Íslands þúsund ár

24.6.2014 | 22:46

"...bitlaus sókn hjá Úrúgvæ" - eftir þetta.

Skálkinn ekki skilið fæ. /

Í skammarkrók hann fer, æ, æ. /

Eftir að hafa´ann kvatt: "Bæ, bæ," /

er bitlaus sókn hjá Úrúgvæ.

Já, það er erfitt að skilja atvik eins og hjá Zidane í úrslitaleik á HM 2002 og Louis Suárez í leiknum á HM í kvöld.

Vissulega var það verra brot fyrir augað en brot Suarez þegar Tyson beit stykki úr eyra Holyfields hér um árið og spýtti því á gólfið.

En þá ber að hafa í huga að engin treyja var til að taka bitið úr biti Tysons. ´Þetta er harmleikur, því að Suarez var maðurinn, sem hefði getað fleytt liði Úrúgvæ langt.

Suma menn virðist ekki vera hægt að lækna af svona löguðu, jafnvel þótt þeir fari á reiðistjórnunarnámskeið undir handleiðslu færustu sálfræðinga.

Ég get nefnt íslenskt dæmi um þetta. Öflugur leikmaður liðs eins var sífellt til vandræða með því að láta reka sig út af vellinum leik eftir leik.

Á endanum var hann settur úr liðinu,´sem leið fyrir þennan veikleika hans og þurfti hvað eftir annað að spila með manni færra en mótherjarnir.

Leikmaðurinn bar sig aumlega og lofaði bót og betrun og loks var honum gefið það tækifæri að fara til sálfræðingis í reiðistjórnun og koma til baka með vottorð upp á það.

Þetta gerði hann og þegar hann fékk loks tækifærið til að vera í liðinu sást til hans þar sem hann gekk einn afsíðis smá stund, rétt fyrir leikinn, hélt um höfuðið, einbeitti sér og tautaði stanslaust fyrir munni sér: "Ég er svo rólegur, svo yfirvegaður, svo sallarólegur að ég haggast ekki. Ég haggast ekki, hvað sem á dynur, svo rólegur, svo sallarólegur."

Svo gekk hann prúður og penn inn á völlinn og var hugarróin uppmáluð muldrandi í hálfum hljóðum um það hversu sallarólegur hann væri og léti ekkert, alls ekkert hagga sér.

Leikurinn hófst, en ekki hafði verið spilað lengi þegar hann lenti inn á milli sóknarmanna andstæðinganna í kröppum dansi og hafði fyrr en varði brotið sérstaklega gróflega á einum þeirra.

Dómarinn flautaði og kom hlaupandi og veifandi, hverju haldið þið, rauðu spjaldi!

Rekinn útaf, fór í sturtu og þar með var veru hans í liðinu lokið.

	Suárez mun gera þetta aftur
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 23:29 | Facebook

Athugasemdir

Sæll Ómar.

Streita er án nokkurs efa stærsti og sterkasti þáttur
í myndun krabbameins semog blóðrásarsjúkdóma.

Orða má þetta þannig að það er um að gera fyrir menn að hafa
sem mestar áhyggjur og taka helst aldrei á einu né neinu og hafa
aldrei hreint borð til þess að vera alveg öryggir um að slíkt mun leita
sér útrásar í fyrrnefndum sjúkdómum miklu fyrr en síðar.
Því ber að fagna að menn sjá þetta sífellt betur;læknar.

Varðandi þetta sérstæða tilvik þá er langlíklegast að skammhlaup
verði þá yfirspenntar taugar á milli flótta- og árásarviðbragða fá
skyndilega útrás í þessu sérstæða afturhvarfi sem helst er að
finna meðal barna á tilteknu aldursskeiði en afturhvarf er vitanlega
þekktur varnarháttur en miklu sjaldnar í þessari ýktu mynd sinni
sem er í öllu tilliti sambærilegt við t.d. ofsahræðslu þar sem menn
stökkva hiklaust út um glugga þó þeim sé bráður bani búinn.

Litlar líkur á að slíkt læknist þá einusinni það hefur gerst;
það virðist búa sem varnarháttur með þeim sem í hlut á.

Húsari. (IP-tala skráð) 24.6.2014 kl. 23:23

Fróðlegt væri að sjá, hvað sálfræðingar segja um hegðun Suárez strax eftir bitið.

Hann kastar sér í jörðina eins og brotið hafi verið á honum og nokkru síðar þreifar hann á tönnunum í galopnum munninum.

Sumir kynnu að álykta sem svo að hann hafi viljandi kastað sér niður til að láta líta svo út sem brotið hefði verið á honum, en ég held ekki að hann hafi haft neina slíka yfirvegaða stjórn á sér, því að þá hefði hann ekki látið svona með munninn á sér þar á eftir.

Ég hygg að hann hafi hreinlega fengið sjokk við bitið og þess vegna fallið til jarðar.

Og ef hann hefði ætlað að leyna bitinu hefði hann alls ekki þreifa í örvæntingu á munninum á sér.

Allt var þetta atvik sérdeilis magnað og hálf óhugnanlegt.

Vesalings maðurinn.

Það gríðarlega mikið í húfi fyrir hann bæði persónulega og peningalega og ég sé aðeins einn kost í stöðunni, að vísu mjög rótttækan.

Hann er sá að hann láti draga úr sér tennurnar, sem hann getur bitið með, fái sér falska góma sem hann noti dags daglega, en leiki tannlaus á knattspyrnuvellinum.

Ég myndi gera það í hans sporum, svo mikið er í húfi. Ef hann verður gamall þá þarf hann ekki að hafa áhyggjur af tannmissi í ellinni.

Ómar Ragnarsson, 24.6.2014 kl. 23:40

Svakalegur Suárez,
svínið beit í nára,
Guðjón elskar gott miðsnes,
gleypti Einar Kára.

Þorsteinn Briem, 24.6.2014 kl. 23:43

Þetta leit samt soldið þannig út að Suarez hafi hent sér niður til að láta líta út fyrir að hann væri fórnarlambaði. Sá ítalski slæmir þarna hendinni frá sé í einhverju pati - og gæjinn bókstaflega hendir sér niður líkt og í fórnarlambskasti.

En jú jú, eg skal ekkert alveg útiloka kenningu Ómars Ragnars.

En málið er að Suarez á langa sögu varðandi einkennilega og í raun óheiðarlega framkomu á vellinum.

Hann kemur ú stórri fjölskyldu, 7 bræður að mér skilst, og faðirinn yfirgaf fjölskylduna þegar hann var 12 og hann varð þá fyrir áfalli.

Það svo sem er engin skýring per se því margir hafa lent í svipuðu og ber ekkert á slíka hjá flestum.

Inní mál Suares hlýtur því að blandast, að hann hefur þessa náðargjöf, þ.e. að vera óvenjulega fær boltamaður - og þessvegna var honum fyrirgefið allskyns sérstök framkoma á vellinum og smá saman þróar hann með sér einhverja hegðan þar sem hann virðist ekki vera almennilega jarðtengdur.

Þegar hann kom til Hollands um 18 eða 19 ára talaði hann ekki eitt orð í hollensku eða ensku. Mentun hans er eitthvað frekar takmörkuð, að eg tel.

Þá bar þegar á sérkennilegri framkomu á vellinum sem voru alveg úr takti við hefðir og vana í Hollandi.

Öllum ber saman um að eitt megin einkenni Suarez eða svona þema - sé ógnarlega stór sigurvilji. Og ekki aðeins það, heldur þurfi hann alltaf að leika stærsta hlutverkið.

Fræg er sagan þegar lið hans í Urugvæ vann einhvern bikarleik 3-0, og þá grét Suarz í sturtunni eftir leikinn. Ekki yfir að hafa unnið leikinn - nei nei, heldur yfir því að hann hefði ekki skorað mark.

Sumar kunnugir Suarex hafa sagt, að sigurvilji sé alltaf jákvæður per se en í tilfelli Suarezfari viljinn yfir strikið og verði óviðkunnanlegur og jafnvel ógeðfelldur - nema ´þá fyrir stuðningsmenn liðsins sem hann leikur í þar sem honum er samstundis fyrirgefið.

Hér má sjá nokkrar einkennilegar uppákomur. Frægt varð þegar hann varði með hendi á móti Ghana í útsláttarkeppninni 2010. Náttúrulega rautt spjald. Ghana klúðraði svo vítarspyrnunni - og Suarez fagnar gríðarlega. Gríðarlega. Eftir leikinn sagði hann: ,,The Hand of God now belongs to me".

Hann hafði ekkert samviskubit yfir þessu. Að hans áliti bjargaði hann leiknum fyrir Úrugvæ - sem að er náttúrulega rétt, býst eg við. Þetta er þó ekki versta uppákoman. Langt í frá.

http://www.youtube.com/watch?v=am1_8KdQzVQ

Ómar Bjarki Kristjánsson, 25.6.2014 kl. 01:19

Sæll Ómar.

Mjög líklegt að bragð eða lykt hafi sekúndubroti á eftir
tengt hann við þetta hliðarsjálf sitt en afneitun fylgir
strax á eftir og afturhvarf sem hvað gleggst er þar sem
hann dregur treyjuna fyrir vit sér og atvikið fær sess
sem það krækiber sem er neðst í því helvíti gullakistunnar
sem geymir þetta hólf og það hefur í raun aldrei gerst.

Húsari. (IP-tala skráð) 25.6.2014 kl. 11:08