Vanhugsuð ráðstöfun?

Það er einkennilegt ef teknar eru ákvarðanir í umferðarmálum, sem varða afköst og mengun á fjölforðnustu leiðum, án þess að athuga afleiðingar þess með því að beita viðurkenndum alþjóðlegum aðferðum.

Svo virðist ætla að verða varðandi það að lækka hámarkshraða á Miklubraut frá Hlíðum að Kringlumýrarbraut.

Jafnvel meðaljóninn, sem enga þekkingu hefur á afkastamódelum vega og gatna, veit, að minnkaður hraði leiðir af sér minni afköst.

Að vísu er módelið ekki alveg eins einfalt og virðist við fyrstu sýn, því að eyðsla bíla eykst ekki línulega, heldur veldislægt með auknum hraða.

Það á þó meira við á miklu hraða en litlum, og of lítill hraði, sem myndar umferðarteppur á álagstímum, veldur því að bílar eru meira kyrrstæðir og menga án þess að komast áfram.

Síðan verður að taka tillit til þess ef hraðinn er miklu meiri á aðliggjandi kafla, eins og er austar á Miklubraut, þar sem 80 km hámarkshraði er.

Því meiri sem hraðamunurinn er á þeim kafla og kafla vestar á leiðinni, því meiri tafir verða þar sem hraðinn er lægri.

Raunar virðist fleira vera gert á þessum kafla til að stuðla að myndun umferðarteppu.

Þannig virðist ekki vera notuð nýjasta tækni til að umferð gangandi fólks og hjólafólks yfir gangbraut rétt austan Stakkahlíðar sé á þeim tíma þegar kemur sér best fyrir alla aðila.

Einn gandandi maður getur auðveldlega stöðvað marga tugi akanndi manna með því að nota gangbrautina einmitt þegar verst gegnir fyrir bílana sem gætu annars komist á grænni bylgju eftir þessum kafla.

Sjálfur er ég nú orðinn hjólreiðamaður í flest skipti, sem ég er á ferðinni á þessu svæði, en mér er engin þægð í því einn á ferð að stöðva fjölda annarra vegfarenda að óþörfu, einmitt þegar græna bylgjan er að koma.

Það hlýtur að vera hægt að samhæfa umferðina þannig að gangandi og hjólandi fari þarna yfir þegar akandi umferðin er minnst.  

Lækka á hámarkshraða á Miklubraut

Athugasemdir

[Sigurður Sunnanvindur (IP-tala skráð) 27.11.2015 kl. 09:10]

Á Miklubraut vantar fyrst og fremst betri upplýsingar um samstillingu umferðarljósa. 

Setja þarf upp stórar og læsilegar hraðamerkingar sem sýna NÁKVÆMLEGA þann hraða sem þarf að viðhalda til þess að geta ferðast á "grænni bylgu" eftir Miklubraut. 

Kynntist þessu fyrst í Danmörku, -þegar ekið er eftir stofnvegum inn í bæi og borgir eru skýrar merkingar sem tiltaka nákvæmlega þann hraða sem þarf til að geta ferðast viðstöðulaust á milli umferðarljósa. Merkingarnar eru á forminu "Græn Bylgja XX km/klst". Hraðinn er nákvæmlega tiltekinn, getur á einu legg verið 73 km/klst en 67 km/klst á þeim næsta.

Sumstaðar eru þessar merkingar á formi hefðbundinna málaða skilta en ´þar sem hraðinn á einstökum leggjum getur verið mismunandi eftir umferðarálagi og breytilegri samstillingu umferðarljósa er notast við ljósaskilti.

Aðgerð af þessu tagi gæti aukið mjög afköst og öryggi á Miklubraut.

[Grímur (IP-tala skráð) 27.11.2015 kl. 16:54]

Hraðahindranir, þrengingar og ekkert viðhald er aðalsmerki þeirra sem eiga vera stjórna borginni.

Þeir vilja frekar borga miljónatugi fyrir skýrslur um léttlestir en eyða krónu í betra rennsli umferðar.