Tvö aðalatriði: Bann og veðuraðstæður.

Tvö aðalatriði blasa við varðandi lendingu þyrlu á bannsvæði við Holuhraun í haust. 

1. Brot gegn banni. 

2. Veðuraðstæður, hvort hætta var á staðnum. 

Fyrra atriðið er aðalatriði. Hvort þyrluflugmanninum hafi verið kunnugt um bannið þegar hann lenti.

Seinna atriðið skiptir ekki beinu máli, en í umræðum um atvikið var það orðið að aðalatriði að fólkið, sem sást á myndinni, hefði verið í bráðri lífshættu.

Í því efni skipta veðurskilyrðin höfuðmáli. Hafi verið stífur og stöðugur vindur, sem stóð frá fólkinu og feykti gufum frá hrauninu í áttina frá því, var fólkið tæknilega séð ekki í neinni hættu. 

En þar skiptir máli, hvort treysta mætti því að vindurinn væri stöðugur. Til þess að komast að því þarf að skoða hvenær atvikið átti sér stað og hver veðurskilyrðin voru þá. 

Hafi vindurinn verið stöðugur og nóg mikill svo að engin hætta var á því að uppstreymi heits lofts frá hrauninu truflaði loftstreymið eins og stundum gerist á þessu svæði þegar sólarhiti hitar svartan sandinn og uppstreymið býr til hringrás og lokað veðurkerfi á sléttunni milli Dyngjuháls að vestan, Öskju og Vaðöldu að norðan og Kverkfjalla og Dyngjujökuls að sunnan, - hafi vindurinn sannanlega verið hinn sami á öllu svæðinu þegar atvikið átti sér stað og þyrluflugmaðurinn metið aðstæður rétt, er ekki hægt að ásaka hann fyrir að stofna lífi sínu og farþeganna í hættu. 

Þá stendur eftir spurningin um brot á banni, sem taka verður afstöðu til.

Að lokum má geta þess að þyrlufyrirtækið mun ekki vera íslenskt heldur danskt, þótt það sé kennt við Reykjavík. 

Þyrluflug við Holuhraun enn til rannsóknar

Athugasemdir

[ls (IP-tala skráð) 18.11.2014 kl. 14:15]

Held það sé grundvallaratriði í flestum réttarkerfum að vanþekking fríi mann ekki ábyrgð.  Það skiptir því litlu hvort hann vissi af banninu eða ekki.

Hitt er svo annað að hafi hann ekki vitað af banninu vekur það upp spurningar um hversu vel hann var undirbúinn.

[Haukur Kristinsson (IP-tala skráð) 18.11.2014 kl. 14:23]

Lesa þyrluflugmenn ekki NOTAM?

[Aron Frank (IP-tala skráð) 18.11.2014 kl. 14:43]

Braust þú ekki sjálfur bann Ómar þegar þú flaugst yfir svæðið þegar flugbann var. Var einhverntímann haft samband við þig vegna þess? 

[Móri (IP-tala skráð) 18.11.2014 kl. 22:11]

Almannavarnir ásamt ríkislögreglustjóra löggildi ferðaþjónustuaðila sem uppfylla tiltekin skilyrði til þess að fara með hópa á þá útsýnisstaði, sem leyfðir yrðu skv. uppástungum samtaka ferðaþjónustunnar. Ekki yrði öðrum aðilum leyft að fara með ferðafólk á svæðið, enda yrði hópunum þjónað af menntuðum leiðsögumönnum. Það eru nokkur fyrirtæki á landinu, sem ég sé fyrir mér að gætu annast þennan rekstur.

[Ómar Ragnarsson, 19.11.2014 kl. 00:38]

Sagt var frá þessu svokallaða flugbannsmáli mínu á sínum tíma en fyrst spurt er um það hér að ofan get ég upplýst þetta:

Greint var frá því í hádegisfréttum Bylgjunnar 29. ágúst sl. og á mbl.is upp úr hádeginu að ég hefði verið kærður fyrir að brjóta flugbann yfir nýjum gosstöðvum í Holuhrauni þá um morguninn og lægi ævinlega við slíku broti ófrávíkjanleg svipting flugmannsréttinda og kyrrsetning flugvélar. 

Ég heyrði ekki þessar fréttir þennan dag því að þegar þær fóru í loftið var ég á flugi yfir Vatnajökli á leið frá Egilsstöðum til Reykjavíkur. 

Hálfum mánuði síðar fékk ég fyrst skriflega tilkynningu um það frá Flugmálastjórn að ég hefði brotið flugbann þennan morgun og einnig hefði ég látið hjá líða að tilkynna um brotið þegar ég lenti á Egilsstöðum eftir téð flug. 

Þessu bréfi hef ég svarað og veit ekki hvort þessu máli er lokið eða ekki. 

Staðreyndir þess eru, og hefðu verið auðfengnar með einu símtali við flugturninn á Egilsstöðum þennan morgun í stað alls þess málareksturs sem í hönd fór, að ég fór í loftið á Egilsstöðum klukkan 5:14, en NOTAM tilkynning um flugbann á svæðinu var send til flugturnsins klukkan 5:52 eða 38 mínútum síðar.

Þá var ég búinn að vera á flugi utan radíósambands í meira en 20 mínútur og var með stillt á bylgju, sem flugmönnum ber að nota utan flugstjórnarsviðs þegar þeir eru að fljúga á svæði þar sem aðrar flugvélar kunna að vera og æskilegt er að flugmenn sjái sjálfir um að halda aðskilnaði með radíósamskiptum sín á milli.

Þegar ég kom að Holuhrauni án þess að hafa um það grænan grun að verið væri að setja á flugbann, eftir að gosinu væri lokið, var þar þyrla á jörðu niðri og var það ekki merki þess að flugbann hefði verið sett á. 

Enn síður gat mig órað fyrir því sem  kom fram í bréfi til mín hálfum mánuði síðar, að sett yrði flugbann vegna hugsanlegs vísindaflugs Landhelgisgæslunnar meira en fjórum klukkustundum eftir að ég var á bannsvæðinu.

Og ástæða þess að ég tilkynnti ekki um brot mitt þegar ég lenti á Egilsstaðaflugvelli kominn úr þessari ferð eins og ég var átalinn fyrir bréflega hálfum mánuði síðar að hafa ekki gert, var einfaldlega sú að ég hafði ekki hugmynd um að það flugbann hefði verið sett á fyrr en ég heyrði síðar þennan dag um fréttaflutning Bylgjunar og mbl.is 

[Þorsteinn Briem, 21.11.2014 kl. 16:33]

"Hvað ef einn af mestu jarðeldum sögulegs tíma ætti sér stað nú? Ný rannsókn bendir til þess að eldgos á borð við gosið í Lakagígum árið 1783 myndi spúa eiturgufum í suðvesturátt og leggja tugi þúsunda manna að velli.

Vísindavefritið ScienceNow sem greinir frá rannsókninni.

Afleiðingarnar gætu orðið skelfilegar fyrir flugumferð, alþjóðaviðskipti og stóran hluta atvinnulífs í Evrópu, þar á meðal framleiðslu og milliríkjaviðskipti með matvæli.

Enda þótt gosið í Laka, sem oftast er nefnt Skaftáreldar, hafi ekki valdið miklu öskufalli hafi það brennisteinsdíoxíð sem steig til himins jafnast á við allt það sem stafar frá iðnaði á heilu ári og rúmlega það, er haft eftir Önju Schmidt loftlagssérfræðingi við háskólann í Leeds í Bretlandi."

Eldgos hér á Íslandi gæti drepið á annað hundrað þúsund manns í Evrópu

[Þorsteinn Briem, 21.11.2014 kl. 23:01]

"From June of 1783 until February of 1784, the Laki volcano in south-central Iceland erupted. Although the event didn't produce large amounts of volcanic ash, it did spew an estimated 122 million metric tons of sulfur dioxide gas into the sky ..."

Return of a Killer Volcano - Number of Fatalities

"The 1783-1784 Laki flood lava eruption in Iceland emitted 122 megatons (122 Mt)SO2 into the atmosphere ..."

Atmospheric and environmental effects of the 1783–1784 Laki eruption: A review and reassessment