Afkoma álveranna byggist á skammarlega lágu orkuverði.

Það er gott og blessað að blaðamenn kafi ofan í tekjur einstaklinga eins og þeir hafa gert áratugum saman. 

En allt frá upphafi stóriðju á Íslandi fyrir 45 árum hefur sannleikurinn um skammarlega lágt orkuverð til álveranna verið falinn eða beitt blekkingum um það. 

Hefði vegna stærðar málsins þó verið full ástæða til að upplýsa um þetta mál.

Þess vegna er ástæða til að fagna því að á Orkubloggi sínu hefur Ketill Sigurjónsson birt upplýsingar um þetta gríðarlega hagsmunamál þjóðarinnar, sem stinga svo sannarlega í augu.

Þar kemur fram að Alcoa og þó einkum Norðurál hafa fengið orkuna á spottprís, langt undir verðinu í nágrannalöndunum og meira að segja undir verðinu í Afríku, þar sem alþjóðleg stórfyrirtæki beita aflsmun miskunnarlaust til að keyra niður verðið gagnvart fátækum og veikburða þjóðum.

Fram kemur að í samningi við álverið í Straumsvík 2010 náðist skárra raforkuverð en við Norðurál og Alcoa og rofin var hin óhagstæða tenging við álverð á heimsmarkaði.

Ketill á miklar þakkir skildar fyrir vinnu sína við að afla þessara upplýsinga og koma þeim á framfæri.  

Afkoma fyrirtækja „dúndrandi“ góð

Athugasemdir

[Þjóðólfur í Frekjuskarði (IP-tala skráð) 28.7.2015 kl. 06:11]

Fátækur karl en frekar klúr,
frægur um bæinn hálfan,
tók víst fjórar biskupsfrúr,
umfram kónginn sjálfan!

http://eirikurjonsson.is/sagt-er-2325/

[G. Pétur Matthíasson (IP-tala skráð) 28.7.2015 kl. 08:47]

Og þetta smánarlega raforkuverð segir okkur þá líka að langhagkvæmasti virkjunarkostur á Íslandi felst í því að loka álveri.

[Vagn (IP-tala skráð) 28.7.2015 kl. 09:25]

 http://kjarninn.is/2015/05/serfraedingur-bullar/

[Erlingur Alfreð Jónsson, 28.7.2015 kl. 11:40]

Höldum því engu að síður til haga að Ketill orkubloggari er mikill talsmaður raforkusölu til Bretlands um sæstreng.