Aðeins hugsanlegt í Reykjavík?

Til umhugsunar fyrir okkur Íslendinga: 

Ef Íslendingur verður fyrir járnbrautarlest gerist það erlendis. 

Ef Íslendingur er skotinn er hann lang líklegast staddur í Bandaríkjunum.

Ef Íslendingur verður fyrir tilefnislausri líkamsárás og er beinbrotinn og laminn í klessu er hann staddur í Reykjavík.

Ég hef sjálfur orðið fyrir tilefnislausri líkamsárás þar sem árásarmaðurinn öskraði, að hann ætlaði að drepa mig og kýldi með berum hnefanum í gegnum bílrúðu svo að blóðug glerbrotin dreifðust yfir mig. Þarf þetta ástand virkilega að vera svona í minni kæru fæðingarborg?   

Aron varð fyrir líkamsárás í miðborginni

Athugasemdir

[Þorsteinn Briem, 30.12.2014 kl. 21:37]

Ráðist hefur verið á fólk um allt land öldum saman og landsþekkt eru slagsmál á sveitaböllum og á milli bæja og þorpa á landsbyggðinni.

Í miðbæ Reykjavíkur er einfaldlega margt um manninn og sumir drukknir en þeir koma víða að, til að mynda úr öðrum hverfum Reykjavíkur og annars staðar af höfuðborgarsvæðinu en einnig af landsbyggðinni og sumir þeirra eingöngu til að berja mann og annan í 101 Reykjavík.

Miðað við fólksfjölda gæti ég best trúað að mesta ofbeldið sé á Selfossi, miðað við allar lögreglufréttir þaðan, bæði fyrr og síðar.

Og alls staðar á landinu eru ofbeldismenn í öllum tilfellum aðkomumenn, eins og allir vita, og undirritaður þekkir engan ofbeldismann sem býr í 101 Reykjavík, enda aldrei verið barinn þar eða annars staðar í heiminum.

[Ingibjörg Magnúsdóttir, 31.12.2014 kl. 01:58]

Sæll Ómar, við hér á Íslandi erum blessunarlega laus við járnbrautalestir og skotvopn (f. utan eign vopna eitrlyfjagengja). Það er mjög sjaldgæft að íbúi í Reykjavík verði fyrir árás eins og þú lýsir í bloggi þínu. Svona árásir eiga sér kannski aðallega stað að næturlagi.

Hver man ekki eftir árás að bifreið sem var á leið til Reykjavíjur frá Keflavík f. þó nokkrua árum sínan: kónar réðust að bifreið um miðja nótt en sá sem var meöal farþega var starfsmaður sýslumannsembættisins í Rvík. Ef ekki sýslumaður sjálfur.

Besta vörnin er að vera ekki á neinu næturbrölti í höfuðborginni.

[Þorsteinn Briem, 31.12.2014 kl. 02:25]

Ekki veit ég hvað er slæmt við járnbrautarlestir.

Og Íslendingar eiga um sjötíu þúsund skotvopn.

Hægt að vopna þriðja hvern landsmann með íslenskum skotvopnum

[Jón Logi (IP-tala skráð) 31.12.2014 kl. 11:24]

Ég hef margoft orðið vitni að slagsmálum og vitleysingsgangi í 101. Í eitt sinn gekk ég fram á einn í götunni sem búið var að ganga svo vel í skrokk á, að hann endaði með heilaskemmdir. Sjúkrabíll var á leiðinni, en það var enginn sérstakur að gæta hans.
Á Selfossi var ég eitt sinn "dissaður". Þeir voru 5. Ég komst út gangandi og standandi, með gott glóðarauga og 5 skurði, en forystusauðurinn fékk niðurlægingu, þar sem ég pakkaði honum saman strax í upphafi.
Ég er viss um það Steini, að ef kjafturinn á þér væri jafn ritmálinu niðri í bæ á vondum stað og vondum tíma, þá dygði þér fátt til forðunar á meiðslum nema hafa Jack Reacher í bakhöndinni....

[Þorsteinn Briem, 31.12.2014 kl. 12:40]

Undirritaður bjó í tvo áratugi í 101 Reykjavík, fór þar á böll um nánast hverja helgi og var aldrei barinn.

Varð heldur ekki vitni þar að slagsmálum og ekki heldur í Rússlandi, þar sem ég bjó einnig um tíma.

Það eru staðreyndir og ég hef enga ástæðu til að ljúga um þessi mál.

Hins vegar fara fótboltabullur í Rússlandi til annarra bæja til að berja þar mann og annan á knattspyrnuleikjum en það er allt í góðu og á eftir fara þeir saman á næstu krá.

Þú og margir aðrir landsbyggðarmenn hafa gríðarlega fordóma gagnvart 101 Reykjavik, eins og dæmin sanna, bæði fyrr og síðar.

Mikill meirihluti Íslendinga býr einfaldlega á höfuðborgarsvæðinu og fjöldinn allur fer í miðbæ Reykjavíkur um helgar, bæði þeir sem búa á höfuðborgarsvæðinu og landsbyggðinni en eru þar nær allir glaðir og reifir.

Hins vegar er oft misjafn sauður í mörgu fé og ég hef enga ástæðu til að rengja menn þegar þeir greina frá einhverjum slagsmálum.

Hef alltaf sagt mína skoðun umbúðalaust, bæði hér og annars staðar, og hef ekkert að fela en það hafa nafnleysingjarnir hér.

Og hvarflar ekki að mér að greina frá þeim staðreyndum sem máli skipta hverju sinni, hvort sem mönnum líkar það betur eða verr.

[Þorsteinn Briem, 31.12.2014 kl. 12:55]

"Og hvarflar ekki að mér að greina [ekki] frá þeim staðreyndum sem máli skipta hverju sinni, hvort sem mönnum líkar það betur eða verr."

[Þorsteinn Briem, 31.12.2014 kl. 14:38]

Veit ekki betur en að Ómar Ragnarsson dásami hnefaleika sem eru óneitanlega slagsmál og enda stundum með rothöggi.