Nú mætti straumurinn vera í hámarki

Ísland er ævintýraland, einkum í augum erlendra ferðamanna.  Nú mætti ferðamannastraumurinn vera í hámarki, slík er sú dýrð og óviðjafnalegar aðstæður sem haustið býður upp á.  Á haustin er sólin alltaf í réttri hæð til að ná sem bestum ljósmyndum því þá er skuggarnir fallegastir og landslagið kemur best í ljós.

Útlendingur, sem er með Ferðastiklufólki í för, er ekki enn búinn að jafna sig á andstæðunum á milli þess að vera akandi í niðamyrkri og þoku um draugalegt landslag á hálendinu og síðan hins seinna í sömu ferð að þeysa næstu nótt á eftir um eyðisanda og hraun með himininn logandi í norðuljósum og stjörnurnar svo nálægt að það er líkt og maður gæti gripið þær í lófa sér. 

Í dag fær maður að komast nálægt bændum sem eru að reka fé ofan af fjöllum. Og haustlitirnir dýrðlegu eru að sjálfsögðu aldrei nema  á  haustin.  Ef það er einhver tími ársins sem það er veður til að skapa, bæði myndir og minningar, er það í september.

Hellisheiði hefur verið opnuð

Athugasemdir

[Þorsteinn Briem, 20.9.2015 kl. 16:30]

Ómar stiklar ótal margt,
í óbyggð vel er haldinn,
fjallkonunnar skoðar skart,
skín á fagran faldinn.

[Haukur Kristinsson (IP-tala skráð) 20.9.2015 kl. 17:28]

Góður, Steini!

[Þorsteinn Briem, 20.9.2015 kl. 17:46]

"Smalavinir er vettvangur þar sem bændur um allt land, göngu- og hestafólk geta sameinað krafta sína til að manna leitir.

Tilgangurinn er tvíþættur: Bændur fá aðstoð við smölun og leikmenn einstakt tækifæri til að kynnast stórbrotinni íslenskri náttúru."

Smalavinir - Shepard's friends