En hver kemur í staðinn og hvað gerir sá ?

Það er í takt við skynsamlega greiningu á þeirri stöðu sem upp er kominn hjá RUV að Páll Magnússon ákveður að hætta þar störfum, jafnvel þótt stjórn RUV segi að ekkii sé um trúnaðarbrest að ræða.

Páll hafði að vísu ekkert með hina hrikalegu aðför að RUV að gera, sem fólst í enn einum niðurskurðinum í kjölfar þeirra fyrri og afar grunnfærnu mati, því að augljóst var að ekki var hægt að losna við ýmsa dýrustu póstana í rekstrinum, svo sem hið hræðilega dýra hús, heldur varð að láta niðurskurðinn bitna beint á starfsmönnum.

En engu að síður gerist þetta á hans vakt og eðlilegt, miðað við þann úlfaþyt sem orðið hefur, að hann ákveði að stíga til hliðar og sjá hvort arftaka hans muni auðnast að spila einhvern veginn öðruvísi úr spilum.

Rétt er að hafa í huga að eftir því sem mér skilst var það á hendi yfirmanna deilda RUV hvers um sig að ákveða hverjir yrðu reknir, en allt um það gerist þetta á vakt Páls.

Hlálegt er að sjá ummæli sumra eins og Björns Bjarnasonar þar sem eingöngu Páli er kennt um allt.

Kemur í hugann máltækið: "Árinni kennur illur ræðari."

Sjálfur var Björn menntamálaráðherra árum saman og í tvo áratugi var útvarpsstjórinn fyrrverandi borgarstjóri Sjálfstæðismanna og á þeirra vakt var RUV stærra "bákn" en nú.

Aðalspurningin er sú, hver tekur nú við og hvort sú persóna finnur einhverja aðra leið til að skera niður en Páll. Og verður sá stjóri handbendi þeirra afla sem vilja draga sem mest úr afli ríkisútvarpsins og ráðast að stöðu þess í íslensku þjóðlífi?

Páll hættir sem útvarpsstjóri

Athugasemdir

[Haukur Kristinsson (IP-tala skráð) 17.12.2013 kl. 14:58]

Egill Helga og Guðundur Andri væru starfinu vaxnir.

En "please" engan apakött eins og Ingva Hrafn.

[Þorsteinn Briem, 17.12.2013 kl. 16:00]

Illhugi þar stakk í Stúf,
stjórnin öllu sundrar,
allt á hvolfi er í RÚV,
ekki það mig undrar.

[Halldór Guðmundsson (IP-tala skráð) 17.12.2013 kl. 16:04]

Veruleg tiltekt verður nú að fara fram hjá RUV, 3 ára laun fyrir einelti hjá stofnuninni, en íþróttafréttamaður með 22 ára starfsreynslu hjá þessari sönu stofnun fær 3 mánaða laun fyrir að hrekjast úr starfi fyrir einelti hjá þessari stofnun, þetta er með öllu óskyljanlegt, en eitt er víst að reksturinn á þessu batteríi hefur verið glórulaus og án alls aga, nauðungaráskriftina burt strax, og beint í Lanspítalann.

Rás 2 seld sem fyrst, og veruleg tiltekt þarf að fara fram STRAX.

Síðan er mikilvægt að upplýsa hvort að útvarpsstórinn fá ekki 3 mánaða laun eis og íþróttafréttamaðurinn.

[Þorsteinn Briem, 17.12.2013 kl. 16:12]

Einu sinni á ári fór bóndi nokkur í kaupstað og kom þá ætíð sauðdrukkinn heim með þessa yfirlýsingu:

"Ég er húsbóndi á mínu heimili!"

Aðra daga ársins minntist hann aldrei á þetta atriði, enda var hann engan veginn húsbóndinn á bænum, því húsfreyjan gegndi því hlutverki og ansaði aldrei þessu fyllerísrausi eiginmannsins.

[Þorsteinn Briem, 17.12.2013 kl. 16:33]

"Og ekki hafði neitt að gera útvarpsstjóri vor,
því yfirmaður hans var lítill vasa transistor."

[Jón Ólafur (IP-tala skráð) 17.12.2013 kl. 17:01]

Ekki er hægt að álykta sem svo, að RUV sé heilsusamlegur vinnustaður,

en nú verður fráfarandi útvarpsstjóri að upplýsa ástæðu þess að gerendurnir í öllum þessum eineltismálum voru ekki látnir fara.

Tek undir það að selja Rás 2 og fara í veulega tiltekt, og nauðungaráskriftina er ekki hægt að réttlæta lengur, alveg sama hvað menn reina.

[E (IP-tala skráð) 17.12.2013 kl. 17:34]

Mæli með Björgu Evu sem næsta útvarpsstjóra.

[Hilmar (IP-tala skráð) 17.12.2013 kl. 17:53]

Arftakans bíður það verkefni að ráðast gegn misnotkun vinstrimanna á stofnuninni.

Helst gerist það þannig að Ríkisútvarpið verði lagt niður, og vinstrimönnum eftirlátið að fjármagna sinn áróður úr eigin vasa.

Eflaust leita þeir aftur á náðir Jóns Ásgeirs, sem er allt í lagi. Það er enginn neyddur til að greiða í hans vasa.

[Þorsteinn Briem, 17.12.2013 kl. 18:10]

Þessar endalausu skoðanir þínar á hinu og þessu eru ekki staðreyndir, "Hilmar".

[Þorsteinn Briem, 17.12.2013 kl. 18:12]

6.12.2013:

"Fréttastofa RÚV nýtur mest trausts samkvæmt nýrri könnun MMR. Af þeim fréttamiðlum sem kannaðir voru báru svarendur mest traust til fréttamiðla RÚV.

Af þeim sem tóku afstöðu sögðust 76,5% bera mikið traust til Fréttastofu RÚV og 71,1% sagðist bera mikið traust til ruv.is."

"Af þeim sem tóku afstöðu sögðust 50,2% bera mikið traust til mbl.is.

Traust til mbl.is hefur dregist nokkuð saman frá því í desember 2008 þegar 64% aðspurðra sögðust bera mikið traust til mbl.is."

RÚV nýtur mests trausts

[Rafn Haraldur Sigurðsson (IP-tala skráð) 17.12.2013 kl. 20:27]

Lok og lok og læs og allt í stáli og loka fyrir Páli, mælti einn góður maður einu sinni.

Legg til að stofnunin verði seld og einkavædd, þá geta hollvinir rúv keypt sér áskrift en hinir sem eru á móti sleppt því. Ég er alveg viss um að það séu margir sem myndu kaupa sér áskrift af RUV sem frjálsir menn, en ekki eins og þrælar þar sem þeir eru neyddir til þess hvort sem þeim líkar betur eða verr.

Páli óska ég hins vegar alls hins best í framtíðinni.

[Þorsteinn Briem, 17.12.2013 kl. 20:46]

6.12.2013:

Bera lítið traust til Fréttastofu RÚV: 7,2%,

Bera lítið traust til Ruv.is: 7,4%,

Bera lítið traust til Mbl.is: 20,7%,

Bera lítið traust til Morgunblaðsins: 26,1%.

RÚV nýtur mests trausts

[Hilmar (IP-tala skráð) 17.12.2013 kl. 21:34]

Mr. Breim, vissulega eru mínar skoðanir mínar skoðanir.

Það er nú þannig að skoðanir verða ekki staðreyndir þó maður driti niður brosköllum, feitletri hluta setninga eða hendi inn hlekkjum sem eiga ekkert erindi í umræðuna.

Líklega er það ástæðan fyrir því að þú ert sníkjubloggari á bloggi sem einhverjir lesa, en ekki eigin bloggi. Það nennir enginn að lesa þvæluna í þér og mér sýnist að blogg Ómars sé líka að fara í hundana, enda ertu búinn að drekkja því í tómri þvælu.

Nú hef ég ekkert á móti því að þú sért fábjáni sem sníkjuubloggar, en sýndu mér þá sjálfsögðu kurteisi að leyfa mér að senda inn mínar SKOÐANIR í friði.

[Þorsteinn Briem, 17.12.2013 kl. 22:03]

Eins og aðrir hægriöfgasinnar uppnefnir þú fólk og þorir ekki að skrifa hér undir nafni, "Hilmar".

Þú hefur því engin réttindi á þessu bloggi og ég gæti þar af leiðandi fullyrt hér að þú sért morðingi og nauðgari án þess að þú gætir gert nokkuð í því.

Þú hefur hins vegar logið því hér á þessu bloggi undir nafnleynd að ég hafi verið rekinn af Morgunblaðinu þegar ég var þar blaðamaður fyrir margt löngu og blaðið var sem betur fer allt annað en það er nú.

Engu máli skiptir hér hvaða skoðanir þú hefur hér á hinu og þessu, þar á meðal undirrituðum.

Þetta blogg er fjölmiðill og eins og í öðrum fjölmiðlum skipta staðreyndir hér höfuðmáli.

[Hilmar (IP-tala skráð) 17.12.2013 kl. 23:18]

Ég hélt í fávisku minni að Hilmar væri nafn, en kommar hafa kannski annan skilning á því. Reyndar er það ákaflega varhugavert að gefa upp nöfn opinberlega, ef maður hefur aðrar skoðanir en kommar. Kennari nokkur hægrisinnaður hefur aldeilis fengið að kenna á sjúklegri framkomu vinstrimanna fyrir það eitt að opinbera SKOÐANIR sínar. Ég get kannski bara þakkað fyrir að fá frá þér stimpilinn morðingi og nauðgari, en ekki barnanýðingur.

Varðandi réttindi á þessu bloggi, þá er það athyglisvert að þú sért farinn að deila því út á blogginu hans Ómars. Það bendir eindregið til þess að þú sért ekki bara sníkjubloggari, heldur sníkjubloggari með heimsvaldakomplexa. Ekki að það komi óvart hjá komma.

Og þá að snilldinni í lokin, blogg Ómars er fjölmiðill, en ekki vettvangur skoðana hans. Brilljant. Og einmitt þegar ég gat ekki ímyndað mér að þú gætir orðið meiri fáviti.

[Saevar Einarsson (IP-tala skráð) 17.12.2013 kl. 23:50]

Ómar Ragnarsson, þú ert tilvalinn sem útvarpsstjórp næstu 5 árin, ég styð það heilshugar :)

[Ómar Bjarki Kristjánsson, 18.12.2013 kl. 01:02]

Þarna fer nú án efa einhver í góðu talsambandi við flokkinn. Að mínu mati hefur sumt fólk algjörega verið að hengja bakara fyrir smið í þessu máli. Það er svo ríkt í mörgum íslendingum að horfa afar þröngt á efni og helst einblína á eina persónu. Margir íslendingar eins og orðast eða nenna ekki að horfa breitt yfir sviðið og greina aðalatriðin. Um er augljóslega að ræða aðför núv. stjórnarflokka að RUV með það að markmiði að ná fullum tökum á stofnuninni. Þá hafa þeir alla meginfjölmiðla undir sínu afli. Páll var ekkert öfundsverður að þurfa að framkvæma skipun ríkisstjórnarinnar. Slíkur brútal skurður hlaut einhversstaðar að þurfa að koma niður. Hugsanlega hefði Páll bara átt að segja af sér strax þegar hann sá hvað var í pípunum hjá ríkisstjórninni. Það er algjörlega ljóst að ríkisstjórnin hefur veitt RUV þugt högg sem stofnunin mun verða lengi að ná sér af - ef nokkurntíman. Miðað við framkomu framsjalla hingað til - verður að teljast líklegt að þeir ætli að setja sinn kommissar þarna inn.

Nú, svo er næst á dagskrá að ráðast á Seðlabankann vegna þess að hann dirfðist að halda uppi málefnalegri umræðu um stóru millifærsluna frá hinum verr stæðu til hinna betur stæðu.

[Tobbi (IP-tala skráð) 18.12.2013 kl. 10:20]

Ég frábið okkur kommum það að Steini sé kallaður kommi.  Hann er krati.