Er og verður alltaf einhver lína.

Tímarnir breytast og mennirnir með. Elsti varðveitti texti við lag, sem til er eftir mig (að vísu bara í hausnum hjá mér), svonefnt Kamarrapp frá sumrinu 1953, var óhæft til flutnings á þeirri tíð, en þætti ekkert sérstakt álitamál nú.

En það verða samt alltaf takmörk fyrir því hví hve langt er hægt að ganga, jafnvel þótt svo virðist sem strikið, sem ekki telst rétt að fara yfir, þokkist alltaf í sömu átt.

Dæmi um að línan hafi loksins verið lögð varðandi bókmenntir, var Hæstaréttardómur varðandi ævisögu eina, sem kom út á níunda áratugnum.

Á undan þessum dómi höfðu þolmörkin varðandi glannalegt efni í bókum sífellt verið að færast til í átt þess að meira væri leyfilegt en fyrr.

Niðurstaða dómsins var, að þarna hefði verið farið yfir strikið, og það var dýrt spaug fyrir útgefandann og höfundinn.

Vegna þess að ég var með bók á þeirri jólabókavertíð, fylgdumst við útgefandi minn vel með þessu máli, og frétti ég, að bókaútgefendur hefðu ekki orðið neitt sérstaklega svekktir almennt, því að eftir þetta gátu þeir séð, hvar línan lægi og hagað sér í samræmi við það.  

Sjálfsagt hjá Ágústu að ganga út

Athugasemdir

[Þorsteinn Briem, 28.2.2016 kl. 18:43]

Ágústu þar Evu brá,
í eplin beit of mikið,
vissi þó hvar línan lá,
langt fór yfir strikið.

[NoNo (IP-tala skráð) 28.2.2016 kl. 18:52]

Hehe.... Steini hittir stundum á markið....

[Haukur Kristinsson (IP-tala skráð) 28.2.2016 kl. 19:45]

Ágústa Eva. What the hell is that? 

[Már Elíson, 28.2.2016 kl. 19:50]

Í fyrsta lagi.."That" is "she", Haukur (ruddi)

[Elín Sigurðardóttir (IP-tala skráð) 29.2.2016 kl. 08:25]

Þegar Steingrímur kallaði Davíð druslu þá hefði Davíð auðvitað átt að klæða sig úr að ofan og segja:  Já, ég er drusla.  Bara svona til að sýna hver hefði valdið.  Sé það núna.  

[Þorsteinn Briem, 29.2.2016 kl. 08:32]

Hann hefði þá væntanlega átt að klæða sig úr að neðan, Elín Sigurðardóttir.

[Elín Sigurðardóttir (IP-tala skráð) 29.2.2016 kl. 08:55]

Þá hefðu náttúrulega allir kveikt strax á perunni.

[Ómar Ragnarsson, 29.2.2016 kl. 13:45]

Og séð hvers kyns var.