Aukinn nýtingarkostnaður vegur þyngst.

Fyrir um hálfri öld var sett fram spá um að olíulindir jarðarinnar yrðu á þrotum í byrjun þessarar aldar.

Nú finnast þeir sem telja að þetta hafi verið ástæðulaus "heimsendaspá" vegna þess að enn sé það hagkerfi í fullum gangi á jörðinni sem byggir á olíunotkuninni.

Þeir benda á að gríðarmiklar olíulindir sé að finna á nýjum svæðum, einkum heimskautasvæðunum.

Athuganir á spánni fyrir hálfri öld og stöðunni nú sýnir hins vegar að hún var í meginatriðum rétt, olíuvinnslan í heiminum er komin í hámark og að framundan er samdráttur á næstu áratugum.

Það er nefnilega varasöm einföldun að benda á hugsanlegar og miklar olíulindir muni geta tekið þannig við af núverandi olíulindum að hægt sé að viðhalda núverandi ástandi og jafnvel auka olíunotkunina.

Aðalástæðan er sú að sífellt verður dýrara og erfiðara að finna olíuna og vinna hana og þegar olíuverðið hækkar og hækkar grefur það undan undirstöðum "olíualdarinnar" sem tveggja alda tímabilið frá 1890-2090 mun fá í sögubókum framtíðarinnar.

Auk þess liggur fyrir að magn olíunnar á þessum nýju olíusvæðum er hvergi nærri eins mikið og á núverandi svæðum, sem mest gefa af sér, en munu varla endast nema örfáa áratugi í viðbót.  

Fáir hafa fram til þessa áttað sig á gildi fosfats í búskap mannkynsins, en ef svo heldur fram sem horfir, fer að fjara undan þeirri auðlind á næstu áratugum með með slæmum afleiðingum í landbúnaði og á fleiri sviðum.  

...Aðeins ein jörð.

Það er ekki um fleiri að ræða.

Takmörkuð er á ýmsa lund

uppspretta lífsins gæða...

Auðlindir heimsins eru ekki óþrjótandi

Athugasemdir

[Þorsteinn Briem, 17.1.2014 kl. 03:56]

Eina sjallar eiga jörð,
öllu þar þeir sóa,
ljótan eiga lygamörð,
á Leiti býr þar Gróa.

[Tjörvi Fannar (IP-tala skráð) 20.1.2014 kl. 10:10]

"Aðalástæðan er sú að sífellt verður dýrara og erfiðara að finna olíuna og vinna hana og þegar olíuverðið hækkar og hækkar grefur það undan undirstöðum "olíualdarinnar" sem tveggja alda tímabilið frá 1890-2090 mun fá í sögubókum framtíðarinnar."

Hér ertu eitthvað að misskilja. Olíuverð ræður því að miklu leyti hvort "olíulind" telst vinnanleg eða ekki og þegar olíuverð hækkar verður hagkvæmara að vinna olíuna. Það er til gríðarlega mikil olía sem ekki telst hagkvæmt að vinna en verður raunhæfari kostur ef olíuverð hækkar. Talað er um að við höfum ekki nýtt nema rétt þriðjung af allri olíu

Við erum ekkert að fara að hætta að hætta að nota olíu á næstunni, ekki fyrr en eitthvað raunhæft leysir olíuna af hólmi og það er þá fyrst sem grefur undan undirstöðum olíualdarinnar.

Auk er ég örlítið forvitinn að vita af hverju Ómar velur ártalið 1890 sem upphaf olíualdar þegar mun eðlilegra væri að nota ártalið 1859 þar sem það er árið þar sem fyrsta olíuborunin átti sér stað, þó svo að olía hafi vissulega verið nýtt fyrir þann tíma.

https://en.wikipedia.org/wiki/Edwin_Drake