"Stóra fjarvistarmálið" í rími.

Forystu Íslands féllust hendur. 

Til Frakklands var þess vegna enginn sendur. 

Héðan fór enginn yfir hafið

því enginn er betri en Sigmundur Davíð.

 

Í haust marga daga hann hljóp af þingi.

Samt héldu menn áfram með góðu fulltingi,

Í ljós kom að er yfir efa hafið

að enginn er betri en Sigmundur Davíð.

 

Við endalok valda hans enginn er skaðinn?

Og enginn þarf þá að koma í staðinn?

Þá verður ei utan af því skafið

að enginn er betri en Sigmundur Davíð.  

 

Og nú var Jóhann Jónannsson að vinna Golden Globe verðlaun! Jibbí!  Enn einu sinni sjáum við dæmi um "eitthvað annað" sem getur gefið okkur mikið en gert var gys að árum saman, sem óhugsandi og ómögulegt. 

Já, eins og Bjarni Fel myndi segja: Jóhann Jóhannsson er betri en enginn! 

 

Obama gagnrýndur fyrir að mæta ekki

Athugasemdir

[Torfi Kristján Stefánsson, 12.1.2015 kl. 08:37]

Mér skilst að Obama hafi ekki heldur verið þarna og ekki varaforsetinn né utanríkisráðherrann. Hvað olli því?

[Hrúturinn (IP-tala skráð) 12.1.2015 kl. 10:23]

Og hverjum var svo sem ekki sama,

þótt sæist enginn frá Obama?

Þeir voru þá engum þar til ama...

[Kristinn (IP-tala skráð) 12.1.2015 kl. 13:22]

Auðvita hefði Sigmundur átt að mæta og mótmæla því að fólk víða í heiminum á hættu fangelsisvist ef það dregur í efa þær söguskýringar á Helförinni sem flestir sagnfræðingar hafa komist að.

[Haukur Kristinsson (IP-tala skráð) 12.1.2015 kl. 15:11]

Jónas sterkur í dag:

Enginn sýningargripur.

Feginn er ég, að Sigmundur Davíð fór ekki til Parísar „af ýmsum samverkandi ástæðum“. Hann er þjóðinni til skammar, hvar sem hann kemur til siðaðra þjóða. Íslendingar kusu þetta, segja menn og hrista hausinn. Minnir pínulítið á Davíð Oddsson, sem sagði vinsæla heimabrúks-brandara sína erlendis; og enginn hló. Þaðan stafar óbeit Davíðs á Evrópu og Evrópusambandinu. Svipað er á seiði með silfurskeiðunginn, sem þjóðin hefur núna sett sér til öndvegis. Ógæfu Íslands verður margt að vopni, þótt Sigmundur Davíð sé ekki til sýnis á götum Parísar. Því sjaldnar sem hann er á fótum yfirleitt, því skár gengur hans dvergunum sjö.