Skemmtileg og djúpvitur umræða um tapara ársins.

Maður ársins 2013 og sigurvegari ársins sömuleiðis er Sigmundur Davíð Gunnlaugsson. Allir vita og óumdeilt er hverjir unnu kosningasigur og hverjir töpuðu, hver vann frækilegan kosningasigur og varð næstyngsti forsætisráðherra í sögu landsins.

En nú geysar á facebook skemmtileg og djúvitur umræða um "skúrk ársins" og á þetta að vera þýðing á enska orðinu "loser", sem sumir kalla "lúser" á íslensku en er að mínum dómi best þýtt með orðinu "tapari" samanber það að sá sem skapar er kallaður skapari.

"Skúrkur ársins" er í þessum umræðum stjórnlagaráð og þar með sett á bekk með öðrum skúrkum, misyndismönnum af ýmsu tagi, lygurum og úrþvættum í áranna rás.

Þetta er bráðskemmtilegt allt saman og djúphugsað og verður enn skemmtilegra og áhugaverðara ef farið er aftur í söguna, því að samkvæmt þessu orðavali og þessum skilningi var Jón Sigurðsson skúrkur/tapari ársins 1851 en Trampe greifi sigurvegari.

Snorri Sturluson var skúrkur/tapari ársins 1241 þegar hann var gerður höfðinu styttri.

Kristur var að sjálfsögðu skúrkur/tapari þess árs sem hann var drepinn og enginn nema hugsanlega örfáum mönnum gat komið til hugar annað þá en að Pílatus væri sigurvegarinn.

Franskir herforingjar á borð við De Gaulle voru skúrkar ársins 1940 en Hitler sigurvegarinn.

Scott var skúrkur ársins 1911 þegar keppinautur hans, Amundsen var sigurvegarinn í kapphlaupinu um að komast á Suðurskautið.

Svo háfleyg er þessi umræða orðin að á einni bloggsíðunni hér á blog.is hefur verið komist að þeirri niðustöðu að íslenskir vinstrimenn eins og þeir leggja sig séu skúrkar ársins 2013.

Minna má það ekki vera.

 

 

Samfylking fari í naflaskoðun

Athugasemdir

[Haukur Kristinsson (IP-tala skráð) 30.12.2013 kl. 17:12]

Sigmundur Davíð Gunnlaugsson var siguvegari ársins. Engin spurning.

"Tapari" ársins var hinsvegar hið svo kallaða "proletariat", sem í einfeldni sinni kaus silfurskeiðungana, innherja og braskara "kolo" strákana, til valda.

[Gunnar Th. Gunnarsson, 30.12.2013 kl. 18:16]

En eftir stendur sú staðreynd að hið ólöglega stjórnlagaráð sem ætlaði að umbylta stjórnarskránni með popúlisma, hafði ekki erindi sem erfiði.

[Serious (IP-tala skráð) 30.12.2013 kl. 18:33]

Það sem úrskeiðis fór, var þessi ESB gredda. Sæmilega upplýstir íslendingar vita það nefninlega að okkar auðlindir eru margfalt meira virði en það að við viljum hafa ESB með sína fingur á þeim. íslendingar hafa akkúrat ekkert erindi inn í ESB, þar sem stórborgurum sem flestir, að ég hygg, sem með ákvarðanatöku fara, hafa fæðst í stórborg, lifað sitt líf í stórborg og hugsa einsog stórborgarar gera, og ætla svo að fara taka ákvarðanir fyrir okkar dásamlegu eyþjóð, með bírókratískri stóhyggju.

Vel má vera að það yrðu einhverjir smávægilegir hagsmunir með aðild til mjög skamms tíma, en til lengri tíma litið, ef að allt yrði skoðað, yrðu afleiðingarnar skelfilegar. Góðar stundir.

[Þorvaldur S (IP-tala skráð) 30.12.2013 kl. 19:02]

Í minni sveit er skúrkur ekki sá sem tapar heldur óþverrinn í sögunni.  Þar þætti fráleitt að kenna skúrk við tap jafnvel þótt endir hans í sögum sé gjarnan við hæfi.  Í öðrum, eins og td Njálu, stendur skúrkurinn, Mörður Valgarðsson, uppi með pálmann í höndunum.

Það að skúrkur sé sá sem tapar er sem sagt alveg ný notkun orðsins og gæti sem hæglegast valdið misskilningi. 

[Þorsteinn Briem, 30.12.2013 kl. 19:12]

Engu máli skiptir hvaða skoðanir einhverjir hafa á hinu og þessu.

Skoðanir eru ekki staðreyndir.

[Þorsteinn Briem, 30.12.2013 kl. 19:45]

Veit skólinn sem þú starfar við að þú skrifar hér ýmist sem "Þorvaldur S" eða "Tobbi" og ræðst hér á annað fólk undir dulnefni?!

[Þorvaldur S (IP-tala skráð) 30.12.2013 kl. 20:24]

Er „Steini Briem“ til í þjóðskrá?

Og kommentið um skoðanirnar er náttúrlega óborganlegt.  Bloggsíða Ó. Ragnarssonar snýst um skoðanir hans á mönnum og málefnum.  Skoðanir „Steina Briem“ eru drjúgur hluti af þeirri umræðu sem þar fer fram.  Til allrar hamingju eru þær ekki staðreyndir.

Og skólinn minn hefur ekki skoðanir á mönnum eða málefnum.  Stjórnendur hans hafa það hins vegar. Þó veit ég ekki til þess að þeir þekki til „Steina Briem“.  En hafirðu yfir einhverju að kvarta skaltu snúa þér beint til þeirra.

[T H Z (IP-tala skráð) 30.12.2013 kl. 20:28]

Steini Briem er mikill maður

A blogginu ávalt ofsa glaður

Þolir ekki æra Tobba

[Þórður St. Guðmundsson (IP-tala skráð) 30.12.2013 kl. 20:31]

Ég hef vanist því í íþróttamáli að sá sem veldur því að lið hans tapar t.d. með því að gera sjálfsmark eða er rekinn af velli fyrir fólskubrot sé kallaður skúrkur. Ég hef aldrei heyrt að sá sem tapar í einstaklingskeppni sé skúrkur nema að hann tapi vegna þess hann hafði rangt við á einhven hátt.

[Þorsteinn Briem, 30.12.2013 kl. 20:40]

Hér er staðreynd um naflakusk Sjálfstæðisflokksins:

29.4.2013:

"Hanna Birna Kristjánsdóttir, varaformaður Sjálfstæðisflokksins, sagði í framboðsræðu til formanns á landsfundi flokksins árið 2011 Sjálfstæðisflokkinn pikkfastan í 36% fylgi og það væri eitthvað sem hún gæti ekki sætt sig við.

Þessi ummæli Hönnu Birnu hafa verið rifjuð upp í ljósi þess að Sjálfstæðisflokkurinn fékk 26,7% í kosningunum á laugardaginn, sem er næstminnsta fylgi flokksins í sögunni."

Hanna Birna sagði árið 2011 Sjálfstæðisflokkinn pikkfastan í 36% fylgi - Vildi setja markið miklu hærra

[Haukur Kristinsson (IP-tala skráð) 30.12.2013 kl. 21:28]

Steini Briem, fylgi FLokksins hefur ekki aðeins sigið úr 40% í 27%, heldur er Íhaldið orðið hækja Framsóknarflokksins. Maddömunnar, sem í dag er hallærislegt skrípi popúlisma, þjóðrembu og minnimáttarkenndar.

"Rednecks" með glímubelti.

[Ómar Ragnarsson, 30.12.2013 kl. 22:29]

"Hið ólöglega stjórnlagaráð." Af hverju var skipun þess ekki kærð eins og kosningarnar til stjórnlagaþingsins ef hún var svona ólögleg.

Af hverju er stjórnarskrárnefndin, sem nú er að störfum, ekki ólögleg úr því að Alþingi skipar hana á nákvæmlega sama hátt lagalega séð og stjórnlagaráðið?

Af hverju voru allar hinar stjórnarskrárnefndirnar næstum sjö áratugi þar á undan ekki ólöglegar?

[Þorsteinn Briem, 30.12.2013 kl. 23:44]

Steini Briem er í þjóðskránni sem Þorsteinn Briem og er eini maðurinn í heiminum með því nafni.

Steini Briem er því langt frá því að vera dulnefni og þar að auki vita Morgunblaðsmenn mæta vel hver ég er þar sem ég vann þar í mörg ár sem blaðamaður, eins og hér hefur margoft komið fram.

[Þorsteinn Briem, 30.12.2013 kl. 23:49]

Þær staðreyndir sem ég birti hér skipta máli en ekki skoðanir mínar, frekar en þegar ég var blaðamaður á Morgunblaðinu.

[Þorvaldur S (IP-tala skráð) 31.12.2013 kl. 00:03]

Það er nú valla að maður nenni að elta ólar við þetta.  En: Steini Briem er ekki í þjóðskránni.  Þótt einhver maður heiti Þorsteinn Briem en kallar sig Steina er það ekki að koma fram undir fullu nafni.

Og:  Þótt Steini Briem, sem býr í Skjólunum, birti staðreyndir hlýtur hann að velja þær einhvern veginn.  Ætli skoðanir hans komi þar ekkert við sögu?  Endurspeglast skoðanir hans ekki í þeim staðreyndum sem hann birtir?  Tæplega heldur hann því fram að hann birti allar staðreyndir sem finnalegar eru um hvert mál.  Hvernig velur hann þær sem hann setur fram ef skoðanir hans koma þar hvergi við sögu?

[Þorsteinn Briem, 31.12.2013 kl. 00:07]

Steini Briem

Ábyrgðarmaður skv. Þjóðskrá: Þorsteinn Briem

[Gunnar Th. Gunnarsson, 31.12.2013 kl. 04:40]

Er þessi mynd af þér tekin í Chania á Krít, Steini?

[Þorsteinn Briem, 31.12.2013 kl. 08:28]

Þessi mynd var tekin í Chania sumarið 2005 og Grikkirnir spiluðu sigurlag sitt í Eurovision út í eitt.

Hefurðu líka verið þar, Gunnar?

[Gunnar Th. Gunnarsson, 1.1.2014 kl. 08:02]

Var þar í júní 2013 í 11 daga

[Sigurður Haraldsson, 2.1.2014 kl. 13:55]

Gleðilegt ár, Sigmundur er og verður skúrkur ef verðtryggingin verður ekki afnumin nú upp úr áramótunum! Skuldaleiðréttingin bara olía á eldin og allt mun sviðnara á eftir!