Hesturinn ber ekki það sem ég ber?

Þjóðsagan íslenska, nokkurs konar dæmisaga, greinir frá manni sem ætlaði að flytja þungan poka á milli staða og setti fyrst upp á bak sér og komst síðan með miklum erfiðismunum upp á hestinn sem hann ætlaði í ferðina. 

Spurður um það hvað þessi fíflagangur ætti að þýða svaraði hann með hinni klassisku setningu: "Hesturinn ber ekki það sem ég ber." 

Ástand íslenska vegakerfisins, jafnt í borg sem sveit, er þannig að það leggur milljarða króna aukakostnað á landsmenn. 

Ástandið er svona slæmt og fer ört versnandi, vegna þess að menn horfa í krónurnar sem fara úr ríkissjóðum og opinberum sjóðum í að viðhalda þessum vegum. 

Vegagerðin áætlar að þriðjung vanti upp á að brýnasta viðhaldi sé sinnt og eftir því sem árin líða verður þessi upphæð bara hærri og tjónið á farartækjum landsmanna meira. 

Í Reykjavík hefur áratugum saman verið notuð efni í malbikið sem gerir það margfalt slitgjarnara en í nágrannalöndunum. 

Þetta er réttlætt með því að þegar litið sé á fjárhagsáætlun hvers árs fyrir sig komi í ljós að útgjöldin vegna malbiksframkvæmda verði meiri það árið en ella. 

En þegar litið er til lengri tíma verða útgjöldin hins vegar minni og einnig miklu minni hætta vegna slæms ástands gatnanna og minna tjón á bílum. 

Heildarkostnaðurinn vegna vegakerfisins þegar bæði vegir og bílar eru teknir með í reikninginn verður mun meira en ella. 

En "hestur ber ekki það sem ég ber" var, er og verður í fullu gildi.

Slæmir vegir skemma bíla

Athugasemdir

[Ólafur Guðmundsson (IP-tala skráð) 15.2.2015 kl. 22:15]

Rétt eins og alltaf hjá þér Ómar....

Staðreyndin er heimska og skilningsleysi pólitíkusa og embættismanna sem sjá ekki samhengi hlutanna.

Við notendur og skattgreiðendur borga bara og borga, en fáum ekki það sem við borgum fyrir, sem eru vegir og kerfi sem við eigum rétt á.

[Þorsteinn Briem, 15.2.2015 kl. 23:38]

Malbik var 55% svifryks í Reykjavík að vetrarlagi fyrir áratug en einungis 17% í febrúar, mars og apríl síðastliðinn vetur.

Og salt var 11% svifryks fyrir áratug en einungis 3% síðastliðinn vetur.

"Frá árinu 2000 hefur notkun nagladekkja í Reykjavík verið könnuð árlega og var 67% veturinn 2000-2001 en komin niður í 38% síðastliðinn vetur."

"Auk minnkunar á notkun nagladekkja hafa orðið breytingar á malbikstegundum og malbikunaraðferðum sem hefur áhrif á slitþol malbiksins og um leið magn og gerð svifryks frá malbikinu."

"Miklabraut er lögð malbiki með innfluttri harðri grjóttegund sem á að gefa mikið slitþol.

Grensásvegur er aftur á móti lagður malbiki með innlendri grjóttegund, þar sem slitþolið verður ekki eins mikið og með notkun innflutta grjótsins."

Samsetning svifryks í Reykjavík - Vegagerðin í september 2013

[Filippus Jóhannsson, 16.2.2015 kl. 15:07]

Þegar fasismi og heimska ræður för er ekki við góðu að búast.