Misjöfn viðbrögð við litlu fylgi í aldar sögu jafnaðarmanna.

Árið 2016 er tvöfalt afmælisár í sögu krata á Íslandi, 100 ár frá stofnun Alþýðuflokksins og 60 ár frá stofnun Alþýðubandalagsins. Í hitteðfyrra voru 20 ár frá stofnun Þjóðvaka og nokkrum árum áður 30 ár frá stofnun Kvennalistans.

Allt voru og eru þetta tilefni fyrir Samfylkinguna til að skoða uppruna sinn og sögu og greina nýja strauma í stjórnmálum til að bregðast við þeim. En þessi tilefni hafa ekki verið notuð að því er virðist af gagnkvæmnri tillitssemi hinna fjögurra stofnaðila við hver annan.

Er það eitthvert feimnismál hvað felst í heitinu "Samfylkingin - jafnaðarmannaflokkur Íslands"?

Er eitthvert feimnismál að vera frjálslyndur jafnaðarmaður og leggja slíka stefnu fram á skýran hátt inn í viðfangsefni íslenskra stjórnmála?

Er eitthvert feimnismál að leggja því lið að yfirgnæfandi vilji þeirra sem kusu um nýja stjórnarskrá 2011 var henni í vil?

Eða á það að vera svo að Píratar geti einn flokka eignað sér stuðning við það?

Opin umræða er nauðsynleg fyrir hverja stjórnmálahreyfingu. Annars væri ekki haldið fram þeirri síbylju að Samfylkingin sé "einsmálsflokkur" sem hafi aðeins eitt mál á dagskrá: Að ganga í ESB.

Síðan hvenær eru kjörorðin "frelsi-jafnrétti-bræðralag-lýðræði" orðin úrelt og ónothæf?

Umrótið og klofningurinn nú í íslenskum stjórnmálum eru ekki einsdæmi og viðbrögðin við slíku ástandi hafa verið mismunandi eins og´sjá má á yfirliti yfir það í næsta bloggpistli á undan þessum.

Landsfundur óraunhæfur á þessu ári

Athugasemdir

[Elín Sigurðardóttir (IP-tala skráð) 5.2.2016 kl. 08:12]

Frjálslyndir jafnaðarmenn sem sitja á brúsapallinum með ÁTVR í fanginu og bíða eftir næstu rútu í ESB.  Já, hvað er eiginlega að klikka?

[Þorsteinn Briem, 5.2.2016 kl. 09:13]

24.1.2016:

Jón Baldvin segir koma til greina að kjósa Pírata

[Elín Sigurðardóttir (IP-tala skráð) 5.2.2016 kl. 09:42]

Hvað segir unga fólkið?  Það er einkennilegt að horfa upp á framsóknarmennina í felulitunum, Illuga Jökulsson og Egil Helgason, tala niður unga fólkið, Vilhjálm Árnason og Áslaugu Örnu Sigurbjörnsdóttur.  Þeirra er framtíðin.

[Ómar Bjarki Kristjánsson, 5.2.2016 kl. 10:10]

Vandamál Íslands er og hefur verið, - að Jafnaðarmenn eru ekki nema um 10% innbyggja.  Þar liggur vandi landsins.  Þar skilur á milli velferarríki Norðurlanda og sjallabrútalismans sem ríkir hér.

[Ómar Ragnarsson, 5.2.2016 kl. 10:32]

Styrmir Gunnarsson kallar á umræðu í Sjálfstæðisflokknum vegna þess að aldrei fyrr í sögu hans hefur fylgi hans mælst jafn lítið og nú.

Sjálfstæðisflokkurinn er með víðfeðma stefnuskrá sem byggist frjálslyndum sjónarmiðum með sem mestu frelsi einstaklingsins.

Allt viðfangsefni sem eru áhugaverð þegar metin eru æskileg grunngildi.

[Ólína Kjerúlf Þorvarðardóttir (IP-tala skráð) 5.2.2016 kl. 10:53]

Aldeilis hárrétt ábennding hjá þér Ómar. Vandi jafnaðarmanna í dag virðist vera sá að menn eru ekki í raunverulegum tengslu við uppruna sinn.

[Elín Sigurðardóttir (IP-tala skráð) 5.2.2016 kl. 11:17]

"Kaupfjelagslistinn"  Morgunblaðið 23. janúar 1926:3.

"Samábyrgðin.  460 verkamönnum bjargað úr hrömmum samábyrgðar."  Morgunblaðið 18. júní 1926:3.

[Þorsteinn Briem, 5.2.2016 kl. 11:33]

Píratar eru einfaldlega jafnaðarmannaflokkur, eins og vel sést á stefnu flokksins, og hafa nú 35,3% fylgi, samkvæmt skoðanakönnun Gallup.

Frá síðustu alþingiskosningum, 2013, hafa Píratar fengið fylgi frá Bjartri framtíð og Samfylkingunni en fyrst og fremst þeim sem þá kusu Framsóknarflokkinn í stað Samfylkingarinnar.

Fylgi Framsóknarflokksins fyrir þremur árum, í febrúar 2013, var samkvæmt skoðanakönnun Gallup 14,2% og er nú mjög svipað, 12%.

Framsóknarflokkurinn og Sjálfstæðisflokkurinn fengu samtals 38,5% í alþingiskosningunum 2009 og eru nú með nánast sama fylgi, 36,4%.

Þá var Framsókn með 14,8% fylgi en nú 12% og Sjálfstæðisflokkurinn með 23,7%, en nú 24,4%, og fékk 26,7% í síðustu alþingiskosningum, 2013.

Vinstri grænir eru nú með sama fylgi og í síðustu alþingiskosningum, þannig að Píratar hafa ekki fengið fylgi frá þeim.

Og Sjálfstæðisflokkurinn hefur misst lítið fylgi til Pírata.

Samfylkingin, Vinstri grænir og Borgarahreyfingin fengu samtals 58,7% í alþingiskosningunum 2009 og Samfylkingin, Vinstri grænir, Björt framtíð og Píratar eru nú með sama fylgi, 58,9%.

Og jafnaðarmannaflokkarnir Píratar, Samfylkingin og Björt framtíð eru nú með 48,1% fylgi.

Fylgi Bjartrar framtíðar er hins vegar mjög lítið, 3,6%, og eins og staðan er núna er því líklegast að Píratar, Samfylkingin og Vinstri grænir, nú með samtals 55,3% fylgi, myndi næstu ríkisstjórn.

Í raun breytir því engu fyrir jafnaðarmenn hvort Samfylkingin hverfur af sjónarsviðinu, þar sem fylgi flokksins nú færi til Pírata, sem einnig er jafnaðarmannaflokkur.

Ekki ætti því að koma á óvart að Jón Baldvin Hannibalsson og Össur Skarphéðinsson, fyrrum formenn Alþýðuflokksins og Samfylkingarinnar, séu hrifnir af Pírötum.

[Ómar Bjarki Kristjánsson, 5.2.2016 kl. 12:09]

Vinstri Grænir eru ekki stjórntækir, að mínu mati.  Allt of sundrað lið þar innanborðs.  Þeir bara sveiflast eins og strá eftir því hvernig lýðskrumsvindurinn blæs.

[Elín Sigurðardóttir (IP-tala skráð) 5.2.2016 kl. 13:02]

Jafnaðarmenn hafa komist í tengsl við uppruna sinn.  Þá sýndu þeir sitt rétta andlit enn og aftur.  Ekki var það nú fallegt.

"Með kveðju frá ASÍ"  Morgunblaðið 10. janúar 1981:10.