Hefði verið óráð að hafa hann með.

Í síðari leiknum við Króata veit enginn fyrirfram hvenær það augnablik eða þau augnablik koma þegar verður að vera hægt að treysta á iítrustu getu hvaða leikmanns sem er.

Augljóst var af atvikinu þegar Kolbeinn Sigþórsson tognaði á ökkla þegar hann var undir hámarks álagi að komast í marktækfæri, að ekki yrði hægt að treysta 100% á ökklann í seinni leiknum, - ævinlega yrði tekin einhver áhætta með það.

Það hefði verið mjög óþægilegt fyrir bæði hann og aðra leikmenn að vita af möguleikanum á því að þetta endurtæki sig.

Í svona mikilvægum leik má ekki taka hina minnstu áhættu og hugsanlega hefðu aðrir leikmenn orðið eitthvað ragari við að reyna krefjandi spil með Kolbeini eða að hann sjálfur hefði ekki verið með 100% sjálfstraust, jafnvel þótt ökklinn liti bara ljómandi vel út í upphafi leiks á þriðjudaginn.

Kolbeinn fer ekki til Króatíu

Athugasemdir

[Ýzlensgunemy (IP-tala skráð) 17.11.2013 kl. 15:14]

Sammála þessu. Ákaflega slæmt að missa hinn frábæra Kolbein út. Krefst samt breytingar á taktík sem  Króatar geta þá ekki gengið að vísri eftir fyrri leikinn...

[Þorsteinn Briem, 17.11.2013 kl. 16:11]

Leikur sá er leikur einn,
líka með þeim tíu,
kall einn bara Kolbeinn,
kemst til Brasilíu.