömm að vera eða verða geðsjúkur en að veikjast af öðrum sjúkdómum.

Menn geta yfirleitt ekkert frekar gert að því að verða geðsjúkir en sjúkir af öðrum sjúkdómum.

Um mína litlu reynslu og fleira varðandi geðræna kvilla ætla ég að ræða í ávarpi, sem ég var fenginn til að flytja í Hörpunni klukkan 17:00 í dag.

Bílskúrssala hjá Geðhjálp

Athugasemdir

[Erla Magna Alexandersdóttir, 10.10.2013 kl. 17:41]

Ómar.

 Mig langar að segja þer sögubrot- því þessi er aðeins ein af því stríði sem fólk á í sem er veikt- og það er svo langt  síðan þessi samskiptavandræð hofust á LSH.

 Langlegusjúklingur inntitaður á deild á Landsp. átti að leggast í hvildar og afslöppunarmeðferð eftir langa þrautagöngu  og kominn í  þrot.

 Sendur heim þar sem plássið var ekki laust eins og lofað var. Hringt frá geðdeild- koma strax annars missirðu plássið. Hann tók með ser diskinn með kvöldmatnum og eg ók á ofurhrað niður á geðdeild. Nei plássið farið.

   Við vorum mörgu vön og ætluðum út enn mættum yfirlækni ´a ganginum sem tók hann að ser.

 Hann var sendur heim með leigubíl klukkutíma seinna. Það veit enginn um ruglið á þessu kerfi þarna nema þeir sem þurft hafa að reyna að nota  það.

kv.

[Haukur Kristinsson (IP-tala skráð) 10.10.2013 kl. 19:33]

Gott hjá þér Ómar.

Vona að þú hafir fengið góðar undirtektir.

Kveðja frá Ellada (Peleponnisos).