Sumu er erfitt að breyta.

Drottinn aldrei fer í frí.   

Fjallkonan er enn með skúf.

Geysi enginn grefur í. 

Guðni Már er enn á RÚV.

Guðni Már er ennþá á RÚV

Athugasemdir

[Þorsteinn Briem, 6.1.2014 kl. 23:26]

Í ansi mörgum eftirsjá,
allt er laust í rásinni,
gamlir vilja Guðna Má,
geymdan þar í fásinni.

[Jens Guð, 7.1.2014 kl. 00:43]

  Hver sem er ástæða fyrir því að Guðni Már sé ennþá við hljóðnema á Rúv þá fagna ég því.  Gæfa Rásar 2 er að þangað hefur safnast saman fólk með ákafa ástríðu fyrir tónlist og yfirgripsmikla þekkingu á músík.  Guðni Már er gott dæmi um það.  

  2002 kynnti Guðni Már til sögunnar færeysku hljómsveitina Tý.  Það uppátæki opnaði fyrir flóðgáttir sem kallaðar hafa verið "færeyska bylgjan".  Þar ber í dag hæst Eivör og síðan Teitur Lassen,  pönksveitin 200,  nýrokksveitin Makrel,  Hanus G,  Högni Lisberg,  Högni Restrup og fjöldi annarra.  

  Mér er minnisstætt þegar færeyska hljómsveitin Týr átti - Guðna Má að þakka - vinsælasta erlenda lagið á Íslandi 2002, Ormin langa,  að dagskrárgerðarmaður á Bylgjunni sagði mér að lagið væri þar á bæ skilgreint sem þungarokkslag og það passaði ekki inn í skilgreindan músíkstíl Bylgjunnar.  Samt kannaðist hann við að mikið væri spurt eftir þessu lagi sem óskalagi.

  Þess vegna var þetta vinsælasta lag ársins 2002 ekki spilað á Bylgjunni.  Það var aðeins spilað á Rás 2.  Platan með laginu var vikum saman söluhæsta platan á Íslandi.  En lagið aðeins spilað á Rás 2.  Platan seldist í 4000 eintökum á Íslandi en lagið var aðeins spilað á Rás 2.  Týr kom í hljómleikaferðalag um Ísland.  Allsstaðar uppselt.  Í Ölfusi (og að mig minnir Keflavík) voru fleiri sem komust ekki inn í hús en þeir sem stóðu fyrir utan.  

  Meira um þetta í bókinni:  http://jensgud.blog.is/blog/jensgud/entry/1335710/