Íslands þúsund ár

5.4.2016 | 15:39

Bara byrjunin.

Panamaskjölin eru yfirgengilega viðamikil. Ormagryfja. Kona situr þar í stjórn félags og skrifar upp á skjöl í átta ár eftir að hún er steindauð.

Einn er stjórnarmaður í 10 þúsund fyrirtækjum.

Það mun taka langan tíma að vinna úr þessum skjölum sem sumir stuðningsmenn SDG hér á blogginu telja uppspuna og þar með að nær allir fjölmiðlar heimsins fari með staðleysur.

Júlíus Vífill Ingvarsson og Vilhjálmur Þorsteinsson hafa gefið fordæmi um viðbrögð við upplýsingunum og nú, þegar þetta er párað, ætlar Sigmundur Davíð að segja af sér sem forsætisráðherra, en halda áfram sem formaður flokksins.

Ætlunin virðist að reyna svipaðar hrókeringar og í samstarfi við Sjálfstæðisflokkinn síðustu árin fyrir kosningarnar 2007, berja í brestina og rembast við að halda stjórninni á floti.

Ef SDG heldur að við það eitt verði unað að hafa mannaskipti í einu embætti áttar hann sig ekki á því að þetta er bara byrjunin en ekki endirinn á að því að vinda ofan af þeim tröllauknu málum, sem nú eru uppi í kjölfar Panamaskjalanna.

	Júlíus Vífill segir af sér
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Alltaf jafn trúgjarn og grunnhygginn Ómar.

Þessar Panama-Pappíra uppljóstranir eru augljóst dæmi um SAFF (Sérhannaða Atburðarás á Fölskum Forsendum) (e. False flag Attack, dæmi: ampúlan sem Colin Powell veifaði framan í Öryggisráðið hér um árið).

Því sem einfeldningum á borð við þig og almenningi er ætlað að trúa er eftirfarandi: Góðir drengir, tölvunördar með tagl og skegghýjung, uppgjafa- og atvinnulausir blaðamenn og kalla sig fínu nafni, alþjóðleg samtök rannsóknarblaðamanna (ICIJ) , finna hjá sér hvöt, eftir að einhver ónefndur "uppljóstrari" sem ekki má nefna, kemur til þeirra færandi hendi með 2,7 terabæt af upplýsingum, þá taka þeir sig til og dreifa "vissu úrvali" þessum upplýsingum til "virtra" dagblaða og fjölmiðla sem síðan birta þær á sinni forsíðu og sínum "Kastljósum", þar sem þeim er ætlað að vekja sem mestu uppnámi og glundroða.

Hið rétta er hinsvegar að þessi atburðarás er bersýnilega sérhönnuð frá grunni af vissum myrkraöflum, sem nota sér sem uppskrift að óhæfuverkum sínum þá hylli og velvilja almennings sem samskonar uppljóstranir Wikileaks hlutu fyrir nokkrum árum, upplýsingar sem kostuðu þá margra mánaða vinnu, svita og tár til þess að komast yfir. En nú finna Wikleaksmenn ólyktina af þessari Panama-uppljóstrun langar leiðir, sjá yfirlýsingar þeirra um málið í gær.

Hver er nefnilega einn aðalstyrktaraðili ICIJ? Jú, það eru "frjáls félagasamtök" sem kalla sig OCCRP, (The Organized Crime and Corruption Reporting Project) og þykjast vera "tengslanet rannsóknarblaðamanna, sem einkum sinna verkefnum í Austur-Evrópu og Mið-Asíu". Og hver er það svo sem fjármagnar það fyrirbæri ? Jú, það er The Open Society Foundation sem rekið er af "mannvininum" og "öðingnum" George Soros !! Mikið rétt, sá sami sem teiknaði upp og fjármagnaði blóðugu atburðarásina á Maidan-torgi í Úkraínu fyrir 3 árum.

Tólf skúrkar eru fyrst dregnir fram í dagsljósið: Að sjálfsögðu Vladimir Pútín, sem George Soros hatar eins og pestina, en nafn Pútins finnst þó því miður hvergi í téðum 2,7 terabætum, heldur aðeins tveir bræður, æskuvinir hans og einn ágætur sellóleikari ! Síðan koma nokkrir skuggalegir arabahöfðingjar og loks garmurinn hann Sigmundur Davíð: hvernig skyldi annars standa á því að Soros vill endilega ná sér niður á honum? Það þarf örlítið að grufla og kafa dýpra undir yfirborðið til þess að komast til botns í því, en jafnvel þú Ómar ættir að geta áttað þig nokkuð auðveldlega á því...

En hið alvarlega í þessu máli er að nú virðist Ísland í fyrsta sinn vera orðið skotmark þessara myrkraafla : Nú dugar því ekki lengur "Guð blessi Ísland" heldur þarf "Guð hjálpi Íslandi"

Tólf skúrkar eru nú dregnir fram í dagsljósið: Að sjálfsögðu Vladimir Pútín, sem George Soros hatar eins og pestina, en nafn Pútins finnst þó því miður hvergi í téðum 2,7 terabætum, heldur aðeins tveir bræður, æskuvinir hans og einn ágætur sellóleikari ! Síðan koma nokkrir skuggalegir arabahöfðingjar og loks garmurinn hann Sigmundur Davíð: hvernig skyldi annars standa á því að Soros vill endilega ná sér niður á honum? Það þarf örlítið að grufla og kafa dýpra undir yfirborðið til þess að komast til botns í því, en jafnvel þú Ómar ættir að geta áttað þig nokkuð auðveldlega á því...

Björn Jónsson (IP-tala skráð) 6.4.2016 kl. 13:02