Heimilisjól.

Jólin í ár verða líklega mestu "heimilisjól" í langan tíma ef verðurspár ganga eftir, að minnsta kosti á norðanverðu landinu og undir fjöllum á sunnanverðu landinu.

Það kostar að vísu minni ferðalög í heimsóknir en þeim mun drýgri tíma til að njóta jólanna í friðsæld heima hjá sér, en friðsældin og rólegheitin eru aðall jólanna.

"Fátt er svo með öllu illt að ei boði gott."

Versta norðankast um jól í hálfa öld

Athugasemdir

[Þorsteinn Briem, 22.12.2013 kl. 15:08]

Inni verða Ómars jól,
étur haus af hrúti,
úti verða ferleg fól,
Framsókn verður úti.

[Hilmar Hafsteinsson (IP-tala skráð) 22.12.2013 kl. 15:26]

"Einar Sveinbjörnsson veðurfræðingur spáir mjög slæmu norðankasti um landið norðan- og austanvert um jólin. Þetta verði samfellt hríðarveður í 3-4 sólarhringa. Á jóladag megi búast við versta norðankasti í a.m.k. hálfa öld og þ.a.l. megi búast við miklum samgöngutruflunum á Norður- og Austurlandi."(sic)

Sérlega "heimilisleg" jól fyrir Norðlendinga og Austfirðinga Ómar!

Var óðahlýnunin (hnatthlýnun af meintum manna völdum) byrjuð fyrir hálfri öld?

Þið koltvísýringshatararnir sjáið auðvitað friðsældina og rólegheitin í brjáluðu hríðarveðri sem engu eirir :)

[Þorsteinn Briem, 22.12.2013 kl. 15:39]

"Meðalhiti í Reykjavík [í nóvember síðastliðnum] var 2,2 stig, sem er 1,1 stigi ofan meðallags áranna 1961-1990 en 0,1 stigi undir meðallagi síðustu tíu ár."

"Sólskin í Reykjavík mældist 35,4 stundir, 3 stundum færri en í meðalári.

Þá var alhvítt í Reykjavík í fimm daga, sem er tveimur dögum undir meðallagi áranna 1971-2000."

Tíðarfar í nóvember 2013 - Veðurstofa Íslands

[Þorsteinn Briem, 22.12.2013 kl. 15:45]

Trausti Jónsson veðurfræðingur um veðurfar hér á Íslandi árið 2012:

"Árið [2012] var mjög hlýtt, sérstaklega um landið vestanvert.

Ekkert lát virðist vera á hlýindunum miklu sem hófust skömmu fyrir aldamót."

"Í Reykjavík er árið það sautjánda í óslitinni röð ára þar sem árshitinn er yfir meðallagi og það fjórtánda á Akureyri.

Meðalhitinn í Reykjavík var 5,5 stig, sem er um 1,2 stigum ofan meðallags áranna 1961-1990 og í meðallagi sé miðað við árin 2001-2010."

Og á Akureyri var meðalhitinn 4,3 stig, sem er 1,1 stigi ofan meðallags.

Tíðarfar hér á Íslandi árið 2012

[Jón Logi (IP-tala skráð) 22.12.2013 kl. 15:56]

Það er í anda jólanna hjá þér Ómar að horfa á björtu hliðina.
(Sú eina sem ég sæi væri sú að Steini Briem væri í Svarfaðardal akkúrat frá og með núna fram yfir áramót, hehe, og læsi ævisögu Jónasar á Hriflu við kertaljós)

Það er ekkert "heimilislegt" við drulluveður á hálfu landinu. Engin friðsæld við það sem búast má við, og búast má við rafmagnstruflunum, samgöngurofi, og veseni með útigangsfénað.
Kannski bara "jólalegt" svona rétt á Suðvesturhorninu.

Og Hilmar, - "Hnatthlýnunin", - henni var lýst fyrir mér í skóla fyrir svona 30 árum. Áhrifin voru það sem kallast "pendulum", - sem sagt meiri sveiflur en vant var. Vaxandi öfgar í veðri. Og þetta hefur verið að koma aðeins fram um allan heim. Þetta lægðarskott sem er að flakka í nágrenninu er veðurmet, og mörg eru þau fallin.

[Þorsteinn Briem, 22.12.2013 kl. 16:10]

Rafmagn fór oft af bæjum í Skíðadal á veturna þegar ég bjó þar og reyndar ekki komið rafmagn í dalinn þegar ég kom þangað fyrst.

Notaðir voru olíulampar og eldað á gasi.

Og oft gekk ég yfir Skíðadalsána ísilagða á leiðinni í og úr Húsabakkaskóla í Svarfaðardal.

Sjálfstæðisflokkurinn getur hins vegar ekki gengið nokkra metra á auðri jörð.

[Jón Logi (IP-tala skráð) 23.12.2013 kl. 11:40]

Varstu utarlega í Skíðadal? Ég hef komið á bæ þarna utarlega, og gist á Húsabakka. 1988 og 1975.

[Þorvarður (IP-tala skráð) 23.12.2013 kl. 16:10]

Finnst ekkert sérstaklega "heimilisleg" tilhugsun að hugsanlega sitja heima í rafmagnslausu og þar af leiðandi óupphituðu húsinu. En vona að svartsýnisspár um rafmagnsleysi og hvað þá snjóflóð annars staðar á landinu rætist ekki. Heimilisjól, það var þá!

[Þorsteinn Briem, 23.12.2013 kl. 19:18]

Ég bjó í Hlíð í Skíðadal sem er inn af Svarfaðardal og Skíðadalurinn sést frá Dalvík.

Svarfaðardalurinn liggur hins vegar til vesturs við mynni Skíðadals en Dalvík, Svarfaðardalur og Skíðadalur eru nú í Dalvíkurbyggð.

Og Hlíð er skammt frá Klængshóli í Skíðadal.

Klængshóll ski lodge, Bergmenn Mountain Guides

Kort af Dalvíkurbyggð

[Ómar Ragnarsson, 23.12.2013 kl. 23:24]

Þetta er í fyrsta sinn sem ég sé að máltækið, sem stundum er notuð til huggunar þegar eitthvað bjátar á;  - "fátt er svo með öllu illt að ekki boði nokkuð gott", -  sé túlkað sem tákn um óvildarhug og illvilja.

Næsta skrif þessa bölmóðs verður hugsanlega að óskin um gleðileg jól eigi ekki við þegar veðrið verður erfitt um jólin.

[Jón Logi (IP-tala skráð) 24.12.2013 kl. 09:23]

Ég segi nú bara gleðileg jól til ykkar bloggara handa. Sérstaklega handa þér Ómar minn.
Krosslegg svo puttana fyrir hönd þeirra sem verða veðurbarðir og í brasi um jólin.

[Þorsteinn Briem, 24.12.2013 kl. 09:56]

Gleðileg jól, Jón Logi!